Levítico 4:15 - CHUYA QELLQA La Biblia en Quechua de Ayacucho 2012

¹⁵ Chaypim ñoqa Tayta Diospa qayllaypi llaqtapa ancianonkuna malta toropa umanman makinkuta churaykunqaku, hinaspam wañuchinqaku.

Quechua Ayacucho Bible 1987

¹⁵ Chaymantam huñunasqa runakunapa ancianokuna malta toropa umanman puntata makinkuta churaykunqaku ñoqa Tayta Diospa qayllaypi, chaymantañam chay malta torota wañuchinqaku.

Chuya Qellqa 1992

¹⁵ Chaypim ñoqa Tayta Diospa qayllaypi llaqtapa ancianonkuna malta toropa umanman makinkuta churaykunqaku, hinaspam wañuchinqaku.

Levítico 4:15 Iomraidhean Croise

2~Crónicas 29:23

Chaymantam reypa chaynataq huñu-nasqa runakunapa ñawpaqninman pusachirqaku llapa chivatokunata hucha pampachana ofrendapaq, asuykachiptinkum paykunañataq makinkuta chay chivatokunapa hawanman churaykurqaku.

Éxodo 24:1

Moisestam Tayta Dios nirqa: Ñoqapa kasqayman qespimuspayki Aaronta, Nadabta, Abiuta hinaspa Israel castakunamanta qanchis chunka ancianokunata pusamuy; paykunaqa ñoqamanta karullapim qonqorakunqaku.

Éxodo 24:9

Moiseswan kuskam seqarqaku Aarón, Nadab, Abiú hinaspa Israel miraykunamanta qanchis chunka ancianokunapas;

Levítico 1:3

Sichum lliw kañana sacrificiopaq vacankunamanta apamuspanqa, sumaqnin sano torotam ñoqaman asuykuna carpapa punkunpi ofrecewanqa, chaynapi ñoqa Tayta Dios chaskinaypaq.

Levítico 1:4

Chay ofrendata apamuqmi kañana animalpa umanman makinta churanqa, chaynapim huchankunata pampachanaypaq chaskisaq.

Levítico 16:21

Hinaspanmi Aaronqa chivatopa umanman makinkunata churaykuspan Israelpa mirayninkunapa mana allinkuna ruwasqankuta, mana kasukuyninkuta chaynataq huchankutapas ñoqaman willawanqa, hinaspam chay chivatota chunniqman pusachinqa chaypaq akllasqa runawan.

Levítico 4:16

Chaymi sumo sacerdote chay malta toropa wakin yawarninta asuykuwananku carpaman apamunqa.

Levítico 4:4

Chay torotam asuykuwananku carpapa punkunman pusamunqa, hinaspam chay animalpa umanman makinta churaykunqa, chaymantañam ñoqapa qayllaypi wañurachinqa.

Levítico 8:14

Hinaspam hucharayku wañuchinapaq malta torota Moisés pusachimurqa, chaymi Aaronwan churinkuna hucharayku wañuq malta toropa umanman makinkuta churaykurqaku.

Levítico 8:18

Chaymantam kañanapaq carnerota aparachimurqa, hinaptinmi Aaronwan churinkuna chay carneropa umanman makinkuta churaykurqaku.

Levítico 8:22

Apachimurqataqmi sacerdote sapa-qchasqa kananpaq ofrecena huknin carnerotapas, hinaptinmi Aaronwan churinkuna chay carneropa umanman makinkuta churaykurqaku.

Números 11:16

Chaymi Moisesta Tayta Dios nirqa: Israelpa mirayninkunamanta reqsisqayki qanchis chunka ancianokunata otaq paykunapi kamachikuqkunata huñumuway hinaspa asuykamuwanaykichik carpapa punkunman pusamuptiki qanwan kuska suyachunku.

Números 11:25

Tayta Diosmi puyupi uraykamuspan Moiseswan rimarqa hinaspam paywan kaq espiritumanta qanchis chunka ancianokunaman qorqa, chaymi paykuna profetizayta qallaykurqaku, chaymanta qepamanqa manañam profetizarqakuñachu.

Números 8:10

Leví ayllu runakunata ñoqa Tayta Diospa qayllayman asuykachimuptikim Israelpa mirayninkuna makinkuta paykunapa hawanman churanqaku.

Números 8:12

Chaymantam Leví ayllukuna makinkuta malta torokunapa umankuman churanqaku, hinaptinmi qam Moisesñataq huknin torota hucharayku ofrendata ofrecemuwanki, huknintañataqmi Leví ayllukunapa huchanta pampachanaypaq lliw kañana ofrendata ofrecemuwanki.