Levítico 4:13 - CHUYA QELLQA La Biblia en Quechua de Ayacucho 2012

¹³ Sichum ñoqa Tayta Diospa kamachikuyniykunapa contranpi Israelpa mirayninkuna qonqayta huchallikurunmanku, hinaptin chay huchallikusqankumanta mana musyakuptinkuqa, chay huchankumantam llapallan huchayuq kanqaku.

Quechua Ayacucho Bible 1987

¹³ —Ñoqa Tayta Diospa kamachikuyniykunapa contranpi Israelpa castan llapallan runakuna qonqayta huchallikuruptinkuqa hinaspa chay huchallikusqankumanta mana musyakuptinkuqa chay huchankumantam llapallan culpasqa kanqaku.

Chuya Qellqa 1992

¹³ Sichum ñoqa Tayta Diospa kamachikuyniykunapa contranpi Israelpa mirayninkuna qonqayta huchallikurunmanku, hinaptin chay huchallikusqankumanta mana musyakuptinkuqa, chay huchankumantam llapallan huchayuq kanqaku.

Levítico 4:13 Iomraidhean Croise

Esdras 10:19

Paykunam prometekurqaku warminkuta qarqonankupaq, hinaspam huchankumanta ofrendata huk carnerota ofrecerqaku.

Ezequiel 45:22

Chay punchawpim, chay kamachikuq kikinpa huchanmantawan llapallan runakunapa huchanmanta huk malta torota ofrecewanqa.

Oseas 5:15

Huchankuta reqsikuspanku maskaqniy hamunankukamam maymi kasqayman kutikusaq. Ñakariyninkupim anchata maskawanqaku.

Levítico 16:5

Israelpa mirayninkunapa rantinpiñataqmi huchamanta ofrendapaq iskay chivatokunata Aarón apamunqa, apamunqataqmi lliw kañanapaq huk carnerotapas.

Levítico 4:21

Chaymantam chay wañuchisqa malta torota campamentomanta karuman hurqoruspa kañanqaku, hucha pampachanapaq punta kaq malta toro kañasqanta hina. Chayqa llaqtapa huchan pampachasqa kananpaq ofrendam.

Levítico 5:17

Sichum pipas mana yachastin ñoqa Tayta Diospa kamachikuyniypa contranpi huchallikuruspanqa, chay huchanmantam paganqa.

Levítico 6:4

chaykunamantam huchayuq kanqa. Chaynaqa, suwakusqanta, negociopi engañasqanta, mana paypa kaqta qechukusqanta, waqaychachikusqan hapikuykusqanta, imapas tarikusqanta chaynataq yanqa jurasqanmantapas lliwtam dueñonman kutichipunqa, hinaspam huchanmanta sacrificiota ofrecewasqan punchawpi pichqaman rakisqapa hukninta yapanqa.

Números 15:22

Moisesman ñoqa Tayta Diospa kamachisqaykunata, otaq qallariyninmantapuni Moisesnintakama qamkunapas chaynataq miraynikichikkunapas ruwanaykichikpaq kamachisqaykunata mana yachastin pantaruspa huchallikuruspaykichikqa kaynatam ruwankichik:

1~Corintios 11:27

Chaynaqa, pipas mana chaypaq hina kachkaspa Señorpa tantan mikuqqa hinaspa Señorpa copanmanta tomaqqa Señorpa cuerponpa hinaspa yawarninpa contranpim huchallikuchkan.

1~Timoteo 1:13

Ñawpaqtaqa ñoqaqa Diospa contranpim karqani, paypi iñiqkunatam qatikacharqani, chaynata ruwaspaymi payta piñachirqani. Ichaqa Diosmi llakipayariykuwarqa manaraq iñisqayrayku mana yachaywan chayta ruwasqaymanta.

Josué 7:11

Israelpa mirayninkunam huchallikurunku, paykunawan pacto ruwasqaytam pakirunku. Chinkachisqa kananpaq ñakasqa kaqkunata suwakuruspam llullakurunku, hinaspam tukuy imankutawan kuskata pakarunku.