Levítico 26:26 - CHUYA QELLQA La Biblia en Quechua de Ayacucho 2012

²⁶ Mikunaykichik kawsaykunata chinkarachiptiymi chunka warmikuna chulla hornollapi tantata ruwaspanku kama-kamallamanta qosunkichik, ichaqa manam saksankichikchu.

Quechua Ayacucho Bible 1987

²⁶ —Mikunaykichik kawsaykunata chinkarachiptiymi chunka warmikuna chulla hornollapi tantata ruraspanku medisqallata qosunkichik, ichaqa manam saksankichikchu.

Chuya Qellqa 1992

²⁶ Mikunaykichik kawsaykunata chinkarachiptiymi chunka warmikuna chulla hornollapi tantata ruwaspanku kama-kamallamanta qosunkichik, ichaqa manam saksankichikchu.

Levítico 26:26 Iomraidhean Croise

2~Reyes 6:25

Chayraykum Samaria llaqtapi hatun yarqay karurqa, chaymi asnopa umantapas rantikuqku yaqa huk kilo qollqepaq, palomapa akantañataqmi cuarto kilota rantikuqku parte kilo masnin qollqepaq.

Isaías 3:1

¡Allinta qawarikuychik! Tukuy Atiyniyuq Tayta Diosmi Jerusalén llaqtamanta chaynataq Judá nacionmanta, mikuy apamuqninkunata qechunqa; qechunqataqmi tantatawan yakutapas.

Isaías 5:10

Chunka yugadayuq chakramantam huk urpu vinollataña hurqonqaku, chunka saco muhumantam chulla sacollataña cosechanqaku”, nispa.

Isaías 9:19

Tukuy Atiyniyuq Tayta Dios piñakusqanraykum lliw nacionkuna rupachkan, runakunañataqmi ninapaq yanta hina kachkan. Runakunaqa runamasinta mana kuyapayarikuqñam kachkanku.

Isaías 9:20

Runaqa alleq lawpi mikuchkaspapas manam saksanchu, ichoq lawpi mikuchkaspapas hinallam yarqaymanta, churinkuta mikuchkaspapas manam contentankuchu.

Jeremías 14:12

Ayunaspa mañakuwaptinkupas manam uyarisaqchu. Lliw kañana sacrificionkunatawan kawsaykunamanta ofrendakuna apamuwasqankutapas manam chaskisaqchu. Aswanqa guerrawan, yarqaywan hinaspa peste onqoywanmi paykunataqa tukusaq, nispa.

Ezequiel 14:13

Runapa churin, sichum hukkaqnin nación huchallikuspan ñoqamanta karunchakuruptinqa castiganaypaqmi makiyta hoqarisaq, hinaspaymi mikunankutapas chinkarachisaq, yarqayta kachaykuptiymi runakunapas hinaspa animalkunapas wañunqaku.

Ezequiel 4:10

Sapa punchawmi horallanpi cuarto kilollata mikunki.

Ezequiel 4:16

Chaymantam niwarqa: Runapa churin, ñoqam Jerusalén llaqtapi mikuykunata chinkarachisaq. Paykunaqa tantatapas tupusqallatañam llakillawanña mikunqaku, yakutapas tupusqallatañam manchakuyllawanña tomanqaku.

Ezequiel 4:17

Chaynapim tantankupas yakunkupas pisiptin mancharisqallaña qawanakunqaku. Paykunaqa mana allin ruwasqankuraykum ismuchkaq hina tukurunqaku, nispa.

Ezequiel 5:16

Contraykichikpim wañuchikuq flechay-kunata hinaraq yarqayta kacharimusaq, yarqaytawan puchukayta hinaspa muchuytam kachaykamusqaykichik.

Oseas 4:10

Ñoqa Tayta Diosmanta karunchakurusqankuraykum mikuspankupas mana saksanqakuchu, mirayta munaspankupas manam miranqakuchu.

Levítico 26:27

Chaykunawanpas mana kasuwaspa hina qepanchawaptikichikqa

Miqueas 6:14

Mikuspapas manam saksankichu, aswanqa hinallam yarqaymanta ñakarinki, huñukusqaykitapas manam takyachinkichu, takyachisqaykitapas guerrapim ñoqa tukuchisaq.

Hageo 1:6

Achkanpi tarpuspapas pisillatam cosechankichik, mikuspapas manam saksankichikchu, tomaspapas manam contentankichikchu, pachakuspapas manam qonirinkichikchu, llamkapakuqpas uchku wayqallamanmi pagonta chaskichkan, nispa.