Levítico 25:17 - CHUYA QELLQA La Biblia en Quechua de Ayacucho 2012

¹⁷ Amam runamasikitaqa engañankichu, aswanqa Diosnikichiktam kasukunkichik. Ñoqa Tayta Diosmi Diosnikichik kani.

Quechua Ayacucho Bible 1987

¹⁷ —Amam runamasikitaqa engañankichu aswanqa Diosnikichiktam respetawankichik. Ñoqaqa yupaychasqaykichik Tayta Diosmi kani.

Chuya Qellqa 1992

¹⁷ Amam runamasikitaqa engañankichu, aswanqa Diosnikichiktam kasukunkichik. Ñoqa Tayta Diosmi Diosnikichik kani.

Levítico 25:17 Iomraidhean Croise

Génesis 20:11

Hinaptinmi Abraham nirqa: Arí kaytam piensarqani: “Kaypiqa manam Diosta manchakunkuchu, hinaspachá warmiyrayku wañurachiwanqaku” nispay.

Génesis 22:12

Angelñataqmi nirqa: Ama imanaychu chay warmata, ñam yachaniña Dios manchakusqaykita, kuyasqayki sapallan churiki kachkaptinpas manam negakurqankichu Diospaq ofreceyta, nispa.

Génesis 39:9

Kay wasipiqa ñoqamanta aswan munayniyuqqa manam pipas kanchu. Wasinpi tukuy iman kaqkunatam nanachikunaypaq saqeykuwan, qamllatañam manaqa saqewarqachu warmin kasqaykirayku. ¿Imaynataq kay mana allinta ruwaspay Diospa contranpi huchallikuyman? nispa.

Génesis 42:18

Kimsa punchawmantam paykunata José nirqa: Ñoqaqa Diostam kasukuni, kawsakuyta munaspaqa kaynata ruwaychik:

2~Crónicas 19:7

Chaynaqa, Tayta Diosta kasukuspaykichikyá allinta ruwaychik, Tayta Diosqa manam munanchu mana allin ruwaq kanaykichiktaqa, nitaq pimanpas sayapakuspa soborno chaskinaykichiktapas, nispa.

Nehemías 5:15

Ñoqamanta punta kaq gobernadorkunam ichaqa, mana allin kamachikuqkuna kaspanku, mikunankupaqwan vino tomanankupaq sapa punchaw yaqa parte kilo qollqeta cobrarqaku; paykunapa yanapaqninkunapas llaqtatam ñakarichirqaku. Ñoqam ichaqa Diosta manchakusqayrayku mana chaynatachu ruwarqani.

Nehemías 5:9

kaynata nirqani: Manam allinchu chay ruwasqaykichikqa. Qamkunaqa Diosninchiktayá respetaychik, chaynapi enemigonchik nacionkuna ama burlakuwananchikpaq.

Éxodo 20:20

Chaymi Moisés nirqa: Ama manchakuychikchu. Diosqa pruebasunaykichikpaqmi hamurqa, chaynapi payta respetaspaykichik mana huchallikunaykichikpaq, nispa.

Proverbios 1:7

Yachaypa qallariyninqa Tayta Diosta kasukuymi; mana yachayniyuq runaqa yachaytawan yachachikuytam wischupakun.

Proverbios 14:31

Wakchata ñakarichiq runaqa unanchaqninpa contranpim hatarichkan, wakchata llakipayaq runam ichaqa unanchaqninta hatunchan.

Proverbios 16:6

Kuyakuywan hinaspa cheqap kaqwanmi huchataqa pampachana, runaqa Tayta Diosta kasukuspallam mana allinmanta sapaqchakunqa.

Proverbios 22:22

Wakchataqa wakcha kasqanraykuyá ama imantapas qechuychu, mana piniyuq runatapas amayá juezpa qayllanpiqa ñakarichiychu.

Isaías 3:14

Tayta Diosmi llaqtanpi ancianokunawan chaynataq kamachikuqkunawan juicioman yaykuspan ninqa: Qamkunaqa llaqtaytam chaqorunkichik, wakchakunamanta suwakusqaykichiktam wasikichikpiraq pakarunkichik.

