Levítico 3:17 - CHUYA QELLQA La Biblia en Quechua de Ayacucho 2012

¹⁷ Kay kamachisqayqa wiñaypaq decretom llapallan miraynikichikpaq. Maypiña kaspapas amam wiratawan yawartaqa mikunkichikchu, nispa.

Quechua Ayacucho Bible 1987

¹⁷ —Kay kamachisqayqa wiñaypaqmi kanqa llapallan miraynikichikpaq. Maypiña kaspapas amam mikunkichikchu wirataqa nitaq yawartapas.

Chuya Qellqa 1992

¹⁷ Kay kamachisqayqa wiñaypaq decretom llapallan miraynikichikpaq. Maypiña kaspapas amam wiratawan yawartaqa mikunkichikchu, nispa.

Levítico 3:17 Iomraidhean Croise

Génesis 9:4

Kikillanmanta wañusqa animalpa aychantaqa amam mikunkichikchu, yawarninpi kawsaynin kasqanrayku.

2~Crónicas 29:35

Lliw kañana sacrificiota ofrecenankuqa achkallañam karqa, Dioswan allinlla kasqankumanta ofrecenanku wirakunapas achkallañam karqa, chaynallataq lliw kañana sacrificioman tallinanku vinopas. Chaynatam musoqmanta qallarirqaku Tayta Diospa templonpi serviciokuna ruwayta.

Nehemías 8:10

Chaymantam Esdras nirqa: Rispaykichikyá allinnin mikuykunata mikuspa miskin vinota tomamuychik, hinaspayá mana mikunayuq kaqkunamanpas apachiychik. Kunan punchawqa Señorninchikpaq sapaqchasqa punchawmi. Ama llakikuychikchu, Tayta Diospa kusikuyninmi kallpanchikqa, nispa.

Éxodo 27:21

Aaronwan churinkunam mecherokunata allichanqaku ñoqapa ñawpaqniypi tukuy tuta ratananpaq. Chaytaqa ruwanqa pacto ruwasqay Arcata harkaq velopa ñawpaqninpim. Kaymi kanqa wiñaypaq decretoy llapallan Israel castakunapaq chaynataq mirayninkunapaqpas.

Éxodo 28:43

Chaywan hinakuspam Aaronwan churinkuna ñoqaman asuykuna carpaman yaykunqaku, hina chayna pachasqallam kanqaku “Chuya” lugarpi kaq altarman serviwanankupaq asuykuspankupas, chaynapim paykunataqa huchankurayku mana wañuchisaqchu. Kayqa wiñaypaq decretom Aaronpaqwan mirayninkunapaqpas kanqa.

Ezequiel 33:25

Chaynaqa, ñoqa Tayta Diospa nisqayta kaynata niy: Qamkunaqa aychatapas yawarnintintam mikuchkankichik, idolokunata yupaychaspaykichikmi runakunatapas wañuchichkankichik. ¿Chaykunata ruwachkaspachu kay allpa hapikuykuytaraq munachkankichik?

Ezequiel 44:15

Israelpa mirayninkuna ñoqamanta karunchakuruptinkupas Leví ayllumanta kaq Sadocpa mirayninkunam ichaqa temploypi servikurqaku, paykunallam serviwananpaqqa asuykamuwanqaku. Paykuna asuykamuwaspankum animalpa wirantawan yawarninta ofrecemuwanqaku. Ñoqa Tayta Diosmi chaynata nini.

Ezequiel 44:7

Qamkunaqa mana qari kayninpi nitaq sonqonpipas seña-lasqa runakunata temployman pusaykuspam millakuypaqtaña ruwarunkichik. Millakuypaqtaqa ruwachkankichik wirata hinaspa yawarta ofrecewaspaykichikmi, pactoytapas manam kasukunkichikchu.

