Levítico 27:28 - CHUYA QELLQA La Biblia en Quechua de Ayacucho 2012

²⁸ Sichum pipas kapuqninkunamanta ñoqa Tayta Diosllapaqña rakipuwan-man runata, animalta, otaq heren-cia allpanta, hinaspaqa manam chay-kunataqa rantikunmanchu, nitaqmi kutiykachikunmanchu, tukuy sapaqchasqa kaqkunaqa ñoqa Tayta Diosllapaqñam kanqa.

Quechua Ayacucho Bible 1987

²⁸ —Sichu pipas kapuqninkunamanta ñoqa Tayta Diosllapaqña rakipuwanman runata otaq animalta otaq herencia allpanta hinaspaqa chaykunataqa manam *f**rantikunmanchu nitaqmi reclamanmanchu, tukuy chay rakisqakunaqa ñoqa Tayta Diosllapaqña sapaqchasqam kanqa.

Chuya Qellqa 1992

²⁸ Sichum pipas kapuqninkunamanta ñoqa Tayta Diosllapaqña rakipuwanman runata, animalta, otaq herencia allpanta, hinaspaqa manam chaykunataqa rantikunmanchu, nitaqmi kutiykachikunmanchu, tukuy sapaqchasqa kaqkunaqa ñoqa Tayta Diosllapaqñam kanqa.

Levítico 27:28 Iomraidhean Croise

2~Crónicas 31:14

Leví ayllumanta kaq Imnapa churin Coreyñataqmi intipa qespimunan lawpi kaq punku waqaychaq karqa, paymi nanachikurqa Diospaq kikinkumanta apamusqanku ofrendakunata, hina paytaqmi rakinarqa Tayta Diospaq apamusqanku ofrendakunatawan Diosllapaqña sapaqchasqa kaqkunatapas.

Éxodo 22:20

Diosllamanmi sacrificiotaqa ofrecenkichik, idolokunaman ofreceqqa wañunqapunim.

Ezequiel 44:29

Paykunaqa Israel miraykunapa ofrecewasqanku kawsaykunatam mikunqaku, mikunqakutaqmi hucharayku chaynataq culparayku ofrecemuwasqanku animalpa aychantapas. Israelpa mirayninkunapa ñoqapaq sapaqchasqankupas paykunapaqmi kanqa.

Ezequiel 48:14

Chay allpam kay nacionpi allpakunamanta allinnin kanqa. Chay allpaqa manam rantikusqachu nitaqmi cambiasqachu kanqa, ñoqa Tayta Diosllapaqña sapaqchasqa kasqanrayku.

Levítico 21:22

Sacerdotekunapa ofrecewasqanku mikuytawan ñoqallapaqña sapaqchasqa ofrendakunataqa mikunmanmi.

Levítico 27:21

Sichum jubileo watapi chay chakra libre kaspaqa ñoqallapaqñam kanqa hinaptinmi sacerdotepaqña kanqa.

Levítico 27:27

Mana mikuna animalpa punta kaq uñantaqa tasasqanku qollqeman pichqa parteman rakisqapa hukninta yapaspam reclamakunqa. Mana reclamaptinkuqa sacerdotepa tasasqanman hinam rantikusqa kanqa.

Levítico 27:29

Wañunanpaq sentenciasqa runataqa manam pipas reclamanmanchu. Wañunanpaq sapaqchasqa runaqa wañunqapunim.

Números 18:14

Israel miraykunapa sapaqchapuwasqan ofrendakunapas qampaqmi kanqa.

Mateo 25:41

Ichoqninpi kaqkunatañataqmi ninqa: “Llapa ñakasqakuna ñoqamanta anchuychik, diablopaqwan angelninkunapaq alistasqa wiña-wiñaypaq rawrachkaq ninaman.

Romanos 9:3

Cristomantapas rakikuruymanmi ñakasqa kanaypaq, sichum chay ruwasqaywan judiomasiykuna salvakunanku kaptinqa.

1~Corintios 16:22

Pipas Señor Jesucristota mana kuyaqqa ñakasqayá kachun. ¡Maranatha!

Gálatas 3:10

Haykam leyman hapipakuqkunaqa ñakasqam kachkanku. Chuya Qellqam nin: “Pipas kay qellqapi leyta mana lliwta kasukuqqa Diospa ñakasqanmi kanqa”, nispa.

Gálatas 3:13

Leypa ñakawasqanchikmantam Cristo librawarqanchik. Paymi ñoqanchikrayku ñakasqa karqa. Chuya Qellqapim kaynata nin: “Qerupi warkusqa wañuq runaqa ñakasqayá kachun”, nispa.

Deuteronomio 25:19

Chaynaqa, qosunaykichik allpapi llapa enemigoykichikta Señornikichik Tayta Dios vencerachisuptikichikmi llapa amalecitakunata kay pachamanta pasaypaqta chinkachinkichik. Yanqataq qonqaruwaqchik.

Deuteronomio 7:26

Milla-kuypaq kaqkunataqa amam wasiki-chikman apankichikchu, yanqam qam-kunapas chinkachisqa kawaqchik. Chay millakuypaq kaqkunaqa chinkachisqa kananpaqmi churasqa kachkan, chayraykum chaykunataqa millakuypaqtaña qawankichik.

Josué 6:26

Chay tiempopim juraspan Josué kaynata nirqa: Pipas kay Jericó llaqtata musoqmanta hatarichiqqa Tayta Diospa ñakasqanyá kachun. Piwi churinpa hawanpiyá cimientonkunatapas hatarichichun, sullka churinpa hawanpiyá punkunkunatapas churachun, nispa.

Josué 7:1

Judá ayllumanta kaq Serapa mirayninmantam karqa Zabdipa willkan hinaspa Carmipa churin Acán sutiyuq runa. Paymi chinkachinankupaq sapaqchasqa kaqkunata hapikuykuspan Tayta Diospa qayllanpi Israelpa mirayninkunata huchallirachirqa. Chayraykum paykunapa contranpi Tayta Dios piñakururqa.

Josué 7:25

Chaypim Josué nirqa: ¿Imanasqataq kay sasachakuyta aparamuwarqankiku? Kunanyá chay sasachakuy apamuwasqaykikuta qanman Tayta Dios chayachisunki, nispa. Hinaptinmi Israelpa mirayninkuna rumiwan chamqaparuspanku kañaykurqaku.

Jueces 21:18

Warmi churinchikkunawanqa manam casarachichwanchu. Ñoqanchikqa juraspam nirqanchik: “Ñakasqayá kachun Benjamín castakunawan pipas warmi churinta casarachiqqa”, nispanchik.

Jueces 21:5

Hinaspam tapunakurqaku: Llapallan Israelpa mirayninkunamanta, ¿mayqan ayllutaq Tayta Diospa qayllanpi huñunakuyman mana rirqachu? nispanku. Paykunam kaynata jurarqaku: Tayta Diospa qayllanpi Mizpa llaqtapi huñunakuyman mana riqkunaqa wañuchisqapunim kanqaku, nispanku.

1~Samuel 15:18

Tayta Diosmi kachasurqanki chay huchasapa Amalec casta runakunata wañuchispa lliwta chinkachimunaykipaq.

1~Samuel 15:3

Chaynaqa, rispayá kunan Amalec runakunata wañuchimuy, amam imantapas puchuchinkichu, aswanqa wañuchinkim qarikunata, warmikunata, warmakunata, ñuñuq wawakunatapas chaynataq vacakunata, ovejakunata, camellokunata hinaspa asnokunatapas, nispa.