Jeremías 22:16

Payqa wakchakunatawan ñakarichisqakunatam valechirqa, chayraykum ima ruwasqanpas allin lloqsirqa. Payqa sumaqtam reqsiwarqa, ñoqa Tayta Diosmi chaynata nini.

Levítico 19:13

Runamasikitaqa amam ñakarichinkichu, amataqmi imallantapas suwakunkichu. Llamkapusuqnikipa pagontaqa chayllam qoykapunki, paqarinnintinkamaqa amam hatallikunkichu.

Levítico 19:14

Mana uyarikuqkunataqa amam ñakankichu, ñawsapa purinanmanpas amataqmi trancata churankichu, aswanqa Diosnikitam kasukunki. Ñoqaqa Tayta Diosmi kani.

Levítico 19:32

Yuyaqkunapa qayllanpiqa sayarispam paykunata respetankichik, Diosnikitapas kasukunkitaqmi. Ñoqaqa Tayta Diosmi kani.

Levítico 25:14

Pipas chakranta rantikuspaqa otaq rantispanqa amam runamasinta engañanqachu.

Levítico 25:36

Chay wakcha runamanqa amam imatapas mirayniyuqpaqqa qonkichu, aswanqa ñoqa Diosnikitam respetawanki. Chay aylluykiqa wasikipim yachanqa.

Levítico 25:43

Ama ñakarichispallam paykunawanqa servichikunki. Ñoqa Diosnikitam kasuwanki.

Malaquías 3:5

Tukuy Atiyniyuq Tayta Diosmi kaynata nin: Ñoqam qamkunata juzganaypaq hamu-saq. Kikiypunim testigo kasaq layqakunapa contranpi, waqllikuqkunapa contranpi, yanqamanta juraqkunapa contranpi, llamkaqkunapa pagon hapikuqkunapa contranpi, viudakunapa, wakchakunapa hinaspa huklaw llaqtayuqkunata ñakarichiqkunapa contranpi, chaynallataq mana kasuwaqniy runakunapa contranpipas, nispa.

Lucas 12:5

Kunanmi yachachisqaykichik pitam manchakunaykichikta: Manchakuychikqa wañurachispa infiernoman wischuykunanpaq atiyniyuq kaqtayá. Arí, paytam manchakunaykichikqa.

Hechos 10:2

Cornelioqa wasinpi llapallan kaqkunapiwanmi Diosta kasukuspa serviqku, wakcha judiokunatapas achka qollqewanmi yanapaq, hinaspanmi Diosta tukuy tiempo mañakuq.

Hechos 10:35

payqa may nacionmanta kaptinpas chaskinmi kasukuspa allin ruwaq runakunataqa.

Hechos 9:31

Chaymi tukuy Judea lawpi, Galilea lawpi hinaspa Samaria lawpi iñiqkuna hawkaña karqaku. Iñiyninkupim wiñaqku hinaspam Señorta manchakuspanku kawsaqku, Chuya Espiritupa kallpanchasqan kaspankum aswan-aswan miraqku.

Romanos 11:20

Arí, mana iñisqankuraykum kuchusqa karqaku, qamñataqmi ichaqa iñisqaykirayku paypa rantinpi allinta sayachkanki. Chaynaqa, Diospa qayllanpiqa ama hatun tukuychikchu aswanqa manchakuqyá kaychik.

Romanos 3:18

Dios manchakuytapas manam yachankuchu, nispa.

Deuteronomio 25:18

paykunaqa Tayta Diostapas mana manchakuspankum qepaykichik hamuq pisipasqakunata chaynataq hukmanyasqakunata hayparamuspanku wañuchirqaku.

1~Tesalonicenses 4:6

Chaynaqa, amayá pipas runamasintaqa kamichunchu nitaq engañachunchu, Señorqa tukuy chaykunataqa vengakunqam. Ñam chaykunamantaqa willarqaykikuña.

1~Samuel 12:24

Kayllatam nikichik: Tayta Diosllata cheqaptapuni tukuy sonqowan serviychik. Amayá qonqaruychikchu qamkunapaq imapas tukuy allinkuna ruwasqantaqa.