Levítico 26:12 - CHUYA QELLQA La Biblia en Quechua de Ayacucho 2012

¹² Qamkunapa chawpikichikpi purispaymi Diosnikichik kasaq, qamkunañataqmi runaykuna kankichik.

Quechua Ayacucho Bible 1987

¹² Qamkunapa chawpikichikpi purispaymi Diosnikichik kasaq, qamkunañataqmi kankichik ñoqapa runaykuna.

Chuya Qellqa 1992

¹² Qamkunapa chawpikichikpi purispaymi Diosnikichik kasaq, qamkunañataqmi runaykuna kankichik.

Levítico 26:12 Iomraidhean Croise

Génesis 17:7

Pactotam qanwan ruwani chaynataq miraynikikunawanpas, qampa chaynallataq miraynikikunapaqpas wiña-wiñaypaq Diosnikichik kanaypaq.

Génesis 17:8

Kay yachasqayki Canaán llapallan allpatam qanman, chaynallataq miraynikikunamanpas wiñaypaq qosqayki, hinaspam Diosnikichik kasaq, nispa.

Génesis 3:8

Tardeykuyta wayrariykamuptinmi Tayta Diospa purisqanta huertapi uyarirurqaku, chaymi Adanwan Evaqa Diosmanta pakakururqaku huertapi sachakunapa ukunpi.

Génesis 5:22

Matusalenpa nacesqanmantam Enoc kimsa pachak watataraq kawsarqa. Payqa Diospa munasqanman hinam kawsarqa. Chay watakunapim qarikunata warmikunata churyarqa.

Génesis 5:24

Diospa munasqanman hina kawsasqanraykum Dios pusakuptin chinkarurqa.

Génesis 6:9

Kaymi Noeypa vidanmanta willakuy. Noeyqa karqa runamasinkunamantapas allin ruwaq runam, payqa mana faltayuq kaspam Diospa munasqanman hina kawsarqa.

2~Samuel 7:7

Llapa Israelpa mirayninkunawan tukuy tiempo purichkaspaypas, manam llaqtayta kamachinankupaq churasqay juezkunataqa mayqantapas nirqanichu cedromanta templota ruwapuwaychik nispaqa.

Éxodo 29:45

Hinaspam Israelpa mirayninkunapa chawpinpi yachaspay Diosninku kasaq.

Éxodo 29:46

Chaynapim ñoqa Tayta Dios, Diosninku kasqayta yachanqaku. Chawpinkupi yachanaypaqmi Egipto nacionmanta paykunata hurqomurqani. Ñoqa Tayta Diosmi, Diosninku kani.

Éxodo 3:6

Diosqa nirqataqmi: Ñoqam kani ñawpaq taytaykichik Abrahampa, Isaacpa hinaspa Jacobpa Diosnin, nispa. Chaymi Diosta qawaykuyta manchakuspan uyanta Moisés tapakuykurqa.

Éxodo 6:7

Llaqtaypaqña hapiykuspaymi Diosnikichik kasaq, qamkunañataqmi Egipto nacionpi sasa llamkaykunapi ñakarisqaykichikmanta hurqoqnikichik Tayta Dios kasqayta yachankichik.

Isaías 12:2

Diosnilláy, qanmi kanki salvaqniyqa, qamllapim hapipakusaq, ñoqallayqa manañam manchakusaqchu, amparoypas takiypas qamllam kanki, qamllam salvaqniyqa kanki, nispa.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Jeremías 11:4

Chay pactotam ñawpaq taytaykichikkunawan ruwarqani, metal chulluchina hornomanta hurqomuchkaq hina Egipto nacionmanta paykunata hurqomuspay, hinaspaymi kaynata nirqani: Tukuy nisqaykunata kasukuspaykichikqa chaynataq llapallan kamachisqaykunata ruwaspaykichikqa, runaykunam kankichik, ñoqañataqmi Diosnikichik kasaq.

