Levítico 27:30 - CHUYA QELLQA La Biblia en Quechua de Ayacucho 2012

³⁰ Kawsay cosechamanta diezmoqa chaynataq frutakunamanta diezmopas ñoqa Tayta Diospaqmi kanqa. Chaykunaqa ñoqallapaqña sapaqchasqam.

Quechua Ayacucho Bible 1987

³⁰ —Ñoqa Tayta Diospaqmi kanqa kawsaykuna cosechamanta diezmoqa chaynataq frutakunamanta diezmopas. Chaykunaqariki ñoqallapaqña sapaqchasqam.

Chuya Qellqa 1992

³⁰ Kawsay cosechamanta diezmoqa chaynataq frutakunamanta diezmopas ñoqa Tayta Diospaqmi kanqa. Chaykunaqa ñoqallapaqña sapaqchasqam.

Levítico 27:30 Iomraidhean Croise

Génesis 14:20

Tukuy Atiyniyuq Dios yupaychasqa kachun, paymi enemigoykikunata vencechisurqanki, nispa. Chaymi Abramqa lliw kutichimusqanmanta diezmonkunata qoykurqa.

Génesis 28:22

Kay sayachisqay suytu rumim Diospa Wasin kanqa. Lliw qowasqaykimantapas diezmoytam qosqayki, nispa.

Génesis 47:24

Cosechaspam ichaqa pichqa costalmanta huknin costalta Faraonman qonkichik, wakin tawa costalñataqmi chakrapi tarpunaykichikpaq hinaspa aylluykichikkunapiwan mikunaykichikpaq kanqa, nispa.

Génesis 47:26

Chaynapim Joseyqa huk kamachikuyta churarqa, Egipto nacionpi chakrakunamanta pichqa costalmanta huk costalta Faraonman qonankupaq. Chay kamachikuyqa hinallam kunankamapas kachkan. Sacerdotekunapa chakranmi ichaqa mana Faraonpachu karqa, chayraykum paykunaqa mana impuestotaqa pagarqakuchu.

2~Crónicas 31:12

Chaymanmi apaykurqaku apamusqanku ofrendakunatawan diezmokunata chaynataq Tayta Diospaq sapaqchasqanku kaqkunapa diezmonkunatapas. Chaykunata nanachikunanpaqmi churarqaku Leví ayllumanta kaq Conaniasta, yanapananpaqñataqmi wawqen Simeita.

Nehemías 12:44

Chay tiempopim, qori-qollqetawan, ofrendakunata, punta kaq rurukunata hinaspa diezmokuna waqaychana almacenkunata nanachikuq runakunata akllarqaku, chaynapi kamachikuypa nisqanman hina, sacerdotekunapaq chaynataq levitakunapaq tupaqnin apamusqankuta waqaychanankupaq. Judá runakunam kusisqa karqaku sacerdo-tekunapa hinaspa levitakunapa servikusqankuwan.

Nehemías 13:12

Chaynapim Judá lawpi llapallan yachaqkuna, almacén cuartoman trigomanta, vinomanta hinaspa aceitemanta diezmonkuta apamurqaku.

Nehemías 13:5

paypaqmi huk hatun cuartota alistapurqa. Chay cuartopim pasaq tiempokunapi waqaychaqku ofrendakunata, inciensota, serviciokunata chaynataq trigomanta, vinomanta hinaspa aceitemanta diezmokunatapas; chaykunataqa levitakunaman, punku nanachikuqkunaman hinaspa takiqkunamanmi qorqaku, chaypitaqmi churaqku sacerdotekunapaq ofrendakunatapas.

Levítico 27:29

Wañunanpaq sentenciasqa runataqa manam pipas reclamanmanchu. Wañunanpaq sapaqchasqa runaqa wañunqapunim.

Levítico 27:31

Sichum pipas chay diezmomanta wakinta kutichikuyta munaspaqa kutichikunanpaqmi chaykunapa precionman pichqa parteman rakisqapa hukninta yapanqa.

Mateo 23:23

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunam hierbabuenamanta, anismanta hinaspa cominomanta diezmoykichikta qonkichik; allin ruwayta, kuyapayakuyta hinaspa iñiyniyuq kaytam ichaqa qonqarunkichik. Kay hatun kamachikuykunatam kasukunaykichik, diezmo qoytapas ama qonqaspa.

Lucas 11:42

¡Ay, imaynaraq kankichik! Llapa fariseokuna qamkunaqa hierbabuenamanta, rudamanta hinaspa tukuy rikchaq yuyukunamantam diezmota qonkichik. Allin ruwaytawan Diosta kuyaytam ichaqa qonqarunkichik. Kaytayá ruwaychik diezmo qoytapas ama qonqaspa.

Lucas 18:12

Semanapim iskay kutita ayunani, lliw ganasqaymantapas diezmoytam qoyki”, nispa.

Deuteronomio 18:8

hinaspam mikuytapas chaypi kaq sacerdotekuna hina chaskinqa. Taytanmanta chaskisqanqa sapaqmi.

Deuteronomio 26:12

Sapa kimsa watamantam lliw cosechasqaykimanta diezmoykita rakispa, Leví castakunaman, qamkunawan yachaq huklaw llaqtayuqkunaman, mana tayta-mamayuqkunaman chaynataq viudakunaman qonki; chaynapim llaqtaykipi saksanankukama mikunqaku.