Levítico 26:17 - CHUYA QELLQA La Biblia en Quechua de Ayacucho 2012

¹⁷ Ñoqam contraykichikpi kasaq, hinaptinmi enemigoykichikpas vencesunkichik. Cheqnisuqnikichik runakunam munaychakusunkichik, mana pipa qatikachasqanmi ayqenkichikpas.

Quechua Ayacucho Bible 1987

¹⁷ Ñoqam contraykichikpi kasaq hinaptinmi enemigoykichikpas vencesunkichik. Cheqnisuqnikichik runakunam munaychakusunkichik, mana pipapas qatikachasqantaqmi ayqenkichik.

Chuya Qellqa 1992

¹⁷ Ñoqam contraykichikpi kasaq, hinaptinmi enemigoykichikpas vencesunkichik. Cheqnisuqnikichik runakunam munaychakusunkichik, mana pipa qatikachasqanmi ayqenkichikpas.

Levítico 26:17 Iomraidhean Croise

Génesis 4:12

Chakrata llamkaptikipas manam rurupusunkichu. Mana imayuqmi kay pachapi pakan-pakanlla purinki, nispa.

1~Reyes 8:33

Sichum Israel llaqtayki qampa contraykipi huchallikurusqanrayku enemigonkunawan vencerachikunqa, ichaqa qanman kutirikamuspa, sutikita yupaychaspa kay templopi qayakamusunki, hinaptinqa

2~Reyes 13:3

Chayraykum Israel nacionpa contranpi Tayta Dios anchallataña piñakuspan, Siria nacionpa reynin Hazaelman chaynataq churin Ben-adadman unay wata munaychakunanpaq qoykurqa.

2~Reyes 13:7

Siria nacionpa reynin chinkarachispan ñutu allpata hinaña ruwaruptinmi, rey Joacazpa soldadonkunamantaqa puchururqa caballopi sillakuqkunamanta pichqa chunka runakunawan guerrapaq chunka carretakuna hinaspa chakiwan riqkunamanta chunka waranqa soldadokunallaña.

Proverbios 28:1

Mana allin runaqa mana pipa qatisqallanmi ayqen, allin ruwaq runam ichaqa león hina hawka kawsakunqa.

Isaías 30:17

Chullalla runapa manchachisqanmi waranqa runakuna lluptinqaku; pichqa runakunapa manchachisqanñataqmi llapallaykichik ayqenkichik, orqopa puntanpi chullalla kaspi hina kanaykichikkama, moqopi sayarachisqa bandera hina kanaykichikkama.

Isaías 63:10

Paykunam ichaqa mana kasukuspanku Chuya Espiritunta llakichirqaku; chayraykum enemigonku hina rikurispa paykunapa contranpiña pelearqa.

Jeremías 19:7

Kay qechwapim Judá nacionpi runakunapa chaynataq Jerusalén llaqtayuq runakunapa rimanakusqankuta yanqachasaq. Enemigonkuman qoykuptiymi guerrapi wañunqaku, hinaptinmi ayankutapas alton pawaq animalkunawan purun animalkunaña mikunqaku.

Jeremías 44:11

Chayraykum Israelpa yupaychasqan Tukuy Atiyniyuq Tayta Dios kaynata nin: Qamkunapa contraykichikpi castigokunata kachaykamuspaymi Judá runakunata tukurusaq.

Lamentaciones 1:5

Enemigonkunam paykunapi munaychakuchkan, contranpi kaqkunam chaninchasqa kachkanku. Tayta Diosmi llumpay huchanmanta ñakarichichkan, wawankunam enemigonpa preso apasqan richkanku.

Lamentaciones 2:4

Señorqa enemigo hinam flechana armanta allinta hapiykurqa, enemigo hinam alleq makinta hoqarirqa, tukuy kuyayllapaq kaqkunatam chinkarachirqa, Sión llaqtamanmi piñakuyninta ninata hina kachaykamurqa.

Ezequiel 15:7

Paykunapa contranpim ñoqaqa sayarisaq, ninapa rupayninmantaña ayqeruptinkupas hina ninam paykunataqa kañanqa. Paykunapa contranpi hatariptiymi Tayta Dios kasqayta yachankichik.

Levítico 17:10

Israelpa mirayninkunamanta otaq qamkunawan yachaq huklaw llaqtayuqkunapas yawarta mikuruptinqa paypa contranpim kasaq, hinaspam llaqtamanta chinkarachisaq.

Deuteronomio 28:25

Tay-ta Diosmi enemigoykichikkunawan vencechisunkichik. Enemigoykichikpa contranpim huk ñanninta seqella lloqsinkichik, ichaqa qanchis ñannintam paykunamanta ayqenkichik. Llapa nacionkunapa munaychakunanñam kankichik.

Josué 7:4

Chaynapim kimsa waranqa soldadokunalla Hai llaqtata atacanankupaq rirqaku. Ichaqa Hai llaqtayuq soldadokunam venceramuspa qatiramurqaku.

Jueces 2:14

Chayraykum Israel castakunapa contranpi Tayta Dios piñakuruspan suwakunawan llapa imankuta suwachirqa. Muyuriqninkupi enemigonkunaman qoykuptinmi manaña ima ruwakuytapas atirqakuchu.

Jueces 3:14

Chaymi Moabpa reynin Eglonta Israelpa mirayninkuna chunka pusaqniyuq wata servirqaku.

Jueces 3:8

Chaymi Israel castakunapaq Tayta Dios piñakuspan Mesopotamiapa reynin Cusan-risataimmanña qoykurqa, chaynapim Israelpa mirayninkunaqa Cusan-risataimtaña pusaq wata servirqaku.

Jueces 6:2

Madianitakunam Israelpa mirayninkunata ñakarichirqaku, hinaptinmi Israelpa mirayninkunaqa orqokunapi machaykunapi, qaqakunapi pakakunanku uchkukunata ruwarqaku.

1~Samuel 12:15

Tayta Diospa rimarisqanta mana uyarispa kamachikuyninkunatapas mana kasukuptikichikmi ichaqa, ñawpaq taytaykichikta hina Tayta Dios castigasunkichik.

1~Samuel 31:1

Filistea tropakunam Israel tropa-kunawan pelearqaku, hinaptinmi Israel tropakuna ayqekuyta qallaykus-panku Gilboa orqopi achka-achka wañururqaku.

1~Samuel 4:10

Chaymi filisteokuna peleaspanku Israel runakunata vencerurqaku, hinaptinmi Israel tropakuna kayman chayman ayqekurqaku. Achka-achka runakuna chaypi wañuruptinmi, Israelpa kimsa chunka waranqa chakiwan puriq tropankuna wañururqaku.