Levítico 26:9 - CHUYA QELLQA La Biblia en Quechua de Ayacucho 2012

⁹ Ñoqam yanapasqaykichik hinaspam achka-achkallaña kanaykichikkama mirachisqaykichik, chaynapim qamkunawan pacto ruwasqayta cumplisaq.

Quechua Ayacucho Bible 1987

⁹ Ñoqam yanapasqaykichik hinaspam mirachisqaykichik achka-achkallaña kanaykichikkama. Chaynapim qamkunawan contratoytapas cumplisaq.

Chuya Qellqa 1992

⁹ Ñoqam yanapasqaykichik hinaspam achka-achkallaña kanaykichikkama mirachisqaykichik, chaynapim qamkunawan pacto ruwasqayta cumplisaq.

Levítico 26:9 Iomraidhean Croise

Génesis 1:28

Paykunata bendecispanmi Dios nirqa: Anchata miraspa kay pachaman huntaychik, hinaspa munaychakuychik challwakunapi, alton pawaq animalkunapi, qasqonpa puriq urukunapi, tukuy rikchaq animalkunapipas, nispa.

Génesis 17:20

Ismaelpaq mañakuwasqaykitapas uyarikim, paytapas bendecispaymi sinchillataña mirachisaq. Paypa mirayninkunamantam chunka iskayniyuq kamachikuqkuna hatarinqa, paymantam huk hatun nacionta hatarichisaq.

Génesis 22:17

Anchata bendecispaymi chaskakunata chaynataq lamar qochapa patanpi aqota hinaña mirachisqayki. Miraynikikunam enemigoykikunapi munaychakunqa.

Génesis 26:4

Miraynikikunatam cielopi chaskakunata hinaña mirachisaq, kay allpakunatam miraynikikunaman qosaq. Kay pachapi llapallan nacionkunam miraynikirayku bendecisqa kanqaku.

Génesis 28:14

Chaymi miraynikikuna kanqa ñutu allpa hina mana yupay atina. Paykunam cheqenqa tukuy hinastinman, qamrayku hinaspa miraynikiraykum kay pachapi llapallan ayllukuna bendecisqa kanqa.

Génesis 28:3

Tukuy Atiyniyuq Tayta Diosyá bendecisunki churisapallaña kanaykipaq, chaynapi qanmanta achka nacionkuna lloqsinanpaq.

Génesis 48:4

niwarqa: “Ñoqam churisapata ruwasqayki, achka nacionkunataqmi hatarinqa miraynikimanta. Kay allpatam wiñay herencianku kananpaq miraynikikunaman qosaq” nispan.

Génesis 6:18

Qanwanmi ichaqa huk pactota ruwasaq. Chay arcamanmi yaykunki, yaykunqataqmi warmikipas chaynataq churikikunapas warmintinkama.

1~Reyes 3:8

Chaywanpas akllakusqayki llaqtaykita nanachikunaypaqmi churaykuwanki, paykunaqa achkallaña kasqankuraykum manaña yupay atina kachkanku.

2~Reyes 13:23

Ichaqa Tayta Diosmi paykunata kuyapayaspan llakipayarikurqa, chaynataqa ruwarqa Abrahamwan, Isaacwan hinaspa Jacobwan pactota ruwasqankuraykum, chaymi kunan punchawkama paykunataqa mana chinkarachirqachu nitaqmi qayllanmantapas wischururqachu.

Nehemías 2:20

Ñoqañataqmi paykunata nirqani: Hanaq pachapi munaychakuq Diosmi yanapawanqaku, ñoqayku serviqninkunaqa hatarispaykum perqasaqku. Qamkunaqa ama chapukamuwaykuchu, manataqmi Jerusalén llaqtayuqchu kankichik, nispa.

Nehemías 9:23

Churinkutapas cielopi chaskakunata hinañam qorqanki, hinaspam ñawpaq taytaykuman prometesqayki allpaman pusarqanki.

Éxodo 1:7

Ichaqa Israelpa mirayninkunam llumpa-llumpayta mirarurqaku, kallpasapallañam karqakupas, chaymi Egipto nacionman huntaykurqaku.

Éxodo 2:25

Chaymi Israelpa mirayninkuna imaynam tarikusqankuta Dios qawaykurqa.

Éxodo 6:4

Paykunawanmi pactota ruwarqani, chaynapi huklaw llaqtayuq hina yachasqanku Canaán allpata paykunaman qonaypaq.

Isaías 55:3

Ñoqaman asuykamuspa uyariwaychik, uyariwaspaykichikqa kawsankichikmi. Qamkunawanmi pactota wiñaypaq ruwasaq, rey Davidta kuyasqayraykum payman prometesqaykunata cumplisaq.

Jeremías 23:3

Cheqechisqay nacionkunamantam wakin ovejaykunata kikiypuni huñumusaq. Mikunanku pastokunaman kutichimuptiymi achkallataña miranqaku.

Jeremías 23:4

Paykunata michinanpaqmi michiqkunata churasaq, chaynapi manaña manchakunankupaq nitaq hukllapas chinkananpaq. Ñoqa Tayta Diosmi chaynata nini.

Jeremías 33:3

Mañakuwaptikiqa contestasqaykim, hinaspaymi hatun kaqkunatawan mana reqsisqayki kaqkunata yachachisqayki.

Ezequiel 16:62

Huktawanmi pactota qanwan ruwasaq, hinaptinmi Tayta Dios kasqayta yachanki.

Ezequiel 36:9

Waqaychaptiymi qamkunaqa yapusqa hinaspa tarpusqa kankichik.

Levítico 26:15

chaynataq yachachikuyniykunatapas, kamachikuyniykunatapas hinaspa kunasqaykunatapas wischupakuspa chaynataq mana ruwayman churaspa pacto ruwasqaytapas mana cumpliptikichikqa,

Lucas 1:72

ñawpaq taytanchikkunamanta llakipayarikuspan pacto ruwasqanta yuyarinanpaq.

Deuteronomio 28:11

Tayta Diosmi tukuy imatapas llim-parichkaqta qosunkichik: Churikichik-kunatam mirachinqa, mirachinqataqmi animalnikichikkunatawan cosechaykichikkunatapas. Chaynatam ruwanqa ñawpaq taytaykichikkunaman qosunaykichikpaq prometesqan allpapi.

Deuteronomio 28:4

Tayta Diosmi churikichikkunata, cosechaykichikkunata, vacaykichikkunapa, ovejaykichikkunapa hinaspa tukuy animalnikichikkunapa uñankunatapas bendecinqa.

Deuteronomio 7:13

Payqa kuyasuspaykichikmi bendecisunkichik hinaspam mirachisunkichik. Bendecinqataqmi wawa-churikichiktapas, allpaykichikpa ruruntapas, trigoykichiktapas, vinoykichiktapas, aceitekichiktapas, vacaykichikpa hinaspa ovejaykichikpa uñankunatapas. Chaynataqa ruwanqa ñawpaq taytaykichikman qonanpaq jurasqan allpapim.

Hebreos 8:9

Ichaqa manam ñawpaq taytaykichikkunawan pacto ruwasqayta hinachu ruwasaq. Paykunatam Egipto nacionmanta, makinkumanta aysamuchkaq hina hurqomurqani. Paykuna mana kasukuptinmi ñoqatapas manaña imapas qokuwarqachu. Señormi chaynata nin.