Levítico 26:33 - CHUYA QELLQA La Biblia en Quechua de Ayacucho 2012

³³ Huklaw nacionkunamanmi cheqechisqaykichik, hinaspam guerrawan qatikachachisqaykichik, nacionnikichikmi chunninqa, llaqtaykichikkunam purmanqa.

Quechua Ayacucho Bible 1987

³³ Qamkunatam cheqerachisqaykichik huklaw nacionkunaman hinaspam qatikachachisqaykichik guerrawan. Nacionnikichikmi chunninqa, purmarunqataqmi llaqtaykichikkunapas.

Chuya Qellqa 1992

³³ Huklaw nacionkunamanmi cheqechisqaykichik, hinaspam guerrawan qatikachachisqaykichik, nacionnikichikmi chunninqa, llaqtaykichikkunam purmanqa.

Levítico 26:33 Iomraidhean Croise

1~Reyes 8:46

Dios Taytalláy lliwpas huchallikuq-mi kallaniku. Sichum qampa contraykipi huchallikurusqankurayku piñakuruspayki enemigonkunaman qoykunki hinaptin karumanpas otaq hichpamanpas preso apasqa kaspanku,

2~Reyes 25:9

Paymi kañaykurqa Tayta Diospa templonta, reypa palacionta, Jerusalén llaqtapi llapa wasikunata hinaspa kamachikuqkunapa wasinkunatapas.

2~Crónicas 7:19

Sichum qamkuna ñoqamanta karunchakuruspa qosqay decretokunata kamachikuykunata mana kasukuspa huk dioskunataña qatispa yupaychaptikichikqa,

Nehemías 1:3

Chaymi niwarqaku: Preso apasqa kanankumanta lluptispa hinapi qepaqkunaqa hatun ñakariypi hinaspa penqakuypaqmi kallachkanku. Jerusalenpa murallanpas hinallam tuñisqa kachkan, punkunkunapas hina kañasqam kachkan, nispanku.

Nehemías 1:8

Yuyariyá serviqniki Moisesman kayna nisqaykita: “Huchallikuptikichikqa huklaw nacionkunamanmi cheqechisqaykichik.

Ester 3:8

Hinaptinmi rey Asuerota Amán nirqa: Munaychakusqayki llaqtakunapim huk casta runakuna cheqesqa hinaspa rakinasqa yachachkanku, leyninkupas sapaqmi, manam wakin llaqtakunapa hinachu, kamachikuynikikunatapas manam kasukunkuchu. Manam allinchu reypa munaychakuyninpi kayna runakunapa kawsayninqa.

Isaías 1:7

Nacionnikichikmi purmachkan, llaqtaykichikkunam ninawan rupachkan, qawasqaykichikpi hinam tarpusqaykichiktapas qayllaykichikpi huklaw runakuna mikuchkan, enemigoykichikkunapa purmachisqanraykum allpaykichikpas chunnichkan.

Isaías 6:11

Chaymi tapurqani: Dios Taytalláy, haykapikamataq chaynaqa kanqa, nispay. Payñataqmi niwarqa: Llaqtakuna mana runayuq chunnichisqa kanankamam, wasikunapi manaña runapas kanankamam, chakrakunapas purmachisqa kanankamam,

Jeremías 13:24

Chayraykum qamkunataqa cheqerachisqaykichik, imaynam chunniqpi wayrawan qopata apachichkaq hina.

Jeremías 15:4

Ezequiaspa churin rey Manasespa Jerusalén llaqtapi mana allinkunata ruwasqanrayku paykunata castigaptiymi, kay pachapi llapallan nacionkunapas manchakuymanta katkatatanqaku.

Jeremías 31:10

Nacionkuna, Tayta Diospa Chuya siminta uyariychik, lamar qochapa waklawninpi kaqkunaman willamuychik: ¡Israelta cheqechiq Tayta Diosmi paykunata huñumunqa, ovejakunata michiq hinam paykunata waqaychanqa! nispa.

Jeremías 4:7

Leonmi machayninmanta lloqsiramunña, nacionkuna purmachiqmi hamuchkanña; nacionnikichikta chinkachinanpaqmi lloqsiramunña, llaqtaykikunata purmachinanpaqmi lloqsiramunña, mana runayuqtaña saqenanpaqmi lloqsiramunña.