Levítico 10:15

Kañanapaq wira ofrendakunatawan kuskatam qamkunapaq sapaqchasqa piernanta apamunqaku chaynataq kuyuchispa Diosman ofrecenanku qasqontapas. Chaykunaqa wiñaypaqmi qampaqwan churikichikkunapaq kanqa, Tayta Diospa kamachisqanman hina, nispa.

Levítico 10:9

Ñoqaman asuykuna carpaman yaykuspaqa qampas otaq churikikunapas amam vinota nitaq poqosqa aqatapas upyankichikchu, yanqañataqmi wañuruwaqchik. Kay nisqayqa wiña-wiñaypaq kamachikuymi llapallan miraynikichikpaq kanqa.

Levítico 16:29

Kaymi qamkunapaq wiña-wiñaypaq decretoy kanqa: Qanchis kaq killapa chunka punchawninpim ayunankichik hinaspam ama llamkankichikchu, amataqmi llaqtamasikichikpas llamkanqachu nitaq qamkunawan kaq huklaw llaqtayuqpas.

Levítico 16:34

Kaymi qamkunapaq wiña-wiñaypaq kamachikuy kanqa. Watapim huk kutita kayta ruwankichik Israelpa mirayninkunapa huchanta pampachanaypaq, nispa. Chaymi Tayta Diospa imaynam kamachisqanman hina Moisés ruwarqa.

Levítico 17:7

Demoniokunamanqa amañam sacrificiotaqa qonkichikñachu. Ñawpaqtam chaykunaman ofrecespa pierdekuq warmi hina huchallikurqankichik; kay kamachikuymi wiña-wiñaypaq llapallan miraynikichikpaq kanqa.

Levítico 19:26

Ima aychatapas yawarnintintaqa amam mikunkichikchu. Amataqmi qatipaqkunapas nitaq layqakunapas kankichikchu.

Levítico 23:14

Amaraqmi mikunkichikchu tantantapas, hamkatapas nitaq llullu kawsaytapas ñoqaman ofrendaykichikta apamunaykichik pun-chawkama. Kayqa wiña-wiñaypaq decretom llapallan miraynikichikpaq maypiña yachaptikichikpas kanqa.

Levítico 23:21

Chay punchawpipunim ñoqallapaqña huñunakuyta ruwankichik, amam imapipas llamkankichikchu, chaymi wiña-wiñaypaq kamachikuy llapallan miraynikichikpaq maypiña yachaptikichikpas kanqa.

Levítico 24:3

Aaronmi mecherokunata churanqa tukuy tuta ñoqa Tayta Diospa qayllaypi ratananpaq, chayqa ratanqa carpa ukupim velopa ñawpaqninpi. Kaymi wiña-wiñaypaq kamachikuy kanqa llapallan miraynikichikkunapaq.

Levítico 24:9

Chay tantakunaqa Aaronpaqwan churinkunapaqmi kanqa. Paykunam chaypaq sapaqchasqa sitiopi mikunqaku. Ñoqa Tayta Diospaq kañanaykichik ofrendakunamantapas, kay ofrendaqa ñoqallapaqña sapaqchasqam kanqa, nispa.

Levítico 3:16

Sacerdotem tukuy chaykunata altarpi kañanqa. Chayqa ñoqapaq kañasqa miski mikuy ofrendam, hinaspapas miskillaña asnariq ofrendam. Llapallan wirakunaqa ñoqa Tayta Diospaqmi.

Levítico 4:1

Israelpa mirayninkunaman ninanpaqmi Moisesta Tayta Dios kaynata nirqa: Pipas kamachikuyniypa contranpi huchallikuruptinqa, otaq “amam ruwankichu” nisqayta ruwaruptinqa, kaynatam ruwankichik:

Levítico 6:15

Chay sacerdotekunamanta hukkaqninmi aceitewan chaynataq inciensowan chapusqa harinamanta huk aptiyllata hurqoykuspan altarpa hawanpi kañanqa, chayqa yuyarinapaq ofrendam hinaspa ñoqa Tayta Diospaq miskillaña asnariq ofrendam.

