Levítico 25:36 - CHUYA QELLQA La Biblia en Quechua de Ayacucho 2012

³⁶ Chay wakcha runamanqa amam imatapas mirayniyuqpaqqa qonkichu, aswanqa ñoqa Diosnikitam respetawanki. Chay aylluykiqa wasikipim yachanqa.

Quechua Ayacucho Bible 1987

³⁶ Chay wakcha runamantaqa amam ima interestapas chaskinkichu aswanqa ñoqa Diosnikitam respetawanki. Chay castamasikiqa wasikipimá yachanqa.

Chuya Qellqa 1992

³⁶ Chay wakcha runamanqa amam imatapas mirayniyuqpaqqa qonkichu, aswanqa ñoqa Diosnikitam respetawanki. Chay aylluykiqa wasikipim yachanqa.

Levítico 25:36 Iomraidhean Croise

Nehemías 5:15

Ñoqamanta punta kaq gobernadorkunam ichaqa, mana allin kamachikuqkuna kaspanku, mikunankupaqwan vino tomanankupaq sapa punchaw yaqa parte kilo qollqeta cobrarqaku; paykunapa yanapaqninkunapas llaqtatam ñakarichirqaku. Ñoqam ichaqa Diosta manchakusqayrayku mana chaynatachu ruwarqani.

Nehemías 5:3

Wakinmi nirqaku: Yarqawaptinkum trigota rantinaykupaq chakraykuta, uvas chakraykuta chaynataq wasiykutapas prendakuruniku, nispanku.

Éxodo 22:24

Chaynata ruwaptikichikqa sinchita piñakuspaymi guerrawan wañuchisqaykichik, warmikichikñataqmi viuda kanqa, churikichikkunapas mana taytayuqmi qepanqaku.

Éxodo 22:25

Sichum qanwan yachaq wakcha runaman qollqeta prestaspaykiqa, mana mirayniyuqllapaqmi prestanki, amataqmi wakin runa hinaqa miraynintapas mañankichu.

Proverbios 28:8

Qollqeta achka mirayniyuqpaq prestaspa qori-qollqeta huñuq runaqa, wakchakunata llakipayaq runapaqmi huñun.

Isaías 24:2

Runakunatawan sacerdotekunatapas, criadontawan patronnintapas, criadantawan patronantapas, rantiqnintawan rantikuqtapas, prestakuqtawan prestaqnintapas, lliwtam cheqechinqa.

Jeremías 15:10

¡Ay mamalláy! ¿Imapaqtaq wachakuwarqanki llapallan runakunawan piñanakuspay atipanakunaypaq? Manam pimanpas qollqetaqa prestarqanichu nitaqmi ñoqapas prestakurqanichu, chaywanpas llapallankum ñakawanku.

Ezequiel 18:13

qollqetapas mirayniyuqllapaq prestaq, qollqe prestasqanpa mirayninta mañaq, chayna runaqa manam kawsanqachu. Tukuy chay millakusqay kaqkuna ruwasqanmantaqa wañunqapunim, wañusqanmantaqa kikinmi huchayuq kanqa.

Ezequiel 18:17

mana allin ruwaymanta sapaqchakunqa, qollqetapas mana mirayniyuqllapaq prestanqa, prestaspapas mana mirayninta mañanqachu, kamachikuyniykunaman hina ruwanqa, decretoykunata kasukunqa, chay runaqa manam taytanpa huchanmantaqa wañunqachu, cheqaptapunim kawsakunqa.

Ezequiel 18:8

Mana mirayniyuqllapaqmi qollqetapas prestan, qollqepa miraynintapas manam mañanchu, manam payqa pitapas imananchu; runakuna quejanakuptinpas, mana mayqanmanpas sayapakuspam allin arreglota ruwan.

Ezequiel 22:12

Runamasinkuta wañuchinankupaqmi qollqeta chaskikunku. Qollqetapas mirayniyuqllapaqmi prestanku; runamasinkutam ñakarichinku; tukuy chaykunata ruwaspankum qonqaruwanku. Ñoqa Tayta Diosmi chaynata nini.

Levítico 25:17

Amam runamasikitaqa engañankichu, aswanqa Diosnikichiktam kasukunkichik. Ñoqa Tayta Diosmi Diosnikichik kani.

Levítico 25:37

Mikuytapas, qollqekitapas, amam mirayniyuqpaqqa qonkichu.