Levítico 26:22 - CHUYA QELLQA La Biblia en Quechua de Ayacucho 2012

²² Manchakuypaq monte animalkunatapas kachaykamusaqmi, hinaptinmi churi-wawaykichikkunatawan animalnikichikkunatapas pasaypaqta tukurunqa, chaynapim aschallaña rikuriruptikichik ñannikichikpas chunninqa.

Quechua Ayacucho Bible 1987

²² Kachaykamusaqtaqmi manchakuypaq monte animalkunatapas hinaptinmi churi-wawaykichikkunata pasaypaqta tukurunqa, animalnikichikkunatapas tukurunqam. Chaynapim aschallaña rikuriruptikichik ñannikichikpas chunnirunqaña.

Chuya Qellqa 1992

²² Manchakuypaq monte animalkunatapas kachaykamusaqmi, hinaptinmi churi-wawaykichikkunatawan animalnikichikkunatapas pasaypaqta tukurunqa, chaynapim aschallaña rikuriruptikichik ñannikichikpas chunninqa.

Levítico 26:22 Iomraidhean Croise

2~Reyes 17:25

Chay runakunam yachayta qallaykuspanku Tayta Diosta mana yupaycharqakuchu, chaymi paykunapa contranpi leonkunata Tayta Dios kachaykuptin wañuchiyta qallaykurqa.

2~Reyes 2:24

Eliseoñataqmi paykunata qawarispan Tayta Diospa sutinpi ñakaykurqa, chaymi montemanta iskay ukumarikuna lloqsiramuspa tawa chunka iskayniyuq warmakunata tisaparurqa.

2~Crónicas 15:5

Chay tiempokunapiqa manam pipaqpas hawkayay karqachu, aswanqa llapallan nacionkunapi kaqkunapaqmi ñakariyllaña karqa.

Isaías 24:6

Chayraykum kay pachata ñakay intuykun runankunapas chinkanankukama; kay pachapi yachaqkunam qollurun, aschallañam puchurunku.

Isaías 33:8

Ñankunam chunnichkan, manañam pipas chaynintaqa purinñachu; contratotam yanqacharunku, testigokunatam qepancharunku, mana pitapas respetaqñam rikurirunku.

Jeremías 15:3

Ñoqa Tayta Diosmi kaynata nini: Tawa castigokunatam paykunaman kachamusaq: Guerrawanmi wañuchisqa kanqaku, allqokunam paykunata llikipanqa, alton pawaq animalkunam paykunata mikunqa, purun animalkunam paykunata tisapanqa.

Jeremías 42:2

profeta Jeremiasman asuykuspanku nirqaku: Mañakuykikum llapallan kaypi puchuqkunapaq yupaychasqayki Tayta Diosta mañakunaykipaq. Rikuwasqaykikupi hinapas achkamantam ñoqallaykuña puchuruniku.

Lamentaciones 1:4

¡Sionman rina ñankunam llakikuypaq kachkanku! fiestakunaman hamuqpas manañam kanñachu; punkunkunam chunnichkan, sacerdotekunam waqachkanku, sipaskunam waqachkanku, Jerusalenmi llakiwan inturachikun.

Ezequiel 14:15

Sichum runa mikuq animalkunata chay nacionman kachaykuptiy llapa runakunata mikuruspa chunnirachinman, chay animalkunata manchakusqankurayku manaña pipas chayninta pasanankama,

Ezequiel 14:21

Chayraykum ñoqa Tayta Dios kaynata nini: Aswanraqmi kanqa Jerusalén llaqtaman manchakuypaq tawa castigoykunata kachaykamuptiyqa. Kay tawa castigoykunam kaykuna: Guerra, yarqay, runa mikuq animalkuna hinaspa peste onqoy. Chaykunam runakunata hinaspa animalkunatapas wañuchinqaku.

Ezequiel 33:28

Chay naciontaqa purmarachispaymi chun-nichkaqta saqerusaq, kallpaykichiktawan hatun tukuynikichiktam chinkarachisaq. Israel nacionpi orqokunapas chunninqam, chaynintaqa manañam pipas pasanqakuñachu.

Ezequiel 5:17

Cheqaptapunim yarqayta, onqoyta, purun animalkunata hinaspa wañuyta qamkunaman apachimusqaykichik hinaptinmi mana wawa-churiyuqtaña saqerusunkichik. Qamkunamantam wakiqnikichikta guerrapi wañuchisqaykichik. Ñoqa Tayta Diosmi chaynata nini.

Levítico 26:6

Nacionnikichikpim hawka kawsakuyta qosqaykichik, hinap-tinmi puñuspapas mana pipa manchachisqan puñukunkichik. Manchakuypaq monte animalkunatapas nacionnikichikmantam chinkachisaq, guerrapas chay-piqa manañam kanqachu.

Miqueas 3:12

Chaynaqa, qamkunapa huchaykichikmantam Sión llaqtapas yapusqa chakraña kanqa, Jerusalenñataqmi soqyasqa rumillamanña tikrasqa kanqa. Templopa kanan moqopas mana allin qorakunawanmi monteyanqa, nispa.

Zacarías 7:14

Aswanraqmi sinchi wayra hina mana reqsisqanku nacionkunaman cheqerachirqani, chaynapim nacionninkupas mana pipapas purinan chunniqmanña tikrakururqa. Sumaqllaña naciontam paykuna llakikuypaq chunniqman tikrarurqaku, nispa.

Deuteronomio 32:24

Yarqaymantam wañunqaku, sinchi calenturawanmi puchukanqaku, millay peste onqoywanmi tukunqaku, mikukuq purun animalkunatawan kachukuq maqta urukunatam paykunaman kachaykusaq.

Jueces 5:6

Anatpa churin Samgarpa tiemponkunapiqa, Jaelpa punchawninkunapiqa manam ñannintañachu purirqaku, illaqkunapas llutan ñanninkunatañam purirqaku.