Levítico 25:50 - CHUYA QELLQA La Biblia en Quechua de Ayacucho 2012

⁵⁰ Haykatam pagapunanpaqmi dueñonwan tanteanakunqa kikinta rantikurusqan watamanta qallarispa jubileo watakama. Watan-watan sapa punchaw llamkasqanpa pagonman hinam hayka paganantapas tanteanakunqaku, chayta pagaykuspan lloqsikunqa.

Quechua Ayacucho Bible 1987

⁵⁰ Haykatam pagapunanpaqmi rantiqnin runawan tanteanakunqa kikinta *f**rantikurusqan watamanta qallarispan Jubileo Watakama. Haykam pagananqa kanqa hayka watañam servisqan watakunaman hinam. Jubileo Wataman chayananpaq faltaqraq watakunamantam paganqa llamkapakuqpa sapa punchaw ganasqanta hina.

Chuya Qellqa 1992

⁵⁰ Haykatam pagapunanpaqmi dueñonwan tanteanakunqa kikinta rantikurusqan watamanta qallarispa jubileo watakama. Watan-watan sapa punchaw llamkasqanpa pagonman hinam hayka paganantapas tanteanakunqaku, chayta pagaykuspan lloqsikunqa.

Levítico 25:50 Iomraidhean Croise

Jobwan Sutichasqa Libro 14:6

Ñawikita paymanta asurichiy, hawkallata saqeykuy; llamkapakuq hina llamkayninta tukuruspan pagonwan kusikunantayá saqeykuy.

Isaías 16:14

Kunanñataqmi Tayta Dios kaynata nin: Kimsa watamantam, llamkapakuq runapa yupasqan watamanta hina, Moab nacionpa hatun kayninqa tuñichisqa kanqa, nana-nanaq runayuq kaspapas penqayman churasqam kanqa. Chaymanta puchuqkunapas mana atiyniyuq pisi runakunallam kanqaku, nispa.

Isaías 21:16

Señormi kaynata niwarqa: Kaymanta huk watamanmi, imaynam llamkapakuqpa contrato ruwasqan punchaw tukurun, chaynam Cedar castapa ancha reqsisqa kayninpas tukurunqa.

Levítico 25:28

Sichum chay chakranta kutichikunanpaq qollqeta mana tariptinqa chay chakraqa rantiqpa makinpim jubileo wata chayamunankama qepanqa. Chay watapiñam chay chakraqa punta dueñonpa makinman kutinqa.

Levítico 25:40

Llamkapakuqwan otaq samapakuqwan hinallam paywanqa servichikunki, jubileo watakamallam payqa servisunki.

Levítico 25:49

tion kaspapas, primonpas otaq hukkaqnin ayllunpas; qollqen kaptinqa kikillanpas reclamakunmanmi.

Levítico 25:51

Sichum achka watakunaraq jubileo watapi libre kananpaq faltaptinqa chayman hinam rantiqnin runaman qollqenta kutichipunqa.

Levítico 25:53

Chay criadotaqa watan-watan llamkapakuqta hinallam llamkachinqa. Amam saqenkichikchu rantiqnin ñakarichinantaqa.

Deuteronomio 15:18

Criado-ykichikta libre kachaykuytaqa amam llakikunkichikchu. Llamkapakuqpa parte pagollanpaqmi payqa soqta watantin servisurqankichik. Chaynapim Señornikichik Tayta Diospas tukuy ruwasqaykichikpi bendecisunkichik.