Levítico 26:30 - CHUYA QELLQA La Biblia en Quechua de Ayacucho 2012

³⁰ Idoloykichikkunapa capi-llankunatapas tuñirachisaqmi, incienso kañana altarnikichikkunatapas paki-parusaqmi, ayaykichiktapas idoloykichikkunapa hawanmanmi montorusaq.

Quechua Ayacucho Bible 1987

³⁰ Capillaykichikkunatapas tuñirachisaqmi, pakiparusaqtaqmi incienso kañana altarnikichikkunatapas. Qamkunata cheqnisqayraykum ayaykichikkunatapas montosaq mana kawsaq taytacha-mamachaykichikkunapa hawanman.

Chuya Qellqa 1992

³⁰ Idoloykichikkunapa capillankunatapas tuñirachisaqmi, incienso kañana altarnikichikkunatapas pakiparusaqmi, ayaykichiktapas idoloykichikkunapa hawanmanmi montorusaq.

Levítico 26:30 Iomraidhean Croise

Génesis 19:13

Kay llaqtatam puchukachisaqku. Paykunapa millakuypaq hucha ruwasqankum Tayta Diospa qayllanman chayarun, chaymi pay kachamuwanku puchukachinaykupaq, nispanku.

1~Reyes 13:2

Chay profetam Tayta Diospa kamachisqanrayku altarpa contranpi kaynata qaparirqa: ¡Altar, altar! Tayta Diosmi nisunki: “Davidpa ayllunmantam Josías sutiyuq huk qari wawa nacemunqa, paymi alto moqo capillakunapi incienso kañaq sacerdotekunata qampa qawaykipi wañuchinqa, hawaykipitaqmi runakunapa tulluntapas kañanqa”, nispa.

1~Reyes 13:32

Bet-el llaqtapi altarpa contranpi chaynataq Samaria law moqokunapi kaq capillakunapa contranpipas paynintakama Tayta Diospa nisqanqa cumplikunqapunim, nispa.

2~Reyes 23:16

Kutichkaspanmi rey Josías rikururqa chay moqopa waqtanpi sepulturakunata, chaymi runakunata kachaspan tullukunata hurqorachimurqa, hinaspam chay altarpi kañarurqa millakuypaqña kananpaq, chaynapim profetantakama Tayta Diospa nisqan cumplikurqa.

2~Reyes 23:20

Alto moqokunapi kaq capillakunapi sacerdotenkunatapas hina chay altarkunallapim lliwta wañurachirqa, chaypitaqmi runakunapa tullunkunatapas kañarurqa, hinaspam Jerusalén llaqtaman kutikurqa.

2~Reyes 23:8

Judá nacionpi llapa sacerdotekunata Jerusalenman huñurachimuspanmi, chay sacerdotekunapa incienso kañananku moqokunapi capillakunatapas millakuypaqta ruwarurqa, Geba llaqtamanta qallaykuspa Beerseba llaqtakama. Tuñichirqataqmi llaqtapa gobernadornin Josueypa punkunpi demoniokunapaq ruwasqanku capillakunatapas. Chay punkuqa karqa llaqtapa punkunpa ichoq lawninpim.

2~Crónicas 23:17

Chaymantam llapallan runakuna Baalpa templonman yaykuruspanku tuñirachirqaku; altarninkunata tuñirachispam idolonkunatapas ñutuparurqaku, Baalpa sacerdoten Matantapas altarkunapa ñawpaqninpim wañurachirqaku.

2~Crónicas 31:1

Tukuy chaykuna tukuruptinmi, chaypi kaq Israel runakuna Judá nacionpi llaqtakunaman lloqsispanku rumimanta idolokunatawan Asera idolokunata ñutuparurqaku; Judá, Benjamín, Efraín hinaspa Manasés lawkunapi kaq altarkunatapas lliwtam tuñirachirqaku. Chaymantam Israelpa mirayninkunaqa maymi kasqankuman sapakama kutikurqaku.

