Levítico 6:10 - CHUYA QELLQA La Biblia en Quechua de Ayacucho 2012

¹⁰ Sacerdotem linomanta pachawan pachakunqa, churakunqataqmi linomanta calzoncillowanpas. Lliw kañana animal ofrecesqanku rupayta tukuruptinñataqmi uchpanta hoqarispan altarpa waqtanman churanqa.

Quechua Ayacucho Bible 1987

¹⁰ Sacerdotem pachakunqa linomanta pachawan, hinakunqataqmi linomanta calzoncillowanpas. Lliw kañana animal rupayta tukuruptinñataqmi uchpantapas hoqarispan altarpa huklawninman churanqa.

Chuya Qellqa 1992

¹⁰ Sacerdotem linomanta pachawan pachakunqa, churakunqataqmi linomanta calzoncillowanpas. Lliw kañana animal ofrecesqanku rupayta tukuruptinñataqmi uchpanta hoqarispan altarpa waqtanman churanqa.

Levítico 6:10 Iomraidhean Croise

Ezequiel 44:19

Paykunaqa hawa patiopi runakunapa kasqanman manaraq lloqsichkaspam templopi servinankupaq churakusqanku pachata hurqokuspanku huk pachawan churakunqaku, hinaspam chay pachakunataqa chaypaq sapaqchasqa cuartopi saqenqaku, chaynapi chay pachakunawan llapa runakunata ama chuyancharunanpaq.

Levítico 1:13

Ofrecewananpaq apamuwaqniymi animalpa ukunninkunatawan piernankunata mayllanqa, hinaptinmi sacerdoteñataq lliwta altarpi kañaspa ofrecewanqa, chay ofrendaqa lliw kañanapaq animalmi, hinaspapas ñoqapaq miskillaña asnariq ofrendam.

Levítico 1:9

Ofrecewananpaq apamuwaqniymi animalpa ukunninkunatawan piernankunata mayllanqa, hinaptinmi sacerdoteñataq lliwta altarpi kañanqaku. Chay ofrendaqa lliw kañanapaq animalmi, hinaspapas ñoqapaq miskillaña asnariq ofrendam.

Levítico 16:4

Yaykunanpaqmi churakunqa linomanta chuya tunicanwan, linomanta calzoncillowan, weqawnintam linomanta chumpiwan watakunqa, umanmanpas linomanta ruwasqa mitrawanmi churakunqa. Chay pachakunaqa ñoqallapaqña sapaqchasqam; chay pachakunawanmi sumaqta bañakuruspan churakunqa.

Levítico 2:11

Ñoqa Tayta Diosman kawsaykunamanta ofrendata ofrecewaspaykichikqa amam levadurataqa hinankichikchu, nitaqmi mieltapas kañapuwankichikchu.

Levítico 21:22

Sacerdotekunapa ofrecewasqanku mikuytawan ñoqallapaqña sapaqchasqa ofrendakunataqa mikunmanmi.

Levítico 4:12

otaq chay nakasqan torotam lliwta campamentomanta uchpa wischunanku limpio sitioman hurqorunqa, hinaspam yantapa hawanpi otaq chay uchpapa hawanpi kañaykunqa.

Levítico 6:11

Chaymantam huk pachanwan cambiakuspan campamentomanta hawaman, uchpakuna wischunapaq akllasqa sitioman uchpata apanqa.

Levítico 6:18

Chaynaqa, ñoqa Tayta Diospaq kañapuwasqanku ofrendamantam Aaronpa qari kaq mirayninkuna tocaqninta mikunqaku, kaymi wiñaypaq kamachikuy paykunapaq kanqa. Imapas chay ofrendaman tupaykuqqa ñoqapaq sapaqchasqam kanqa, nispa.

Levítico 6:22

Chaynatataqmi ruwanqa Aaronpa rantinpi mirayninmanta acei-tewan tallispa akllasqa sumo sacerdotepas. Ñoqa Tayta Diosmi kay decretota wiñaypaq qoykichik, chay ofrendataqa lliwtam kañapuwankichik.

Levítico 8:2

Aarontawan churinkunata pusamuy, pachankutapas, ñoqapaq sapaqchaspa tallina aceitetapas, hucharayku wañuchinapaq malta torotapas, iskay carnerotapas chaynataq canastapi mana levadurayuq tantakunatapas apamuytaq.

Números 16:21

¡Kay runakunamanta asurikuychik, kunallanmi wañurachisaq! nispa.

Números 16:35

Tayta Diospa qayllanmanta nina rikuriramuspanñataqmi chay incienso qontichiq iskay pachak pichqa chunka runakunata ruparurqa.

Apocalipsis 19:14

Hanaq pachapi kaq tropakunam qepanta rirqaku yuraq caballokunapi linomanta fino pachayuqkama.

Apocalipsis 19:8

Noviaqa yuraq-yuraq kancharichkaq lino pachawan pachachisqañam kachkan, chay fino linomanta pachaqa Diosllapaqña kawsaqkunapa sumaq kawsakuyninmi, nispa.

Apocalipsis 7:13

Hinaptinmi huknin anciano tapuwarqa: ¿Pikunataq kay yuraq pachayuqkunaqa? ¿Maymantataq hamurqaku? nispa.