Levítico 26:36 - CHUYA QELLQA La Biblia en Quechua de Ayacucho 2012

³⁶ Qamkunamanta puchuqkunamanñataqmi, enemigonkupa allpanpi kaptinku sonqonkuman manchakuyta churasaq, hinaptinmi sachapa rapin wichiykuptillanpas guerramanta hinaraq ayqenqaku, ayqespankum mana pipa qatisqallan urmanqaku.

Quechua Ayacucho Bible 1987

³⁶ —Qamkunamanta puchuqkuna enemigonkupa allpanpi kaptinkum sonqonkuman churasaq manchakuyta hinaptinmi sachapa rapin wichiykuptillanpas ayqenqaku. Guerramanta ayqechkaq hina ayqespankum mana pipas qatichkaptillan urmanqaku.

Chuya Qellqa 1992

³⁶ Qamkunamanta puchuqkunamanñataqmi, enemigonkupa allpanpi kaptinku sonqonkuman manchakuyta churasaq, hinaptinmi sachapa rapin wichiykuptillanpas guerramanta hinaraq ayqenqaku, ayqespankum mana pipa qatisqallan urmanqaku.

Levítico 26:36 Iomraidhean Croise

Génesis 35:5

Chaymanta ripuptinkum muyuriqninku llaqtakunaman Diosmanta hamuq hatun manchakuy yaykururqa, chaynapim Jacobpa churinkunata manaña qatirqakuchu.

Génesis 4:12

Chakrata llamkaptikipas manam rurupusunkichu. Mana imayuqmi kay pachapi pakan-pakanlla purinki, nispa.

2~Crónicas 14:14

Chaymantam Gerar llaqtapa muyuriqninpi llapallan llaqtakunata atacarurqaku, Tayta Diospa ruwasqanwanmi chaykunapi yachaqkuna mancharikururqaku. Judá runakunam llapallan llaqtakunapa tukuy imankuta qechurqaku chaypi achkallaña llapa imakuna kasqanrayku.

Jobwan Sutichasqa Libro 13:25

Ñoqaqa wayrapa apasqan llaqe hinallam kani ¿imanasqataq chinkachiwayta munanki? Ñoqaqa chakisqa paja hinallam kani ¿imanasqataq qatikachawanki?

Proverbios 28:1

Mana allin runaqa mana pipa qatisqallanmi ayqen, allin ruwaq runam ichaqa león hina hawka kawsakunqa.

Isaías 30:17

Chullalla runapa manchachisqanmi waranqa runakuna lluptinqaku; pichqa runakunapa manchachisqanñataqmi llapallaykichik ayqenkichik, orqopa puntanpi chullalla kaspi hina kanaykichikkama, moqopi sayarachisqa bandera hina kanaykichikkama.

Isaías 7:2

Chaytam rey Acazman chaynataq ayllunkunaman kaynata willaykurqaku: Siria llaqtawan Efraín llaqtam contraykipi hukllaña kachkanku, nispanku. Hinaptinmi rey Acazqa runankunapiwan, sinchi wayrapa kuyuchisqan sachakuna hinaraq katkatatarqaku.

Isaías 7:4

Paytam ninki: Cuidakuy hinaspa hawkalla kay ama manchakuychu nitaq sonqoykipas hukmanyachunchu chay iskay qosniq yantakunaraykuqa, Siriapa reynin Rezinpa chaynataq Remaliaspa churin Pekapa sinchi piñakuyninraykuqa.

Jeremías 37:10

Caldea tropakunataña venceruptikichikpas, paykunamanta herido puchuqkunam carpankumanta sapakama hatarimuspanku kay llaqtata kañaykunqaku, nispa.

Jeremías 46:16

Soldadoykikunam mitkarunku, hukninkum hukninkupa hawanman wichichkanku, kikinkupuram ninakunku: “Hatarispa llaqtanchikman ripukusun, nacesqanchik nacionman kutikusun, wañuchinakuymanta lluptikusun”, nispanku.

