Levítico 26:19 - CHUYA QELLQA La Biblia en Quechua de Ayacucho 2012

¹⁹ Hatun tukuq kaynikichiktapas yanqacharusaqmi, cielokunatam fierrota hina manaña paramunanpaq ruwarusaq, chaynapim allpaykichikpas bronce hinaña rikurirunqa.

Quechua Ayacucho Bible 1987

¹⁹ Rumi sonqo kaspa orgulloso kaynikichiktapas yanqacharusaqmi. Cielokunapas fierro hinaña rikuriruptinmi mana parachimusaqchu, chaynapim allpaykichikpas bronce hinaña rikurirunqa.

Chuya Qellqa 1992

¹⁹ Hatun tukuq kaynikichiktapas yanqacharusaqmi, cielokunatam fierrota hina manaña paramunanpaq ruwarusaq, chaynapim allpaykichikpas bronce hinaña rikurirunqa.

Levítico 26:19 Iomraidhean Croise

1~Reyes 17:1

Rey Acabtam Galaad law Tisbe llaqtayuq Elías nirqa: “Israelpa yupaychasqan Tayta Dios-raykum jurani, ñoqaqa serviqnin kasqayraykum paypa qayllanpi kachkani, manam kay watakunapi para kanqachu nitaqmi sullayllapas sullamunqachu ñoqa ninaykama”, nispa.

1~Reyes 8:35

Sichum qampa contraykipi huchallikurusqankurayku mana para kanqachu, ichaqa huchankumanta ñakarichiptiki kay temploman qawarimuspa sutikita yupaychaspanku huchankumanta wanakuptinkuqa

Isaías 2:12

Tukuy Atiyniyuq Tayta Diospa punchawninmi hamuchkan, hatun tukuqkunata uchuychananpaq, hatunchakuqkunata tuñichinanpaq;

Isaías 25:11

Moabqa allin nadeaq hinaraqmi haywaykachanqapas, nadeaspa sapa maki hoqariyninmi ukuman apaykunqa, chaynatam Tayta Diosqa hatun tukuyninta tuñichinqa.

Isaías 26:5

Paymi alto-altopi yachaq runakunata wichichin, hatun tukuq llaqtakunatam penqayman churan, chayna llaqtakunataqa allpatapas akunankukamaraqmi tuñirachin.

Isaías 28:1

¡Ay, Samaria llaqta imaynaraq kanqa! coronanmanta hina Efrainpa alabakunan llaqta, sinkakunapa kanan llaqta, sumaq wayta chakirusqa hina llaqta, tukuy imapa wiñanan qechwapa hanayninpi tarikuq llaqta, vinoman qokuruq runakunapa kanan llaqta.

Jeremías 13:9

Chay ismusqa chumpita hinam Judá runakunapa hinaspa Jerusalén runakunapa hatun tukuq kayninta ismuchisaq.

Jeremías 3:3

Chayraykum tarpuy parawan poqoy parapas manaña chayamurqachu. Penqakunayki kachkaptinpas, chuchumika hina mana penqakuqñam rikurirunki.

Ezequiel 24:21

Israelpa mirayninkunata kaynata niy: Ñoqa Tayta Diosmi kaynata nini: Qamkunapa anchallaña kuyasqaykichik hinaspa qawapayanaykichik temploytam millakuypaqta ruwarusaq. Chay templom qamkunapa kallpaykichik hinaspa hatunchakunaykichik karqa. Jerusalenpi saqemusqaykichik wawa-churikichikpas wañuchisqam kanqaku.

Ezequiel 30:6

Ñoqa Tayta Diosmi kaynata nini: Egipto nacionta yanapaqkunapas Migdol llaqtamanta qallaykuspam Sevene llaqtakama espadapi wañunqaku. Ñoqa Tayta Diosmi chaynata nini.

Ezequiel 33:28

Chay naciontaqa purmarachispaymi chun-nichkaqta saqerusaq, kallpaykichiktawan hatun tukuynikichiktam chinkarachisaq. Israel nacionpi orqokunapas chunninqam, chaynintaqa manañam pipas pasanqakuñachu.

Ezequiel 7:24

Huklaw nacionkunamantam mana allin runakunata pusamusaq, hinaptinmi llaqtapi wasikunatapas paykunaña hapikuykunqaku. Chaynatam atiyniyuqkunapa hatun tukuyninta tukusaq, santuarionkupas millakuypaq ruwasqam kanqa.

Daniel 4:37

Chayraykum ñoqa Nabucodonosor hanaq pachapi Reyta alabaspay hatunchani, paytam yupaychanipas, paypaqqa tukuy ima ruwasqankunapas cheqapmi, payqa allinkuna ruwaqmi, hatun tukuqkunatapas payqa uchuychanmi.

Sofonías 3:11

Kuyasqay llaqtalláy, chay punchawpiqa manañam penqakunkiñachu mana allinkunata ruwaspa contraypi hatarisqaykimantapas, pay tukuqkunatawan hatun tukuqkunata chawpikimanta chinkarachisqayrayku. Chaynapim sapaqchakusqay orqopiqa manaña haykapipas mastaqa contraypi hatarinkiñachu.

Lucas 4:25

Profeta Eliaspa punchawninkunapim kimsa wata parten mana para kasqanrayku hatun muchuy karqa. Chay watakunapi Israel nacionpi achkallaña viudakuna kachkaptinpas,

Deuteronomio 11:17

Chaynata ruwaptikichikqa Tayta Diosmi contraykichikpi piñakuspan manaña parachimunqachu, chakraykichikmantapas manañam cosechankichikñachu, Tayta Diospa qosunaykichik allin allpapipas chayllam wañurunkichik.

Deuteronomio 28:23

Cielokunamanta manaña paramuptinmi allpaykichikpas pasaypaqta taqrayarunqa.

1~Samuel 4:11

Diospa contrato ruwasqan Arcatapas filisteokunam qechururqaku, Eliypa churin Ofnitawan Fineestapas iskaynintam wañurachirqaku.

1~Samuel 4:3

Chaymi Israelpa tropankuna campamentoman kutiykuptinku ancianokuna nirqaku: ¿Imanasqataq Tayta Diosqa filisteokunawan vencerachiwanchik? Rispanchik Silo llaqtamanta aparamusunchik Diospa contrato ruwasqan Arcata, chaynapi chawpinchikta rispan enemigonchikkunamanta salvawananchikpaq, nispanku.