Levítico 4:24 - CHUYA QELLQA La Biblia en Quechua de Ayacucho 2012

²⁴ Hinaspanmi chay chivatopa umanman makinta churaykunqa, chaymantam wañuchinqa animal kañanapaq wañuchinanku sitiopi, chaytaqa ñoqa Tayta Diospa qayllaypim ruwanqa. Chayqa hucha pampachanapaq ofrendam.

Quechua Ayacucho Bible 1987

²⁴ Chay huchallikuqmi puntata makinta churaykunqa chivatopa umanman, chaymantañam wañurachinqa lliw kañanapaq animal wañuchinanku sitiopi, chaytaqa ruranqa ñoqa Tayta Diospa qayllaypim. Chayqariki hucha pampachanapaq ofrendam.

Chuya Qellqa 1992

²⁴ Hinaspanmi chay chivatopa umanman makinta churaykunqa, chaymantam wañuchinqa animal kañanapaq wañuchinanku sitiopi, chaytaqa ñoqa Tayta Diospa qayllaypim ruwanqa. Chayqa hucha pampachanapaq ofrendam.

Levítico 4:24 Iomraidhean Croise

2~Reyes 12:16

Huchankumanta pampachasqa kanankupaq llapa runakunapa pagasqanku qollqetaqa manam Tayta Diospa templonmanqa apaqkuchu, chay qollqeqa sacerdotekunapaqmi karqa.

2~Crónicas 29:23

Chaymantam reypa chaynataq huñu-nasqa runakunapa ñawpaqninman pusachirqaku llapa chivatokunata hucha pampachana ofrendapaq, asuykachiptinkum paykunañataq makinkuta chay chivatokunapa hawanman churaykurqaku.

Éxodo 29:38

Sapa punchawmi huk watayuq iskay carnerokunata ofrecewanki. Chaytaqa mana tipiytam altarpa hawanpi ruwanki.

Isaías 53:6

Ovejakuna hinam chinkarurqanchik, sapakamam munasqanchikman pasakurqanchik, ichaqa Tayta Diosmi huchanchikta payman qepiykachirqa.

Levítico 1:11

hinaspanmi ñoqa Tayta Diospa qayllaypi, altarpa norte lawninpi kuchunqa. Aaronpa miraynin sacerdotekunañataqmi chay animalpa yawarninwan altarpa muyuriqninta challanqaku.

Levítico 1:4

Chay ofrendata apamuqmi kañana animalpa umanman makinta churanqa, chaynapim huchankunata pampachanaypaq chaskisaq.

Levítico 1:5

Hina kikinmi chay toropa kunkanta ñoqapa qayllaypi kuchunqa, hinaptinmi Aaronpa miraynin sacerdotekunañataq yawarninta apamuspa altarpa muyuriqninman challanqaku. Chaykunatam ñoqaman asuykuna carpapa punkunpi ruwanqaku.

Levítico 14:13

Chay malta carnerotaqa sacerdotem wañuchinqa, hucharayku ofrendatawan lliw kañapuwananku ofrendata wañuchinanku sitiopi. Culparayku ofrecewasqanku ofrendaqa sacerdotepaqmi kanqa imaynam hucharayku ofrenda hina, chayqa ñoqallapaqña sapaqchasqam.

Levítico 16:15

Chaymantam chivatota wañuchinqa llaqtapa huchankunamanta ofrecewananpaq, yawarnintañataqmi carpapi velopa qepanman apaykunqa, hinaspam tapapa hawanman chaynataq tapapa ñawpaqninman challanqa, imaynam malta toropa yawarninwan ruwasqanta hina.

Levítico 3:13

Ofrecewaqniymi chay animalpa umanman makinta churaykunqa, chaymantañam ñoqaman asuykuna carpapa punkunpi wañurachinqa, Aaronpa churin sacerdotekunañataqmi chay animalpa yawarninta tukuy altarman challanqaku.

Levítico 3:2

Chay ofrecewaqniymi puntata animalpa umanman makinta churaykunqa, chaymantañam ñoqaman asuykuna carpapa punkunpi wañurachinqa, hinaptinmi Aaronpa miraynin sacerdotekuna chay animalpa yawarninwan altarta challanqaku.

Levítico 3:8

chay ofrecewaqniymi puntata animalpa umanman makinta churaykunqa, chaymantañam ñoqaman asuykuna carpapa punkunpi wañurachinqa, hinaptinmi Aaronpa churin sacerdotekunañataq chay animalpa yawarninwan altarta challanqaku.

Levítico 6:18

Chaynaqa, ñoqa Tayta Diospaq kañapuwasqanku ofrendamantam Aaronpa qari kaq mirayninkuna tocaqninta mikunqaku, kaymi wiñaypaq kamachikuy paykunapaq kanqa. Imapas chay ofrendaman tupaykuqqa ñoqapaq sapaqchasqam kanqa, nispa.

Levítico 6:22

Chaynatataqmi ruwanqa Aaronpa rantinpi mirayninmanta acei-tewan tallispa akllasqa sumo sacerdotepas. Ñoqa Tayta Diosmi kay decretota wiñaypaq qoykichik, chay ofrendataqa lliwtam kañapuwankichik.

Levítico 6:25

Hucharayku ofrendakunamanta yachanankupaq Aarontawan churinkunata kaynata kamachiy: Hucharayku ofrecewasqanku animalqa ñoqa Tayta Diospa ñawpaqniypi wañuchisqam kanqa. Chaytaqa wañuchinqaku lliw kañana animalta wañuchinankupim. Chayqa ñoqallapaqña chuya ofrendam.

Levítico 7:2

Culparayku ofrecewasqanku animaltaqa wañuchinqaku maymi animal kañanapim, yawarnintañataqmi altarpa waqtankunaman challanqaku.