Levítico 3:1 - CHUYA QELLQA La Biblia en Quechua de Ayacucho 2012

¹ Pipas ñoqawan allinlla kasqanmanta vacakunamanta otaq torokunamanta wañuchipuwananpaq ofrendan kaptinqa, chay animalqa sanom kanan.

Quechua Ayacucho Bible 1987

¹ —Ñoqawan allinlla kasqanmanta vacakunamanta otaq torokunamanta wañuchipuwananpaq pipapas ofrendan kaptinqa, chay animalqa kanqa sanopunim ñoqaman ofrecewananpaq.

Chuya Qellqa 1992

¹ Pipas ñoqawan allinlla kasqanmanta vacakunamanta otaq torokunamanta wañuchipuwananpaq ofrendan kaptinqa, chay animalqa sanom kanan.

Levítico 3:1 Iomraidhean Croise

1~Crónicas 21:26

Hinaspanmi Tayta Diospaq altarta hatarichispan lliw kañana sacrificiotawan Dioswan allinlla kasqanmanta ofrendakunata ofrecerqa. Chaymantam Tayta Diosta mañakuptin payñataq nimurqa, hanaq pachamanta lliw kañana sacrificiota churasqan altarpa hawanman ninata kacharimuspan.

Éxodo 20:24

Altarniytaqa allpamantam ruwanki, hinaspam animalkunata wañuchispayki chaypi lliwta kañanki, chaypitaqmi wañuchinki ovejaykikunatawan vacaykikunatapas chaynataq ñoqawan allinlla kasqaykimanta ofrendakunatapas. Ñoqam hamuspay sitiota akllasaq, sutiyta chaypi yuyarinaykichikpaq, hinaspaymi chaypi bendecisqaykichik.

Éxodo 24:5

Chaymantam Israel casta jovenkunata kacharqa, torokunata sacrificaspa Tayta Dioswan allinlla kasqankumanta ofrecenankupaq.

Éxodo 29:28

Chay kamachikuymi kanqa Aaronpaqwan churinkunapaq. Pipas Israelpa mirayninkunamanta ñoqa Tayta Dioswan allinlla kasqanmanta ofreceqmi sacerdotekunaman chay partesqa carneropa pechontawan piernanta qonqa. Chaymi Israelpa mirayninkunapaq wiñaypaq kamachikuy kanqa.

Proverbios 7:14

“Dioswan allinlla kasqaymanta ofrendata qonaypaqmi prometekurqani, chaytam kunan cumpleramuni.

Ezequiel 43:27

Chay qanchisnintin punchawkuna tukuruptinmi, pusaq kaq punchawmanta qepaman llapa sacerdotekuna qallaykunqaku lliw kañana sacrificiokunatawan ñoqa Tayta Dioswan allinlla kasqaykichikmanta sacrificiokuna ofreceyta; hinaptinmi chaskisqaykichik. Ñoqa Tayta Diosmi chaynata nini.

Ezequiel 45:15

Israel nacionpi allinnin pastokunata mikuq ovejakunatapas iskay pachakmantam hukta rakipuwankichik. Chay ovejam kanqa kawsaykunamanta ofrendakunapaq, lliw kañana sacrificiopaq, ñoqawan allinlla kasqaykichikmanta ofrendapaq, hucha pampachana ofrendapaq. Ñoqa Tayta Diosmi chaynata nini.

Levítico 1:10

Pipapas ovejamanta otaq cabramanta ofrendan kaptinqa, orqon kaqtam chaynataq sanon kaqtam apamuwanqa;

Levítico 1:3

Sichum lliw kañana sacrificiopaq vacankunamanta apamuspanqa, sumaqnin sano torotam ñoqaman asuykuna carpapa punkunpi ofrecewanqa, chaynapi ñoqa Tayta Dios chaskinaypaq.

Levítico 17:5

Chaynapim Israelpa mirayninkunaqa campamentomanta huklawpiña nakaspapas ofrendankutaqa ñoqaman apamuwanqaku carpapa punkunman, sacerdoteñataqmi ñoqawan allinlla kasqankumanta ofrendata ofrecewanqa.

Levítico 3:6

Ñoqawan allinlla kasqanmanta, pipapas carnerokunamanta otaq ovejakunamanta ofrecemuwaptinqa, chay animalqa sanom kanqa.

