Levítico 26:41 - CHUYA QELLQA La Biblia en Quechua de Ayacucho 2012

⁴¹ paykunapa contrankupi kaspaymi enemigonkupa nacionninman pusachisaq. Chaypim rumi sonqo kayninkupas llampuyamunqa, chaypitaqmi mana allinta ruwasqankumantapas paganqaku.

Quechua Ayacucho Bible 1987

⁴¹ paykunapa contrankupi kaspaymi enemigonkupa nacionninman pusarachisaq. Chaypim rumi sonqo kayninkupas llampuyamunqa, chaypitaqmi mana allinlla rurasqankumantapas paganqaku.

Chuya Qellqa 1992

⁴¹ paykunapa contrankupi kaspaymi enemigonkupa nacionninman pusachisaq. Chaypim rumi sonqo kayninkupas llampuyamunqa, chaypitaqmi mana allinta ruwasqankumantapas paganqaku.

Levítico 26:41 Iomraidhean Croise

1~Reyes 21:29

¿Rikurqankichu qayllaypi Acabpa imaynam uchuychakusqanta? Qayllaypi uchuychakusqanraykum kawsanankamaqa mana castigasaqchu, aswanqa churinpa munaychakuyninpiñam castankunaman chay ñakariyta apamusaq, nispa.

2~Crónicas 12:12

Chaynata rey Roboam humillakusqanraykum Tayta Diospa piñakuynin paymanta asurirqa, chaynapim mana pasaypaqchu chinkarachirqa, Judá nacionpi allin kaqkuna kasqanrayku.

2~Crónicas 32:26

Ichaqa hatun tukuq kachkaspanpas rey Ezequiasqa Tayta Diospa qayllanpim uchuychakurqa, Jerusalenpi yachaq-kunapas chaynallatam ruwarqaku, chaymi Ezequías kawsanankamaqa Diospa piñakuyninpas mana paykunaman hamurqachu.

2~Crónicas 33:19

Mañakuyninpas, chay mañakuyninpa contestasqa kasqanpas, imakunawanmi huchallikusqanpas, Tayta Diosta qepanchasqanpas, maykunapim capillakuna ruwachisqanpas, manaraq Tayta Diospa qayllanpi uchuychakuchkaspa Asera idolokunatawan rikchaqmana idolokunata ruwachispan maykunapim churasqanpas, profetakunapa qellqasqan libropim qellqasqa kachkan.

2~Crónicas 33:23

Manam taytan Manasés hinaqa uchuychakurqachu, aswanraqmi payqa huchaman qokururqa.

Esdras 9:13

Mana allinkuna ruwasqaykurayku llumpa-llumpay huchaykurayku hatun sasachakuykuna hamuwachkaptinkupas, qamqa Diosnillayku, manam huchaykuman hinachu castigawarqankiku aswanqa wakiqllaykutapas libraykuwankikuraqmi.

Esdras 9:15

Israelpa yupaychasqan Diosnillayku, qamqa tukuy imapim yanapaykuwarqankiku, kunan qawasqaykupi hinapas, munakuynikiman hinam kay asllatapas kawsachiwachkankikuraq. Cheqaptapas qayllaykipiqa huchasapam kallaniku, chayraykum qampa ñawpaqnikimanqa mana asuykamunaykupaq hinachu kallaniku, nispa.

Nehemías 9:33

Chaywanpas Diosnillayku, tukuy imapas pasawasqankumantaqa mana huchayuqmi kanki, qamqa imatapas allintam ruwarqanki, ñoqaykum ichaqa mana allinkunata ruwarqaniku.

Éxodo 10:3

Chaymi Moiseswan Aarón, Faraonpa qayllanman yaykuspa nirqaku: Hebreo runakunapa Diosninmi kaynata nin: “¿Haykapikamataq ñoqapa qayllaypi mana uchuychakunkichu? Yupaychamuwanankupaq llaqtayta kachariy.

Jeremías 4:4

Judá nacionpi Jerusalén llaqtapi runakuna, ñoqa Tayta Diospaq señalakuychik, sonqoykichikpi pacto ruwasqay marcata señalakuychik; yanqañataq mana allinkuna ruwasqaykichikmanta piñakuyniy nina hina ratarirunman, mana pipapas amachay atinankama.

Jeremías 6:10

Chaymi nirqani: ¿Pitataq rimapayasaq? ¿Pimantaq willasaq? ¿Pitaq uyariwanman? Rinrinkum tapasqa kachkan, chayraykum paykunaqa uyariyta mana atinkuchu; palabraykimantapas penqakunkum, chayraykum mana uyariyta munankuchu.

