Levítico 4:3 - CHUYA QELLQA La Biblia en Quechua de Ayacucho 2012

³ Sichum sumo sacerdote huchallikuruptinqa llaqtapas huchayuqmi kanqa. Hinaptinqa chay sacerdotem ñoqa Tayta Diospaq sanon malta torota wañuchipuwanqa, chaynapi huchan pampachasqa kananpaq.

Quechua Ayacucho Bible 1987

³ —Sacerdotekunapa jefen qonqayta huchallikuruspan lliw runakunata culpasqata rikurirachiptinqa, chay sacerdotem ñoqa Tayta Diospaq wañuchipuwanqa sanon malta torota chaynapi huchan pampachasqa kananpaq.

Chuya Qellqa 1992

³ Sichum sumo sacerdote huchallikuruptinqa llaqtapas huchayuqmi kanqa. Hinaptinqa chay sacerdotem ñoqa Tayta Diospaq sanon malta torota wañuchipuwanqa, chaynapi huchan pampachasqa kananpaq.

Levítico 4:3 Iomraidhean Croise

2~Crónicas 29:21

Qatirqakutaqmi qanchis malta torokunata, qanchis carnerokunata, qanchis malta carnerokunata hinaspa qanchis chivatokunatapas, reypa ayllunkuna pampachasqa kanankupaq, Judá runakunapas huchanmanta pampachasqa kanankupaq hinaspa santuariopas chuyanchasqa kananpaq. Reymi kamachirqa Aaronpa mirayninmanta kaq sacerdotekunata, chay animalkunata wañuchispa Tayta Diosman altarninpi ofrecenankupaq.

Esdras 8:35

Chaymantam preso kasqankumanta kutimuqkuna Israelpa Diosninman lliw kañana sacrificiokunata ofrecerqaku. Israelpi sapa ayllupa rantinpim ofrecerqaku chunka iskayniyuq malta torokunata, isqon chunka soqtayuq carnerokunata, qanchis chunka qanchisniyuq malta carnerokunata hinaspa hucha pampachana ofrendapaq chunka iskayniyuq chivatokunata; chaykunatam Tayta Diosman lliw kañana sacrificiota ofrecerqaku.

Éxodo 29:14

Qarantawan aychantañataqmi akantawan kuskata campamentomanta hawapi kañanki, chay animalqa hucha pampachanapaq wañuchisqa kasqanrayku.

Éxodo 29:21

Altarpa hawanpi kaq yawarta hoqarispañataqmi ñoqallapaqña sapaqchana aceitetawan kuskata Aaronpa hinaspa churinkunapa pachanman challaykunki, chaynapim Aaronpas churinkunapas ñoqallataña serviwanankupaq sapaqchasqa kanqaku, pachankupas ñoqallapaqña sapaqchasqataqmi kanqa.

Éxodo 29:7

Chaymantam ñoqallapaqña sapaqchanapaq aceiteta hapiykuspa Aaronpa umanman talliykunki, chaynatam sacerdoteña kananpaq sapaqchanki.

Éxodo 30:10

Aaronmi watapi huk kutita altarpa tawan esquinanpi waqrachankunata yawarwan llusinqa. Chaynataqa ruwanqa hucha pampachanapaq wañuchisqanku animalpa yawarninwanmi; chay altarqa ñoqallapaqña sapaqchasqam kanqa.

Ezequiel 40:39

Chay yaykuna corredorpim tawa mesakuna kasqa, kaylaw-waklawpi iskay; chaypa hawanpim lliw kañana sacrificiopaq, hucha pampachana ofrendapaq chaynataq hucharayku ofrendapaq animalkunata nakasqaku.

Ezequiel 43:19

Leví casta Sadocpa mirayninmanta kaq sacerdotekunamanmi huk torillota qonki, wañuchispanku hucharayku ofrendata ofrecemuwanankupaq, paykunallam serviwanankupaqqa asuykamuwanqaku. Ñoqa Tayta Diosmi chaynata nini.

Ezequiel 44:27

Chaymantam temploman serviwananpaq kutiykuspan huchamanta sacrificiota ofrecewanqa. Ñoqa Tayta Diosmi chaynata nini.

Levítico 1:10

Pipapas ovejamanta otaq cabramanta ofrendan kaptinqa, orqon kaqtam chaynataq sanon kaqtam apamuwanqa;

Levítico 1:3

Sichum lliw kañana sacrificiopaq vacankunamanta apamuspanqa, sumaqnin sano torotam ñoqaman asuykuna carpapa punkunpi ofrecewanqa, chaynapi ñoqa Tayta Dios chaskinaypaq.

