Levítico 4:27 - CHUYA QELLQA La Biblia en Quechua de Ayacucho 2012

²⁷ Sichum ñoqa Tayta Diospa kamachikuyniykunapa contranpi hukkaqnin huchallikuruspanqa, chay ruwasqanmantam huchayuq kanqa.

Quechua Ayacucho Bible 1987

²⁷ —Ñoqa Tayta Diospa huk kaqnin kamachikuyniykunapa contranpi huk kaqnin humilde runa qonqayta huchallikuruspanqa chay huchamantam culpasqa kanqa.

Chuya Qellqa 1992

²⁷ Sichum ñoqa Tayta Diospa kamachikuyniykunapa contranpi hukkaqnin huchallikuruspanqa, chay ruwasqanmantam huchayuq kanqa.

Levítico 4:27 Iomraidhean Croise

Éxodo 12:49

Hina chay yachachikuyllam kanqa qamkunapaqpas chaynataq qamkunawan yachaq huklaw llaqtayuq runakunapaqpas, nispa.

Ezequiel 45:17

Chay kamachikuqñataqmi musoq killa fiestapi, samana punchawkunapi chaynataq Israelpa hatun fiestankunapi lliw kañana sacrificiotapas animalkunata qonqa, kawsaykunamanta ofrendapaq hinaspa tallinanku vinotapas. Paytaqmi hucharayku sacrificiotapas, kawsaykunamanta ofrendatapas, ñoqawan allinlla kasqaykichikmanta ofrendatapas hinaspa lliw kañana sacrificiota ofrecewanqa, chaynapi Israelpa huchankuna pampachasqa kananpaq.

Ezequiel 45:20

Chaynallatataqmi ruwanqa chay killapa qanchis kaq punchawninpipas, chaytaqa ruwanqa pantaruq hinaspa mana yachastin imawanpas huchallikuruq runakunaraykum, chaynatam templota chuyanchanqa.

Levítico 4:13

Sichum ñoqa Tayta Diospa kamachikuyniykunapa contranpi Israelpa mirayninkuna qonqayta huchallikurunmanku, hinaptin chay huchallikusqankumanta mana musyakuptinkuqa, chay huchankumantam llapallan huchayuq kanqaku.

Levítico 4:22

Sichum llaqtapi hukkaqnin kamachikuq huchallikurunqa ñoqa Tayta Diospa hukkaqnin kamachikuyniykunapa contranpi hinaspaqa huchayuqmi kanqa.

Levítico 5:17

Sichum pipas mana yachastin ñoqa Tayta Diospa kamachikuyniypa contranpi huchallikuruspanqa, chay huchanmantam paganqa.

Levítico 9:15

Aaronqa llaqtapa ofrendantapas ofrecerqataqmi huchanku pampachasqa kananpaq; chivatota hapiykuspanmi wañurachirqa hinaspam ofrecerqa imaynam kikinpaq ofrecesqan ofrendata hina.

Números 15:16

Hina chay kamachikuywan hina chay yachachikuyllam qamkunapaqpas chaynataq qamkunawan yachaq huklaw llaqtayuqkunapaqpas kanqa, nispa.

Números 15:22

Moisesman ñoqa Tayta Diospa kamachisqaykunata, otaq qallariyninmantapuni Moisesnintakama qamkunapas chaynataq miraynikichikkunapas ruwanaykichikpaq kamachisqaykunata mana yachastin pantaruspa huchallikuruspaykichikqa kaynatam ruwankichik:

Números 15:27

Pipas mana yachastin huchallikuruspanqa, huchamanta ofrendatam huk watayuq cabrata ofrecemuwanqa.

Números 15:29

Mana yachaywan huchallikuptikichikqa hina chay kamachikuyllam kanqa qamkunapaqpas chaynataq qamkunawan yachaq huklaw llaqtayuqkunapaqpas.