Jeremías 30:22

Qamkunam llaqtayña kankichik, ñoqañataqmi Diosnikichik kasaq, ñoqa Tayta Diosmi chaynata nini.

Jeremías 31:33

Israelpa mirayninkunawan chay punchawkunapi pacto ruwasqayqa kaynam kanqa: Kamachikuyniytam sonqonkupi churasaq, yuyayninkupim qellqasaq. Ñoqam Diosninku kasaq, paykunañataqmi llaqtay kanqaku. Ñoqa tayta Diosmi chaynata nini.

Jeremías 32:38

Paykunam llaqtay kanqaku, ñoqañataqmi Diosninku kasaq.

Jeremías 7:23

Paykunataqa kaynatam nirqani: Nisqaykunata kasu-kuptikichikqa ñoqam Diosnikichik ka-saq qamkunañataqmi llaqtay kanki-chik, nisqaykunaman hinayá kawsaychik, chaynapi ima ruwasqaykichikpas allin kananpaq.

Ezequiel 11:20

Hinaptinmi kamachikuyniykunaman hina decretoykunaman hina kawsaspanku ruwayman churanqaku. Paykunam llaqtay kanqa, ñoqañataqmi Diosninku kasaq.

Ezequiel 36:38

Imaynam fiesta punchawkunapi sacrificanankupaq nana-nanaq ovejakuna pusasqanku Jerusalén llaqtapi tarikun, chaynam purmasqa llaqtakunapas nana-nanaq runakunapa huntaykusqan kanqaku. Chaynapim Tayta Dios kasqayta yachanqaku.

Joel 2:27

Chaynapim yachankichik Israel nacionpa chawpinpi kasqayta, ñoqallam Diosnikichikqa kani, ñoqamanta hukqa manam pipas kanchu. Manañam haykapipas penqaypiqa kankichikñachu.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Números 5:3

Qaritapas warmitapas millakuypaq kaqkunataqa campamentomanta qarqoychik, chaynapi ñoqapa yachanay campamento mana qachachasqa kananpaq, nispa.

Mateo 22:32

“Ñoqaqa kani Abrahampa, Isaacpa hinaspa Jacobpa Diosninmi” nisqanta? Diosqa manam wañusqakunapa Diosninchu, aswanqa kawsaqkunapa Diosninmi, nispa.

2~Corintios 6:16

Diospa templonwan idolokunapa templonqa manam kaqkamallaqa kanmanchu. Ñoqanchikqa kawsaq Diospa templonmi kanchik, kikin Diosmi nirqa: “Paykuna ukupim yachasaq, paykuna ukupim purisaq, paykunapa Diosninmi kasaq, paykunañataqmi llaqtay kanqaku”, nispa.

Deuteronomio 23:14

Señornikichik Tayta Diosmi campamentoykichikpi purichkan, waqaychasuspaykichik enemigoykichikta vencechisunaykichikpaq, chayraykum campamentoykichikqa chuyanchasqa kanan, mana chayqa Diosmi qamkuna ukupi ima qachatapas rikuspan qamkunamanta asurikunman.

Deuteronomio 23:15

Patronninmanta ayqekamuspan amparakamusuqniki esclavotaqa amam patronninmanqa kutichinkichu.

Hebreos 11:16

Paykunaqa hanaq pachapi kaq allin llaqtatam anchallataña munarqaku, chayraykum Diospas paykunapa Diosnin kayta mana penqakunchu, paykunapaqmi huk llaqtata ruwarqa.

Apocalipsis 2:1

Éfeso llaqtapi iglesiapa angelninman kaynata qellqay: Qanchis chaskakunata alleq makinpi hapiqmi hinaspa qorimanta qanchis candelabrokunapa chawpinpi puriqmi kaynata nin:

Apocalipsis 21:7

Pipas venceqqa tukuy kaykunatam herenciapaq chaskinqa, ñoqam Diosnin kasaq, payñataqmi churiy kanqa.