Levítico 16:11

Aaronmi huk malta torota kikinpa huchanmantawan ayllunpa huchankunamanta ofrecewanqa, huchanku-namanta ofrenda kasqanrayku, chaynapi huchankumanta pampachanaypaq.

Levítico 16:3

Aaronqa carpaman yaykuspanqa kaykunatam apanqa: Hucharayku ofrendapaq malta torota chaynataq lliw kañanapaq carnerota.

Levítico 16:5

Israelpa mirayninkunapa rantinpiñataqmi huchamanta ofrendapaq iskay chivatokunata Aarón apamunqa, apamunqataqmi lliw kañanapaq huk carnerotapas.

Levítico 16:6

Chaymantam kikinpa huchanmantawan ayllunpa huchankunamanta malta torota Aarón ofrecewanqa, chaynapi huchankuta pampachanaypaq.

Levítico 4:14

Huchallikusqankuta musyakuruspankuñataqmi, llapallankupa rantinpi huk malta torota apamuspa ofrecewanqaku huchankumanta pampachasqa kanankupaq. Apamuwanqakuqa asuykuwananku carpamanmi.

Levítico 4:23

Chaynaqa, chay huchanta pipas reqsiykachiptinmi huk sano chivato ofrendata apamunqa.

Levítico 4:28

Chay huchanta pipas reqsiykachiptinmi hucha ruwasqanmanta huk sano cabra ofrendata apamuwanqa.

Levítico 4:5

Hina chay sacerdotem animalpa yawarninta asuykuwananku carpaman apamunqa.

Levítico 5:6

Hinaspam huchanmanta ñoqa Tayta Diosman huk oveja otaq huk cabra ofrendata apamuwanqa, hinaptinmi sacerdoteñataq chay animalta ofrecewanqa chaynapi huchan pampachasqa kananpaq.

Levítico 6:18

Chaynaqa, ñoqa Tayta Diospaq kañapuwasqanku ofrendamantam Aaronpa qari kaq mirayninkuna tocaqninta mikunqaku, kaymi wiñaypaq kamachikuy paykunapaq kanqa. Imapas chay ofrendaman tupaykuqqa ñoqapaq sapaqchasqam kanqa, nispa.

Levítico 8:12

Aaronpa umanmanpas chay aceitetam talliykurqa. Chaynatam Diospaq sapaqcharqa.

Levítico 9:2

Hinaspam Aaronta nirqa: Hucha pampachana ofrendapaqmi huk sano malta torota pusamunki, pusamunkitaqmi lliw kañana sacrificiopaq sano carnerotapas, Tayta Diosman ofrecenaykipaq.

Levítico 9:3

Israelpa mirayninkunata niy hucha pampachanapaq kaq chivatota pusamunankupaq, pusamuchunkutaq malta torotawan malta carnerotapas. Chaykunaqa lliw kañanapaq huk watayuq sano animalkunam kanqa.

Números 16:22

Chaymi Moiseswan Aaronñataq qonqoranpa pampaman kumuykuspa nirqaku: Dios Taytallayku, runakuna kawsachiq Dios, ¿chulla runapa huchallanmantachu llapa runakunapaq piñakurunki? nispanku.

Números 8:8

Chaymantam apamuwanqaku malta torota chaynataq fino harinamanta aceitewan chapusqa kawsay ofrendatapas. Qampas apamuwankitaqmi hucharayku ofrendapaq huk malta torota.

Romanos 8:3

Runa débil kasqanraykum leypa mana ruway atisqanta Dios ruwarun: Diosmi sapallan churinta huchasapa runaman rikchakuqta kachamurqa huchapa rantinpi wañunanpaq, chaynapi huchata paypa aychanpi puchukachinanpaq.

2~Corintios 5:21

Cristoqa manam huchallikurqachu, ichaqa ñoqanchikraykum huchanchikkunata Dios qepiykachirqa, chaynapi Cristowan huklla kaspanchik Diospa munasqanman hinaña kawsananchikpaq.

Hebreos 5:3

Chaymi Sumo sacerdoteqa kikinpa huchanmanta hinaspa runakunapa huchankumanta animalkunata wañuchispa Diosman sacrificiota ofrecenan.

Hebreos 9:12

Cristom “Chuyay-chuyay” lugarman huk kutillata yaykurqa, payqa yaykurqa manam chivatokunapa nitaq malta torokunapa yawarninta ofrecenanpaqchu, aswanqa kikinpa yawarninta ofrece-nanpaqmi. Chaynata ruwaspanmi salvacionta wiñaypaq rantipuwarqanchik.