Levítico 25:28 - CHUYA QELLQA La Biblia en Quechua de Ayacucho 2012

²⁸ Sichum chay chakranta kutichikunanpaq qollqeta mana tariptinqa chay chakraqa rantiqpa makinpim jubileo wata chayamunankama qepanqa. Chay watapiñam chay chakraqa punta dueñonpa makinman kutinqa.

Quechua Ayacucho Bible 1987

²⁸ Aswanqa chay chakranta kutichikunanpaq qollqeta mana tariptinqa chay chakram quedanqa rantiqninpa makinpi, chaynaqa kanqa Jubileo Wata chayamunankamam. Chay watapiñam chay chakraqa kacharisqa kanqa ñawpaq kaq dueñonman kutinanpaq.

Chuya Qellqa 1992

²⁸ Sichum chay chakranta kutichikunanpaq qollqeta mana tariptinqa chay chakraqa rantiqpa makinpim jubileo wata chayamunankama qepanqa. Chay watapiñam chay chakraqa punta dueñonpa makinman kutinqa.

Levítico 25:28 Iomraidhean Croise

Jeremías 32:15

Israelpa yupaychasqan Tukuy Atiyniyuq Tayta Diosmi kaynata nin: Kay nacionpiqa yapatawanmi wasikunata, chakrakunata chaynataq uvas huertakunatapas rantinqaku, nispa.

Levítico 25:10

Pichqa chunka kaq watatam ñoqapaq sapaqchankichik. Chay wataqa nacionpi yachaq llapallan preso kaqkunatawan esclavo kaqkunata libre kacharina watam kanqa. Chay wataqa jubileo watam kanqa. Chay watapiqa sapakamam chakraykichikman chaynataq aylluykichikkunamanpas kutikunkichik.

Levítico 25:13

Chay jubileo watapiqa sapakamam musoqmanta chakraykichikta kutichikunkichik.

Levítico 25:29

Sichum pipas murallasqa llaqta ukupi wasita rantikurunqa hinaptinqa huk watapunim plazo kanqa dueñon kutichikunanpaq, wata pasaruptinqa manañam kutichikunmanñachu.

Levítico 25:30

Sichum huk watapi mana kutichikuptinqa, chay wasiqa rantiqninpa chaynataq mirayninkunapa makinpiñam wiñaypaq qepanqa, jubileo watapipas manam kutichikunmanñachu.

Levítico 25:41

Chay watapim churinkunapiwan libre lloqsispan, ayllunkunapa kasqanman chaynataq ñawpaq taytankunapa allpanman kutikunqa.

Levítico 27:24

Chay chakraqa jubileo watapiñam rantikuqnin runaman otaq chay herenciayuq runaman kutiykunqa.