Lamentaciones 1:3

Judá nacionmi presota aparachikun, sasa llamkaykunapi ñakarichisqam tarikun, nacionkunapi munaychakuq kachkaspam, nacionkunapa serviqninña rikurirun, Qatikachaqnin enemigonkunam hayparuspa ñakariyman churarun.

Lamentaciones 1:6

Sionpa kuyayllapaq kayninpas chinkarunmi, kamachiqninkunapas pastota mana tariq luwichukuna hinam kachkanku, enemigonkunapa ñawpaqnintam manaña kallpayuq lluptichkanku.

Lamentaciones 4:19

Qatikachawaqniykuqa ankamantapas utqayman kallpaqkunam karqaku, orqokunapim paykunaqa qatikachawarqaku, chunniqkunapim wichinaykupaq trampata churarqaku.

Ezequiel 21:12

Chaynaqa, runapa churin, waqaspa qaparkachay. Chay espadaqa kachkan Israel runaykunapa contranpim, Israelpa kamachiqninkunapa contranpim. Paykunam llaqtaywan kuska espadawan wañuchisqa kanqaku. Chayraykuyá qasqoykita takakuy.

Ezequiel 21:15

Chay espadam paykunaman manchakuyta huntaykunqa, achkallatañam wañuchinqa. Llapallan wasikunamanmi wañuchikuq espadata kachaykuni, chay espadaqa llipityananpaq ñawchiyachisqam kachkan, wañuchinanpaq ñawchiyachisqam kachkan.

Ezequiel 21:7

Sichum pipas tapusunki: “¿Imanasqataq kaynatañaqa waqachkanki?” nispa hinaptinqa kaynatam ninki: Ñoqaqa waqachkani imam pasakunanmanta willakuy uyarisqaywanmi. Chaykuna chayamuptinqa llapa runakunam hukmanyanqaku, manam ima ruwakuytapas atinqakuñachu, muspaypi hinam rikurirunqaku, manchakuymantam moqonkupas katkatatanqa. Ñam chayaykamuchkanña, chaynapunim kanqa. Ñoqa Tayta Diosmi chaynata nini.

Oseas 8:3

Israelpa mirayninkunam allin kaqta wischupakurunku, chayraykum enemigonkuna qatikachanqa.

Levítico 26:17

Ñoqam contraykichikpi kasaq, hinaptinmi enemigoykichikpas vencesunkichik. Cheqnisuqnikichik runakunam munaychakusunkichik, mana pipa qatikachasqanmi ayqenkichikpas.

Levítico 26:35

Allpaykichikpi yachaspa mana samachisqaykichikmantam chay allpa purmasqan watakunapi samakunqa.

Deuteronomio 1:44

Ichaqa chay orqopi yachaq amorreokunam lloqsiramuspanku Seir orqopi vencerusurqankichik, hinaspam Horma llaqtakama wayliskuna hinaraq qatisurqankichik.

Josué 5:1

Jordán mayupa intipa seqaykunan lawninpi yachaq amorreokuna reyninkunawan Mediterráneo lamar qochapa hichpanpi yachaq cananeokunapa reyninkunam yacharurqaku, imaynam Israelpa mirayninkuna chimpay tukunankukama Jordán mayuta Tayta Dios chakirachisqanta. Chayraykum pasaypaqta hukmanyaruspanku manaña Israelpa contranpi peleayta munarqakuñachu.

Josué 7:5

Hai llaqtayuqkunam urayninpaman qatimuspa Israel tropakunata venceruspa yaqa kimsa chunka soqtayuqta wañurachimurqaku, hinaspam llaqtapa pun-kunmanta Sebarim lawkama qatiramurqaku. Chayraykum llapa runakuna pasaypaqta hukmanyarurqaku.

1~Samuel 17:24

Goliatta rikuykuspankum Israel tropakunañataq llumpay mancharisqallaña ayqekuspanku