Levítico 26:39 - CHUYA QELLQA La Biblia en Quechua de Ayacucho 2012

³⁹ Enemigoykichikpa nacionninpim qamkunamanta puchuqkunapas mana allin ruwasqankumanta wañunqaku, tayta-mamankuwan kuskam mana allin ruwasqankurayku wañunqaku.

Quechua Ayacucho Bible 1987

³⁹ Enemigoykichikpa nacionninpi qamkunamanta puchuqkunapas mana allin rurasqankuraykum ismuypaq-ismurunqaku, abuelonkupa mana allin rurasqankuraykum paykuna hina ismuypaq-ismurunqaku.

Chuya Qellqa 1992

³⁹ Enemigoykichikpa nacionninpim qamkunamanta puchuqkunapas mana allin ruwasqankumanta wañunqaku, tayta-mamankuwan kuskam mana allin ruwasqankurayku wañunqaku.

Levítico 26:39 Iomraidhean Croise

2~Crónicas 34:24

Ñoqa Tayta Diosmi nini: Kay Judá nacionpi yachaqkunamanmi hatun ñakariyta chayachimusaq, reypa qayllanpi leesqaykichik libropa nisqan hatun sasachakuykunaman hinaspa ñakariykunaman hina.

Esdras 9:7

Taytaykupa tiemponmanta kunankamam hatun huchapi kawsachkaniku; chay huchaykuraykum ñoqaykupas, reyniykupas, sacerdoteykutapas huklaw nacionkunapa reyninkunaman qosqa karqaniku, chaynapim wañuchisqa, preso apasqa, suwasqa, hinaspa hatun penqaypi karqaniku, chaynam kunanpas kachkaniku.

Nehemías 1:9

Ñoqaman kutirikamuspa kamachikuyniykunata kasukuptikichikqa, karu llaqtakunapi cheqechisqa kasqaykichikmanta huñumuspaymi, sutiy hatunchasqa kananpaq akllasqay sitioman kutichimusqaykichik”, nispayki.

Éxodo 20:5

Chaykunapa ñawpaqninpiqa amam qonqorakunkichu, amataqmi yupaychankichu. Ñoqa Tayta Diosllam Diosnikiqa kani. Manam munanichu sapaq dioskuna yupaychanaykitaqa, cheqniwaqniy runataqa tayta-mamanmanta qallaykuspam willkanpa willkankama castigasaq.

Éxodo 34:7

Ñoqaqa waranqantin miraykunakama kuyapayakuqmi kani, mana allin ruwaqtapas, mana kasukuqtapas, huchallikuqtapas pampachaykuqmi kani. Huchayuq runatam ichaqa, Tayta-mamakunamanta qallaykuspa willkanpa willkankunakama castigasaq”, nispa.

Isaías 14:21

Taytankupa huchanrayku wawa-churinkuta wañuchinapaqyá allichakuychik. Yanqañataq kaynakunaqa allpata hapikurunmanku; kaynakunaqa amaña maypipas llaqtayachunkuchu.

Isaías 24:16

Kay pachapa patankunamantaraqmi kay takita uyarirqaniku: ¡Allinkuna ruwaq hatunchasqa kachun! niqta. Chaymi nirqani: ¡Ay, imañataq kayqa, imañataq kayqa! Iskay uyakunam contrato ruwasqankuta saqerunku, paqway iskay uyañam rikurirunku.

Jeremías 29:12

Chaymi qayakamuwaspa maña-kuwaptikichik uyarisqaykichik.

Jeremías 3:25

Ñoqaykupas ñawpaq taytaykupas, qampa contraykipim huchallikuruniku; warma kasqaykumanta kunan punchawkamam qamtaqa mana kasurqaykikuchu. Chayraykum penqakuymanta pasaypaqta uchuychakunayku.

Jeremías 31:29

Chay punchawkunapiqa manañam ninqakuchu: “Tayta-mamanku puchqo uvasta mikurusqanraykum wawa-churinkupa kirun uturun”, nispankuqa.

Lamentaciones 1:3

Judá nacionmi presota aparachikun, sasa llamkaykunapi ñakarichisqam tarikun, nacionkunapi munaychakuq kachkaspam, nacionkunapa serviqninña rikurirun, Qatikachaqnin enemigonkunam hayparuspa ñakariyman churarun.