Levítico 9:18

Aaronqa torotawan carnerotapas wañuchirqataqmi, chaykunaqa Dioswan allinlla kasqankumanta llaqtapa ofrendanmi karqa. Churinkuna yawarta apamuptinkum altarman chaynataq altarpa muyuriqninmanpas challarqa.

Levítico 9:4

Pusachimuytaq huk torotawan huk carnerotapas. Chaykunataqa Dioswan allinlla kasqankumanta ofrendapaqmi Tayta Diospa qayllanpi wañuchinqaku. Apamunqakutaqmi kawsaykunamanta aceitewan chapusqa ofrendatapas. Tayta Diosmi kunan qamkunaman rikurisunkichik, nispa.

Amós 5:22

Sacrificiokunata kañaspa kawsaykunamanta ofrenda qowasqaykichiktapas manam chaskisqaykichikchu; ñoqawan allinyanakunaykichikpaq wira animalkuna wañuchipuwasqaykichiktapas manam rikuytapas atinichu.

Malaquías 1:14

Ñoqa Tayta Diosman prometekuwachkaspan, kanchanpi allinnin orqo animalninkuna kachkaptin onqoq animalta kañapuwaqniy runaqa ñakasqayá kachun. Ñoqaqa Tukuy Atiyniyuq Reymi kani, llapallan nacionkunapa yupaychananmi kani. Tukuy Atiyniyuq Tayta Diosmi chaynata nin.

Malaquías 1:8

ñawsa animalkunata, wistu animalkunata hinaspa onqosqa animalkunata ofrecewaspa allin kasqanta piensaspaykichikmi. Chayna animalkunatayá kamachiqnikichikkunaman aparuychik, yaqachus paykuna kusikuywan chaskiykususpaykichik imallapipas yanapaykusunkichik. Tukuy Atiyniyuq Tayta Diosmi chaynata nin.

Números 15:8

Sichum huk torota lliw kañana sacrificiopi ñoqa Tayta Diosman ofrecewaspaykichikqa otaq prometewasqaykichik ofrendapaq, otaq ñoqawan allinlla kasqaykichikmanta ofrendapaq ofrecewaspaykichikqa,

Números 6:14

Chaypim ñoqa Tayta Diosman lliw kañana huk watayuq sano carnerota ofrecemuwanqa, huk watayuq sano ovejatañataqmi huchamanta ofrendata ofrecemuwanqa. Ofrecemuwanqataqmi ñoqawan allinlla kasqanmanta carnero ofrendatapas.

Números 7:17

Dioswan allinlla kasqankumantam ofrecerqa iskay torokunata, pichqa chivatokunata hinaspa huk watayuq pichqa carnerokunata. Tukuy chaykunam karqa Aminadabpa churin Naasonpa ofrendankuna.

Deuteronomio 12:27

Chay-pim Señornikichik Tayta Diospa altar-ninpi animalkunata wañuchispa ofrece-munkichik, yawarnintañataqmi altarpa waqtanman tallinkichik, aychantam ichaqa mikunkichik.

Colosenses 1:20

Diosmi allinyanakuyta munarqa kay pachapi kaqkunawan chaynataq hanaq pachapi kaqkunawanpas, chaytaqa ruwarqa Cristopa cruzpi yawar chaqchusqanwan hawkayayman yaykuspanmi.

Hebreos 10:22

Chaynaqa, cheqap sonqowanyá ama iskayrayaspa, cheqap iñiywan, huchakunamanta sonqonchikpas chuyanchasqa chaynataq cuerponchikpas chuya yakuwan mayllasqayá Diosninchikman asuykusunchik.

1~Juan 1:3

Chayna rikusqaykutawan, uyarisqaykutam willakuniku, chaynapi qamkunapas ñoqaykuwan huklla kanaykichikpaq, imaynam ñoqaykupas Dios Taytawan hinaspa Churin Jesucristowan huklla kasqaykuta hina.

Jueces 20:26

Chaymi Israelpa llapallan mirayninkunaqa Tayta Diospa qayllanpi waqaspa mañakunankupaq Bet-el llaqtaman rirqaku, hinaspam chay punchaw tutaykunankama ayunarqaku, ofrecerqakutaqmi lliw kañanapaq animalkunatawan allinlla kasqankumanta ofrendakunatapas.

Jueces 21:4

Paqarinnintin punchawmi tutapayta hatariruspanku, altarta chaypi ruwaspanku lliw kañanapaq animalkunatawan allinlla kasqankumanta ofrendakunata ofrecerqaku.