Levítico 26:15 - CHUYA QELLQA La Biblia en Quechua de Ayacucho 2012

¹⁵ chaynataq yachachikuyniykunatapas, kamachikuyniykunatapas hinaspa kunasqaykunatapas wischupakuspa chaynataq mana ruwayman churaspa pacto ruwasqaytapas mana cumpliptikichikqa,

Quechua Ayacucho Bible 1987

¹⁵ chaynataq decretoykunatapas qepanchakuspa reglamentoykunatapas cheqniptikichikqa chaynataq kamachisqaykunatapas mana cumplinaykichikpaq contrato rurasqaytapas mana cumpliptikichikqa

Chuya Qellqa 1992

¹⁵ chaynataq yachachikuyniykunatapas, kamachikuyniykunatapas hinaspa kunasqaykunatapas wischupakuspa chaynataq mana ruwayman churaspa pacto ruwasqaytapas mana cumpliptikichikqa,

Levítico 26:15 Iomraidhean Croise

Génesis 17:14

Ima qaripas mana señalasqa kaspanqa qamkunamantam qarqosqa kanqa, pactoyta mana kasukusqanrayku, nispa.

2~Reyes 17:15

Paykunaqa Tayta Diospa yachachikuyninkunatapas, ñawpaq taytankuwan pacto ruwas-qantapas chaynataq kamachikuynintapas qepancharurqakum. Idolokunataña yupaychaspankum muyuriqninkupi nacionkuna hina mana imapaqpas valeqña rikurirurqaku. “Amam ruwankichikchu chay nacionkunapa ruwasqantaqa”, nispa Tayta Dios nichkaptinpas chaynataraqmi ruwarqaku.

2~Crónicas 36:16

Paykunam ichaqa Diospa kachasqan runakunamanta asikurqaku, profetakunapa willakusqankutapas mana uyariq tukuspankum burlakurqaku. Chayraykum runankunapa contranpi Tayta Dios piñakururqa manaña ima ruwaytapas atinankukama.

Éxodo 19:5

Sichum nisqayta kasukuspa pacto ruwasqaytapas cumplispaykichikqa, qamkunam kankichik wakin runakunamanta akllakusqay runaykuna. Kay pachaqa ñoqapam.

Éxodo 24:7

Chaymantam Diospa pacto ruwasqan librota hapiykuspan runakuna uyarinanpaq leerqa, chaymi paykunañataq nirqaku: Tayta Diospa tukuy nisqanta kasukuspam ruwasaqku, nispanku.

Proverbios 1:30

rimapayasqaykunata mana uyarispa, yachachikuyniykunata wischupakusqaykichikraykum,

Proverbios 1:7

Yachaypa qallariyninqa Tayta Diosta kasukuymi; mana yachayniyuq runaqa yachaytawan yachachikuytam wischupakun.

Proverbios 5:12

yanqañataq ñakakuspa niwaq: “Imapaqraq rimapayawasqankuta qepancharqani, imapaqraq anyawasqankuta wischupakurqani,

Isaías 24:5

Kay pachatam llapa runa millakuypaqta ruwarunku, kamachikuykunata mana kasukuspanku, allin ruwayta saqeruspanku, wiña-wiñaypaq pacto ruwasqankuta saqeruspanku.

Jeremías 11:10

Ñawpaq taytankupa mana allin ruwasqankumanmi qokurunku. Paykunaqa nisqaykunata mana kasukuspankum idolokunataña yupaycharqaku. Israel runakunawan Judá nacionpi runakunam, ñawpaq taytankuwan pacto ruwasqayta yanqacharunku.

Jeremías 31:32

Ichaqa manam Egipto nacionmanta hurqomuspay taytankuwan pacto ruwasqayta hinachu; paykunaqa chay pactotam yanqacharurqaku, qosanku hina kachkaptiypas manam kasukurqakuchu.

Jeremías 6:19

Allpa pacha, qampas uyariy: Tukuy mana allinkunata piensasqankumantam runaykunaman ñakariyta kachamusaq. Paykunaqa manam rimapayasqaytapas kasukurqakuchu, kamachikuyniykunatapas wischupakurqakum.

Ezequiel 16:59

Ñoqa Tayta Diosmi kaynata nini: Juramentowan pacto ruwasqanchikta mana kasukusqaykimantam merecesqaykiman hina castigasqayki.

Levítico 26:11

Qamkunawan yachaspaymi manaña qepanchasqaykichikñachu.

Levítico 26:43

Allpankuqa paykunapa saqesqan kaspanmi purmaspan chayraq samay-kunqa. Paykunaqa mana allin ruwasqankumantam paganqaku, paykunaqa kamachikuyniykunatapas qepanchaspankum yachachikuyniykunatapas wischupakurqaku.

Levítico 26:9

Ñoqam yanapasqaykichik hinaspam achka-achkallaña kanaykichikkama mirachisqaykichik, chaynapim qamkunawan pacto ruwasqayta cumplisaq.

Malaquías 2:2

Qamkunam kasukuspa cheqaptapuni tukuy sonqowan yupaychawanaykichik. Mana kasukuspaqa ñakasqam kankichik. Cheqaptapuni mana yupaychawaptikichikqa, sacerdote kasqaykichikrayku bendecisqa kasqaykichiktapas ñakaymanmi tikrarusaq. Tukuy Atiyniyuq Tayta Diosmi chaynata nin.

Números 15:31

Yachachikuyniykunata mana kaqpaq hapispan kamachikuyniytapas mana kasukusqanraykum chayna runaqa huchanmanta chinkachisqa kanqa, nispa.

Hechos 13:41

“Diospa nisqanmanta asikuqkuna, uyariychik, admirakuspa chinkaychik. Mana creenaykichikpaq kaqkunatam kay punchawkunapi ruwasaq, pipas chaykunamanta willasuptikichikqa manam creewaqchikchu”, nispa.

Romanos 8:7

Aychaman hina kawsaqkunaqa Diospa enemigonkunam, paykunaqa manam Diospa leynin kasukuyta munankuchu, nitaqmi ruwaytapas atinkuchu.

Deuteronomio 31:16

Hinaptinmi Moisesta Tayta Dios nirqa: Qamqa wañukunkiñam, ichaqa kay runakunam maymi risqanku allpapi, hukwan tupakuruq casada warmi hina mana reqsisqanku dioskunata qatinqaku. Saqeruwaspankum paykunawan ruwasqay pactotapas yanqacharunqaku.

1~Tesalonicenses 4:8

Chaynaqa, kay yachachisqayta wischupakuqqa, manam runatachu wischupakun aswanqa Chuya Espíritu qosuqnikichik Diostam.

Hebreos 8:9

Ichaqa manam ñawpaq taytaykichikkunawan pacto ruwasqayta hinachu ruwasaq. Paykunatam Egipto nacionmanta, makinkumanta aysamuchkaq hina hurqomurqani. Paykuna mana kasukuptinmi ñoqatapas manaña imapas qokuwarqachu. Señormi chaynata nin.

1~Samuel 12:15

Tayta Diospa rimarisqanta mana uyarispa kamachikuyninkunatapas mana kasukuptikichikmi ichaqa, ñawpaq taytaykichikta hina Tayta Dios castigasunkichik.