Jeremías 7:34

Judá llaqtakunapi chaynataq Jerusalén llaqtapa callenkunapim, asikuyta, kusikuyta casarakuy fiestata chinkarachisaq. Kay nacionqa pasaypaqtañam chunninqa, nispa.

Jeremías 8:3

Kay mana allin runakunatam tukuy hinastinman cheqerachisaq, hinaptinmi puchuqkunañataq kawsayta munanankumantaqa wañuyllataña maskanqaku. Ñoqa Tayta Diosmi chaynata nini.

Jeremías 9:16

Taytankupapas kikinkupapas mana reqsisqanku nacionkunamanmi cheqechisaq. Espa-dawan qatikachachispaymi manaña chullapas puchunankukama tukusaq, nispa.

Lamentaciones 1:1

¡Ay, Jerusalén llaqtam, achkallaña runayuq llaqtam, sapallanña qeparun! ¡Nacionkunapa ancha reqsisqan llaqtam, viuda hinaña rikurirun! ¡Nacionkunapi munaychakuq llaqtam, esclavoña rikurirun!

Lamentaciones 1:3

Judá nacionmi presota aparachikun, sasa llamkaykunapi ñakarichisqam tarikun, nacionkunapi munaychakuq kachkaspam, nacionkunapa serviqninña rikurirun, Qatikachaqnin enemigonkunam hayparuspa ñakariyman churarun.

Lamentaciones 4:15

Paykunatam runakuna nirqaku: “¡Kaymanta anchuychik, qamkunaqa millay runakunam kankichik, ama llapchawaykuchu! ¡Manam ñoqaykuwanqa yachawaqchikchu!” nispanku.

Lamentaciones 4:16

Tayta Diosmi paykunata cheqerachirqa, manañam paykunataqa qawarirqañachu, sacerdotekunapas manaña respetasqam karqaku, yuyaqkunapas manaña llakipayasqam karqaku.

Ezequiel 12:20

Runakunapa yachanan llaqtakunam tuñichisqa kanqa, nacionpas purmachisqam kanqa, chaynapim Tayta Dios kasqayta yachankichik, nispayki.

Ezequiel 20:23

Chay chunniqpim jurarqani paykunata kay pachapi tukuy nacionman cheqerachinaypaq.

Ezequiel 22:15

Chaynaqa, Jerusalén llaqta, huklaw nacionkunamanmi cheqerachisqayki, huklaw llaqtakunamanmi cheqerachisqayki, chaynatam millakuypaq kaynikikunata chuyanchasaq.

Ezequiel 5:2

Llaqta atacayta tukuruspaykim huknin rakisqayki chukchaykita llaqta chawpinpi kañanki. Chaymantam huknin rakisqayki chukchaykita llaqtapa muyuriqninpi kuchupanki. Huknin rakisqayki chukchaykitañataqmi wayrawan apachinki. Ñoqam espada makintin paykunata qatikachasaq.

Oseas 9:6

Wañuymanta ayqeptikichikpas Egipto nacionmi hapimusunkichik, Menfis llaqtapim pampasunkichik. Llaqtaykichikpipas chaynataq qori-qollqemanta alhajaykichikpipas mana allin qorakunawan kichkakunam wiñanqa.

Amós 9:4

Enemigonkupa preso apasqanña rispankupas chaypim espadawan wañuchisqa kanqaku; paykunataqa ñakarinankupaqmi qawarisaqpas, manam yanapanaypaqñachu.

Zacarías 7:14

Aswanraqmi sinchi wayra hina mana reqsisqanku nacionkunaman cheqerachirqani, chaynapim nacionninkupas mana pipapas purinan chunniqmanña tikrakururqa. Sumaqllaña naciontam paykuna llakikuypaq chunniqman tikrarurqaku, nispa.

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.

Deuteronomio 4:27

Huklaw nacionkunaman Tayta Dios cheqerachisuptikichikmi chay nacionkunapi asllaña puchunkichik.

Santiago 1:1

Ñoqa Santiagom Diospa hinaspa Señor Jesucristopa serviqnin, llapallan kay pachapi cheqesqa Israelpa chunka iskayniyuq ayllunkunata rimay-kamuykichik.