Isaías 27:9

Chaywanpas Jacobpa mirayninkunapa huchantaqa pampachanqam, ichaqa kaykunatam ruwananku: Idolonkupa altarninkunatam isku rumita hina ñutupananku, Asera idolonkutam wikapananku, idolonkupaq incienso kañananku altarkunatam tuñichinanku.

Jeremías 14:19

Dios Taytalláy, ¿pasaypaqtachu Judá nacionta qepanchakurunki? ¿Pasaypaqtachu Sión llaqtaykita cheqnikurunki? ¿Imanasqataq manaña hampiy atina kanaykukama castigaruwankiku? Hawkayaytam suyarqaniku, ichaqa sasachakuyllam chayaramuwanku; sanoyachisqa kaytam suyarqaniku, ichaqa manchakuyllapim kachkaniku.

Jeremías 16:18

Puntataqa mana allinkunata ruwaspa huchallikusqankumantam mirayniyuqta pagapusaq. Paykunaqa wañusqa idolokunawanmi allpayta millakuypaqta ruwarunku, millakuypaqta huchallikusqankuwanmi herenciankupaq qosqay allpata qanracharunku, nispay.

Ezequiel 16:39

Paykunaman qoykuptiymi idoloykikunata yupaychanaykipaq capillakuna ruwasqaykitapas tuñichinqaku. Paykunam pachaykita chusturususpayki sumaq alhajaykikunatapas apakunqaku, hinaspam pasaypaq qalallata saqerusunki.

Ezequiel 43:7

Paymi kaynata nimuwarqa: Runapa churin, kay sitioqa tiyanaypa kanan hinaspa chakiykunapa sarupakunan sitiom, kaypim Israelpa mirayninkunapa chawpinpi wiñaypaq yachasaq. Israelpa mirayninkunawan reyninkupas manañam chuya sutiytaqa penqayman churanqakuñachu, nitaqmi wañusqa reyninkutapas yupaychanqakuñachu.

Ezequiel 6:13

Altarkunapa muyuriqninpi, idolokunapa chawpinpi, alto moqokunapi, orqokunapa puntankunapi, llaqesapa sachakunapa sikinkunapi, encina sachakunapa sikinkunapi hinaspa idolonkunaman incienso qontichinankunapim wañusqakunata rikunqaku. Chaykunata qawaspankum ñoqa Tayta Dios kasqayta yachanqaku.

Oseas 10:2

Israelpa mirayninkunaqa iskay uya runakunam, chay huchankumantam ñakarinqaku, Tayta Diosmi idolonkutapas ñutunqa, suma-sumaq altarninkunatapas tuñichinqam.

Levítico 20:23

Qayllaykichikmanta qarqonay runakunapa millarikuypaq ruwayninkunataqa amam ruwankichikchu, paykunataqa tukuy chaykuna ruwasqankumantam millakuruniña.

Levítico 26:11

Qamkunawan yachaspaymi manaña qepanchasqaykichikñachu.

Levítico 26:15

chaynataq yachachikuyniykunatapas, kamachikuyniykunatapas hinaspa kunasqaykunatapas wischupakuspa chaynataq mana ruwayman churaspa pacto ruwasqaytapas mana cumpliptikichikqa,

Amós 6:8

Tukuy Atiyniyuq Tayta Diosmi kikin-rayku juraspa kaynata nin: Millakunim Israelpa hatun tukuynintapas, palacionkunatapas cheqninim; chayraykum llaqtata tukuy ima kapuqninkunatawan enemigonman qoykusaq, nispa.

Amós 7:9

Isaacpa idolokunata yupaychanan moqokunam tuñichisqa kanqa, Israelpa santuarionkunapas ñutusqam kanqa; rey Jeroboampa mirayninkunatam espadawan wañuchisaq, nispa.

Deuteronomio 32:19

Chayta rikuspanmi Tayta Dios sinchita piñakururqa, piñakuruspanmi qaritapas warmitapas churinkunata qepanchakururqa.