Levítico 5:7 - CHUYA QELLQA La Biblia en Quechua de Ayacucho 2012

⁷ Sichum chay runapa oveja rantinanpaq mana qollqen kaptinqa ñoqa Tayta Diosmanmi apamuwanqa iskay qoqñuta otaq iskay mallqo palomata. Hukninmi huchan pampachana ofrendapaq kanqa, hukninñataqmi lliw kaña sacrificiopaq.

Quechua Ayacucho Bible 1987

⁷ —Huchanrayku ovejata apamunanpaq mana qollqen kaptinqa chay runam ñoqa Tayta Diosman apamuwanqa iskay qoqñuta otaq iskay mallqo palomata. Hukninmi kanqa huchan pampachasqa kananpaq, hukninñataqmi kanqa lliw kañanapaq.

Chuya Qellqa 1992

⁷ Sichum chay runapa oveja rantinanpaq mana qollqen kaptinqa ñoqa Tayta Diosmanmi apamuwanqa iskay qoqñuta otaq iskay mallqo palomata. Hukninmi huchan pampachana ofrendapaq kanqa, hukninñataqmi lliw kaña sacrificiopaq.

Levítico 5:7 Iomraidhean Croise

Levítico 12:6

Chay warmipa chuyanchakunan punchaw cumplikuruptinmi qari wawa kaptin otaq warmi wawa kaptinpas huk watayuq malta carnerota lliw kañanapaq apamunqa. Apamunqataqmi huk mallqo palomatawan huk qoqñutapas. Chay ofrendaqa huchankuna pampachasqa kananpaqmi kanqa. Chaykunatam sacerdoteman qonqa,

Levítico 12:8

Sichum malta carnerota apamunanpaq chay warmipa qollqen mana kanqachu hinaptinqa iskay qoqñutawan otaq iskay mallqo palomakunatam apamuwanqa. Hukninmi lliw kañanapaq kanqa, hukninñataqmi hucharayku ofrendapaq. Chaykunataqa sacerdotem ofrecewanqa chay warmipa huchankunata pampachanaypaq, chaymantañam payqa asuykamuwanqa.

Levítico 14:30

Chaymantam ofrecewaqniypa atis-qanman hina, sacerdote ofrecewan-qa huknin qoqñuta otaq huknin mall-qo palomata.

Levítico 14:31

Chaykunapa hukninmi hucharayku ofrendapaq kanqa, hukninñataqmi lliw kañanapaq. Chaywan kuskatataqmi millakuypaq kayninmanta chuyanchakuq runapa huchankunata pampachasaq.

Levítico 15:30

Hinaptinmi sacerdoteqa hukninta ofrecewanqa hucharayku ofrendata hina, huknintañataqmi ofrecewanqa lliw kañanata hina. Chaynatam ñoqa Tayta Diospa qayllaypi yawarpakuyninmanta chay warmita sacerdote chuyanchanqa.

Levítico 16:5

Israelpa mirayninkunapa rantinpiñataqmi huchamanta ofrendapaq iskay chivatokunata Aarón apamunqa, apamunqataqmi lliw kañanapaq huk carnerotapas.

Levítico 27:8

Chay prometekuq runa llumpay wakcha kaspan tasasqaykichikta mana pagayta atiptinmi ichaqa, chay prometekuq runataqa sacerdoteman pusankichik, hinaptinmi sacerdote precionta churanqa prometekuqpa pagay atinanpaq hinallata.

Levítico 5:11

Chay runa huchanmanta iskay qoqñuta otaq iskay mallqo palomata apamuwananpaq mana qollqen kaptinqa, iskay kilo fino harina ofrendatam apamuwanqa, chaynapi huchan pampachasqa kananpaq. Chaymanqa amam aceiteta nitaq inciensotapas tallinqachu, chaykunaqa hucha pampachanapaq ofrendam.

Levítico 7:1

Culparayku ofrendakunaqa ñoqa-llapaqña sapaqchasqam kanqa, kaymi culparayku ofrendamanta kamachikuy:

Levítico 9:3

Israelpa mirayninkunata niy hucha pampachanapaq kaq chivatota pusamunankupaq, pusamuchunkutaq malta torotawan malta carnerotapas. Chaykunaqa lliw kañanapaq huk watayuq sano animalkunam kanqa.

Números 6:10

Pusaq kaq pun-chawpiñataqmi iskay qoqñuta otaq iskay mallqo palomata asuykuwanaykichik carpapa punkunman apamuspa sacerdoteman qonqa.

Números 6:11

Hinaptinmi sacerdoteñataq hukninta hucharayku ofrendata hina ofrecemuwanqa, huknintañataq lliw kañana ofrendata hina ofrecemuwanqa. Chaynapim wañuqpa ayan hapirusqanmanta chay ñoqapaq sapaqchakuq runapa huchan pampachasqa kanqa. Chay punchawmantam chukchanta sapaqchapuwanqa.

Mateo 10:16

Atoqkunapa kasqanman ovejakunata kachachkaq hinam kachachkaykichik, qamkunaqa maqta uru hina sakriyá kaychik, ichaqa paloma hina manso.

Mateo 21:12

Jesusmi temploman yaykurqa, hinaspam chaypi rantikuqkunatawan rantiqkunata qarqorqa. Qollqe cambiananku mesakunatawan paloma rantikuqkunapa sillankunatapas wikaparurqam.

Mateo 3:16

Jesusmi bautizarachikuspan yakumanta lloqsimurqa, chayllamanmi hanaq pacha kicharikuykuptin Diospa Espiritunta rikururqa paloma hina payman uray-kamuchkaqta.

Lucas 2:24

Rirqakuqa Señorpa kamachikuyninman hina, iskay qoqñukunata otaq iskay mallqo palomakunata ofrecemunankupaqmi.

2~Corintios 8:12

Pipas cheqapta qoyta munaptinqa, kapuqninman hina qosqan ofrendatam Diosqa chaskinqa. Diosqa manam mañanchu mana kapuqniyuqmantaqa.