Levítico 26:40 - CHUYA QELLQA La Biblia en Quechua de Ayacucho 2012

⁴⁰ Mana allin ruwasqankumanta chaynataq ñawpaq taytankupa mana allin ruwasqankumanta reqsikuptinkupas, qepanchawasqankuta hinaspa mana kasukusqankuta reqsikuptinkupas,

Quechua Ayacucho Bible 1987

⁴⁰ —Mana allin rurasqankumanta chaynataq abuelonkupa mana allin rurasqankumanta reqsikuptinkupas chaynataq traicionawasqankuta hinaspa contraypi kasqankuta reqsikuptinkupas

Chuya Qellqa 1992

⁴⁰ Mana allin ruwasqankumanta chaynataq ñawpaq taytankupa mana allin ruwasqankumanta reqsikuptinkupas, qepanchawasqankuta hinaspa mana kasukusqankuta reqsikuptinkupas,

Levítico 26:40 Iomraidhean Croise

1~Reyes 8:47

chay preso kasqanku allpapi qanman kutirikamuspa qayakamusunkiman kaynata: “Mana allinkunata ruwaspam qampa contraykipi huchallikuruniku”, nispanku.

1~Reyes 8:48

Sichum preso kasqanku allpamanta tukuy sonqonkuwan, tukuy almankuwan qanman kutirikamuspanku, ñawpaq taytankuman qosqayki allpaman, akllasqayki llaqtaman chaynataq qampaq ruwachisqay temploman qawamuspanku mañakamusuptikiqa,

Esdras 10:11

Chaynaqa, kunanyá huchaykichikkunata ñawpaq taytaykichikkunapa yupaychasqan Tayta Diosman willakuychik, hinaspayá paypa munasqanta ruwaspa Diosta mana reqsiq runakunamantawan huklaw llaqtayuq warmikunamanta rakikuychik, nispa.

Esdras 9:15

Israelpa yupaychasqan Diosnillayku, qamqa tukuy imapim yanapaykuwarqankiku, kunan qawasqaykupi hinapas, munakuynikiman hinam kay asllatapas kawsachiwachkankikuraq. Cheqaptapas qayllaykipiqa huchasapam kallaniku, chayraykum qampa ñawpaqnikimanqa mana asuykamunaykupaq hinachu kallaniku, nispa.

Esdras 9:6

kaynata nispay: Dios Taytalláy, pantaypi hinaspa penqakuypa huntasqanmi kachkani, manam imayna asuykamuytapas atikichu. Diosnilláy, mana allin ruwasqaykum pasaypaqta mirarun, huchaykupas hanaq pachakamam chayarun.

Proverbios 28:13

Huchanta pakaq runaqa manam allinqa kanqachu, huchanta willakuspa wanakuqmi ichaqa pampachasqa kanqa.

Jeremías 14:20

Dios Taytallayku, mana allinkuna ruwasqaykutam reqsikuniku, taytaykupa mana allinkuna ruwasqankutam reqsikuniku; qampa contraykipim huchallikuruniku.

Lamentaciones 1:20

Dios Taytalláy, llakikuyniyta qawariway, ukullaypa timpusqanta qawariway, mana kasukuq kasqaymantam sonqollaypas tukukuchkan. Hawapim espadawan wawaykunata wañuchinku, wasi ukupipas wañuymi munaychakuchkan.

Ezequiel 14:23

Imaynam kawsasqankutawan imakunam ruwas-qankuta qawaspam sonqoykichikta tiyachinkichik, chaynapim yachankichik Jerusalén llaqtataqa mana yanqamantachu castigasqayta. Ñoqa Tayta Diosmi chaynata nini.

Ezequiel 36:31

Chaynapim qamkunaqa mana allin kawsasqaykichiktawan mana allin ruwasqaykichikta yuyarinkichik, hinaspam mana allinkunata ruwaspa huchallikusqaykichikmanta penqakunkichik.

Oseas 5:15

Huchankuta reqsikuspanku maskaqniy hamunankukamam maymi kasqayman kutikusaq. Ñakariyninkupim anchata maskawanqaku.

Levítico 26:21

Chaywanpas contraypi hatarispa mana kasuwaptikichikqa, huchallikusqaykichikman hinam huk qanchis kutitawanraq castigasqaykichik.

Levítico 26:24

ñoqapas qepanchakusqay-kichikmi, hinaspam huchaykichikmanta aswan qanchis kutikamaraq ñakarichisqaykichik.

Levítico 5:5

Pipas kaykunawan huchallikuqqa, huchallikusqanmantam willakunqa.

Números 5:7

Huchanta willakuspam runamasinpa contranpi mana allin ruwasqanmanta pagapunqa; ichaqa pagasqanmanmi yapanqa pagasqanpa pichqa parteman rakisqapa huknin partenta.

Josué 22:15

Paykunam Galaad lawpi kaq Rubén aylluman, Gad aylluman hinaspa Manasespa wakin aylluman chayaruspanku nirqaku:

Josué 7:19

Hinaptinmi Josué nirqa: Churilláy Acán, Tayta Diostayá, Israelpa Diosnintayá hatunchaspayki yupaychay, hinaspayá ama imatapas pakaykuspa imam ruwasqaykita willaykuway, nispa.