Levítico 6:18

Chaynaqa, ñoqa Tayta Diospaq kañapuwasqanku ofrendamantam Aaronpa qari kaq mirayninkuna tocaqninta mikunqaku, kaymi wiñaypaq kamachikuy paykunapaq kanqa. Imapas chay ofrendaman tupaykuqqa ñoqapaq sapaqchasqam kanqa, nispa.

Levítico 6:22

Chaynatataqmi ruwanqa Aaronpa rantinpi mirayninmanta acei-tewan tallispa akllasqa sumo sacerdotepas. Ñoqa Tayta Diosmi kay decretota wiñaypaq qoykichik, chay ofrendataqa lliwtam kañapuwankichik.

Levítico 7:34

Israelpa mirayninkuna ñoqawan allinlla kasqankumanta animalta ofrecewaptinkum hurqonki kuyuchispa ofrecewananku qasqon ofrendata chaynataq sacerdoteman qonanku piernan ofrendatapas. Chaytaqa ruwankichik Aaronpaqwan mirayninkunapaq imaynam wiña-wiñaypaq decretoyman hinam.

Levítico 7:36

Sacerdotekuna aceitewan tallisqa kasqanku punchawmantaraqmi Tayta Dios kamachirqa Israelpa mirayninkuna tukuy kaykunata qonankupaq. Chay decretoqa wiña-wiñaypaq qosqam karqa.

Números 19:21

Chayqa wiñaypaq kamachikuymi kanqa. Chuyanchana yakuwan challaq runapas pachankunatam taqsakunqa. Pipas chuyanchana yakuta llapchaq runaqa tutaykuqkamam millakuypaq kanqa.

Mateo 16:24

Chaymantam discipulonkunata nirqa: Pipas qatiwayta munaspaqa amaña kikillanpaq kawsaspayá cruzninta qepikuykuspa qatiwachun.

Mateo 26:28

Kayqa musoq pactota ruwasqay yawarniymi. Kay yawarmi achkaqpa rantinpi chaqchusqa kanqa, chaynapi huchanku pampachasqa kananpaq.

Hechos 15:29

Amam mikunkichikchu idolokunaman ofrecesqa aychataqa, amam mikunkichikchu yawartaqa nitaq yawarpa pasasqan aychatapas, amataqmi huchapakunkichikchu. Allinpunim kaykunata kasukuptikichikqa. Qamkunañayá allinlla” niqta.

Efesios 1:7

Diosmi kuyawaspanchik Churin Jesu-cristopa yawarninwan huchanchikkunata pampachaykuwaspanchik libra-warqanchik.

Efesios 5:26

Kaytaqa ruwarqa haykam iñiqkunata chuyanchananpaqmi hinaspa yakuwan mayllachkaq hina palabranwan mayllananpaqmi.

Deuteronomio 12:16

Yawarnintam ichaqa ama mikunkichikchu, yakuta hinam pampaman tallinkichik.

Deuteronomio 12:23

Yawarnintam ichaqa ama imaraykupas mikunkichikchu. Yawarqa animalpa vidanmi, animalpa vidantaqa amam aychantawan kuskataqa mikunkichikchu.

Deuteronomio 12:24

Ama mikuspam yakuta hina pampaman tallinkichik.

Deuteronomio 15:23

Chay animalkunapa yawarnintam ichaqa ama mikunkichu, yakuta hinam pampaman tallirunki.

Deuteronomio 32:14

Vacakunamanta lecheta hurqospam lluklluta mikuchirqa, allinnin malta carnerokunatawan, Basán lawpi carnerokunata, allinnin chivatokunatam mikuchirqa. Allinnin trigotam mikuchirqa, uvaspa weqenmanta vinotam tomachirqa.

1~Timoteo 4:4

Diospa tukuy ima unanchasqanqa allinmi, chaymi ima mikuytapas mana wischupakunanchikchu, chaytaqa Diosman agradecekuspam chaskikunanchik.