Lamentaciones 4:9

Yarqaymanta wañuqkunamantaqa guerrapi wañuqkunaraqmi aswan allinqa, kaykunaqa mikunankupaq kawsay manaña kaptinmi allimanta wañurqaku.

Ezequiel 18:19

Sichum qamkuna tapukunkichik: ¿Imanasqataq churinqa mana castigasqachu taytanpa huchanmantaqa? nispaykichik, hinaptinqa chay churinqa allin ruwayman chaynataq allin arregloman hinam imatapas ruwarqa. Kamachikuyniykunatapas kasukuspanmi ruwayman churarqa. Chayraykum payqa kawsakunqa.

Ezequiel 20:43

Chaypim tukuy mana allinkuna ruwasqaykichikta yuyarispa ñakakunkichik, tukuy mana allin ruwasqaykichikraykum kikikichikmantapunipas millakunkichik.

Ezequiel 24:23

Uma wataykichiktapas, usutaykichiktapas manam hurqokunkichikchu, manam qaparinkichikchu nitaqmi waqankichikpaschu. Aswanqa huchaykichikrayku ñakarispam manaña kallpayuq huknikichikmanta huknikichikkama waqachinakunkichik.

Ezequiel 33:10

Runapa churin, Israelpa mirayninkunaman kaynata niy: Qamkunam kaynata nirqankichik: “Huchaykuwan mana kasukuyniykum hawaykupi kachkan, chayraykum kawsachkaspallaraq ismupakuchkanikuña; chaynaqa, ¿imayna-taq kawsaymanku?” nispaykichik.

Ezequiel 36:31

Chaynapim qamkunaqa mana allin kawsasqaykichiktawan mana allin ruwasqaykichikta yuyarinkichik, hinaspam mana allinkunata ruwaspa huchallikusqaykichikmanta penqakunkichik.

Ezequiel 4:17

Chaynapim tantankupas yakunkupas pisiptin mancharisqallaña qawanakunqaku. Paykunaqa mana allin ruwasqankuraykum ismuchkaq hina tukurunqaku, nispa.

Ezequiel 6:9

Wañuymanta puchuqkunam may nacionmanña preso apasqa kaspankupas ñoqamanta yuyarinqaku. Paykunaqa waqllikuruq warmi hina kaspanku idolokunataña yupaychanankupaq ñoqata saqeruwasqankumanta castigasqaytam yuyarinqaku, hinaspam kikinkupunipas millakuypaq ruwasqankumanta penqakunqaku.

Oseas 5:15

Huchankuta reqsikuspanku maskaqniy hamunankukamam maymi kasqayman kutikusaq. Ñakariyninkupim anchata maskawanqaku.

Zacarías 10:9

Nacionkunamanmi paykunata cheqerachisaq, hinaptinmi chay karu llaqtakunapi ñoqamanta yuyarinqaku, huk punchawmi wawa-churintin kutimunqaku.

Números 14:18

“Ñoqa Tayta Diosqa mana chaylla piñakuqmi hinaspa ancha hatun kuyakuqmi kani. Ñoqaqa mana allin ruwaqtapas, mana kasukuqtapas pampachanim, huchayuq runatam ichaqa castigani tayta-mamakunamanta qallaykuspa willkanpa willkankunakama”, nispayki.

Deuteronomio 28:65

Chay nacionkunapiqa purisqallaykichikpi kaspam samaytapas mana tarinkichikchu. Tayta Diosmi mancharisqallataña, weqe ñawintinta hinaspa llakisqallataña kawsachisunkichik.

Deuteronomio 30:1

Sichum akllakunaykichikpaq kunan willasqay bendicionkunapas otaq ñakaykunapas hamusuptikichik, Señornikichik Tayta Diospa qarqosusqaykichik nacionkunapi kaspa yuyaymanankichik,

Deuteronomio 5:9

Chaykunapa ñawpaqninpiqa amam qonqorakunkichu, amataqmi yupaychankichu. Ñoqa Señorniki Tayta Diosllam Diosnikiqa kani. Manam munanichu sapaq dioskuna yupaychanaykitaqa; cheqniwaqniy runataqa tayta-mamanmanta qallaykuspam willkanpa willkankama castigasaq.

Deuteronomio 8:20

Imaynam qamkunapa qayllaykichikmanta nacionkunata Tayta Dios chinkachinqa, chaynam qamkunapas Señornikichik Tayta Diospa nisqanta mana kasukuspaykichikqa chinkachisqa kankichik.