Ezequiel 14:23

Imaynam kawsasqankutawan imakunam ruwas-qankuta qawaspam sonqoykichikta tiyachinkichik, chaynapim yachankichik Jerusalén llaqtataqa mana yanqamantachu castigasqayta. Ñoqa Tayta Diosmi chaynata nini.

Ezequiel 20:43

Chaypim tukuy mana allinkuna ruwasqaykichikta yuyarispa ñakakunkichik, tukuy mana allin ruwasqaykichikraykum kikikichikmantapunipas millakunkichik.

Ezequiel 44:7

Qamkunaqa mana qari kayninpi nitaq sonqonpipas seña-lasqa runakunata temployman pusaykuspam millakuypaqtaña ruwarunkichik. Millakuypaqtaqa ruwachkankichik wirata hinaspa yawarta ofrecewaspaykichikmi, pactoytapas manam kasukunkichikchu.

Ezequiel 44:9

Chayraykum ñoqa Tayta Dios kaynata nini: Santuarioymanqa manam sonqonpi hinaspa cuerponpi mana señalasqa huklaw llaqtayuq runaqa yaykunqachu, Israelpa mirayninkunawan yachaq huklaw llaqtayuqkunapas manam yaykunqakuchu.

Ezequiel 6:9

Wañuymanta puchuqkunam may nacionmanña preso apasqa kaspankupas ñoqamanta yuyarinqaku. Paykunaqa waqllikuruq warmi hina kaspanku idolokunataña yupaychanankupaq ñoqata saqeruwasqankumanta castigasqaytam yuyarinqaku, hinaspam kikinkupunipas millakuypaq ruwasqankumanta penqakunqaku.

Levítico 26:24

ñoqapas qepanchakusqay-kichikmi, hinaspam huchaykichikmanta aswan qanchis kutikamaraq ñakarichisqaykichik.

Levítico 26:28

ñoqapas contraykichikpi piñakuspaymi aswan qanchis kutikamaraq huchaykichik-manta ñakarichisqaykichik.

Números 5:7

Huchanta willakuspam runamasinpa contranpi mana allin ruwasqanmanta pagapunqa; ichaqa pagasqanmanmi yapanqa pagasqanpa pichqa parteman rakisqapa huknin partenta.

Mateo 23:12

Pipas hatunchakuqqa uchuychasqam kanqa, pipas uchuychakuqñataqmi hatunchasqa kanqa.

Lucas 14:11

Pipas hatunchakuqqa uchuy-chasqam kanqa, uchuychakuqñataqmi hatunchasqa kanqa.

Lucas 18:14

Chaynaqa, nikichikmi, kay impuesto cobraqmi huchanmanta pampachasqaña wasinman kutikurqa, fariseoñataqmi mana pampachasqachu karqa. Pipas hatunchakuqqa uchuychasqam kanqa, uchuychakuqñataqmi hatunchasqa, nispa.

Hechos 7:51

Qamkunaqa mana kasukuq runakunam kankichik. Rinrikichikpas chaynataq sonqoykichikpas wichqasqam kachkan. Qamkunaqa Chuya Espiritupa contranpim kachkankichik, ñawpa taytaykichikkuna hinapunim qamkunapas kankichik.

Gálatas 5:6

Jesucristowan huklla kaptinchikqa manam imananchu qari kayninchikpi señalasqa otaq mana señalasqa kayninchikpas. Iñiyllam valenqa, chay iñiyqa kuyakuywan ruwaypim qawachikun.

Deuteronomio 10:16

Sonqoykichikpi millakuypaq kaqkunata wischuspa chuyanchakuychik, amañayá rumi sonqoqa kaychikchu.

Deuteronomio 30:6

Señornikichik Tayta Diosmi qamkunatapas chaynataq miraynikichiktapas kasukuq sonqotaña ruwasunkichik, chaynapi tukuy sonqoykichikwan, tukuy vidaykichikwan payta kuyaspa allinta kawsanaykichikpaq.

Deuteronomio 31:21

Chay hatun sasachakuykunapi chaynataq ñakariykunapi kaptinkum kay taki testigo kanqa, chaynapi mirayninkupas mana qonqanankupaq. Ñoqaqa yachaniñam qonaypaq jurasqay allpaman manaraq yaykuchkaspa imam tanteasqankutapas, nispa.

Filipenses 3:3

Cheqap señalasqakunaqa ñoqanchikmi kanchik, Espiritunpa yanapasqanmi Diosninchikta yupaychanchik, hinaspam Jesucristopi iñispa salvasqa kasqanchikwan alabakunchik, aychapi señalachikuyman mana hapipakuspa.

Colosenses 2:11

Paypi kasqaykichikraykum qarikaynikichikpi señalasqaña rikurirunkichik, ichaqa manam makiwanchu, aswanqa Diospunim Cristopi señalarusunkichik, chaywanmi huchallikuqllaña kaynikichikta wischurun.