Levítico 25:14 - CHUYA QELLQA La Biblia en Quechua de Ayacucho 2012

¹⁴ Pipas chakranta rantikuspaqa otaq rantispanqa amam runamasinta engañanqachu.

Quechua Ayacucho Bible 1987

¹⁴ Pipas chakranta rantikuspaqa otaq rantispanqa amam engañanqachu runamasinta.

Chuya Qellqa 1992

¹⁴ Pipas chakranta rantikuspaqa otaq rantispanqa amam runamasinta engañanqachu.

Levítico 25:14 Iomraidhean Croise

2~Crónicas 16:10

Chayta uyariykuspanmi rey Asaqa llumpayta piñakuruspan profeta Hana-nita carcelarachirqa, payqa chay willa-kusqanwanmi llumpayta piñakururqa. Chay tiempokunapim rey Asa wakin runakunatapas llumpayta ñakarichirqa.

Proverbios 14:31

Wakchata ñakarichiq runaqa unanchaqninpa contranpim hatarichkan, wakchata llakipayaq runam ichaqa unanchaqninta hatunchan.

Proverbios 21:13

Wakchakunapa qayakuyninta mana uyariq runaqa, yanapakuyta mañakuspapas manam uyarisqachu kanqa.

Proverbios 22:16

Apuyananrayku wakchata ñakarichiq runaqa, otaq apuman qoykuq runaqa, wakchayaypim tukunqa.

Proverbios 28:16

Mana yachayniyuq runa kamachikuspanqa ñakariyllatam mirachin, apuyaruyllata cheqniqmi ichaqa unay watakunata kawsakunqa.

Proverbios 28:3

Wakchamasinta suwakuq runaqa kawsayta tukuruq loco para hinam.

Proverbios 28:8

Qollqeta achka mirayniyuqpaq prestaspa qori-qollqeta huñuq runaqa, wakchakunata llakipayaq runapaqmi huñun.

Eclesiastés 5:8

Hukkaqnin llaqtapi wakchakuna ñakarichisqa kasqanta chaynataq allin arreglo ruwaywan allin kawsakuy sarutyasqa kasqanta rikuspaykiqa amayá admirakuychu. Chaykunaqa pasakun huk kamachikuqpa mana allin ruwayninta paymanta más atiyniyuq kaqraq pakaptinmi, chaynallataq kay iskaynintapas aswan más atiyniyuqraq pakaptinmi.

Isaías 1:17

Allinkuna ruwayta yachaychik, ñakarichisqakunapaq allin arreglota ruwaychik, mana tayta-mamayuqtawan viudakunata nanachikuychik, nispa.

Isaías 33:15

Isaiasñataqmi nirqa: Allinkunata ruwaspa cheqap rimaqmi, engañowan qollqe ganayta mana munaqmi, sobornota mana chaskikuy munaqmi, runa wañuchiqkunapa consejasqanta mana uyariqmi, mana allinkunata mana qawaq munaqmi,

Isaías 5:7

Tukuy Atiyniyuq Tayta Diospa kuyayllapaq uvas huertanqa Israel runakunawan Judá nacionpi yachaqkunam. Payqa kamachikuynin kasukunankutam munarqa, aswanqa wañuchinakuyllatam tarirun. Paykunataqa allinkuna ruwanankutam munarqa, ichaqa ñakariqkunapa qapariyllantam uyarirun.

Isaías 58:6

Kaynam agradoypaq ayunoqa: Mana allinkunapa cadenasqankunata kachariymi, yugopa watunta paskachkaq hina runapa ñakariyninta paskaymi, yugota pakichkaq hina ñakariq runakunata kachaykuymi,

Jeremías 22:17

Qanmi ichaqa mana allinkunata ruwaspa apuyaruyllapi richkanki; inocente runakunatam wañuchinki, llaqtaykitapas maqa-maqarispam llamkachikunki.

Ezequiel 22:7

Jerusalén llaqta, runaykikunaqa taytankutawan mamankutapas mana kaqpaqmi hapinku, huklaw llaqtayuqkunatawan mana tayta-mamayuqkunata hinaspa viudakunatapas ñakarichinkum.

Levítico 19:13

Runamasikitaqa amam ñakarichinkichu, amataqmi imallantapas suwakunkichu. Llamkapusuqnikipa pagontaqa chayllam qoykapunki, paqarinnintinkamaqa amam hatallikunkichu.

Levítico 25:15

Chay chakra rantiq runaqa jubileo watamanta yupaspam paganqa, chaynataqmi rantikuqninpas precionta mañanqa haykataraqmi cosecha qespinanta yupaykuspan.

Levítico 25:17

Amam runamasikitaqa engañankichu, aswanqa Diosnikichiktam kasukunkichik. Ñoqa Tayta Diosmi Diosnikichik kani.

Miqueas 7:3

Mana allin ruwaymanmi amañarunku, kamachikuqkunapas pagotam mañakunku, juezkunapas sobornotam chaskikunku, atiyniyuqkuna munasqanta rimaptinkum “allinmi” nispa sayapakunku.

Lucas 3:14

Soldadokunapas tapukuspankum nirqaku: ¿Imatataq ñoqaykuqa ruwasaqku? nispanku. Juanñataqmi nirqa: Amayá pitapas manchachispaqa nitaq yanqamanta tumpaspaqa imantapas qechuychikchu. Pagoykichikwanyá contentakuychik, nispa.

1~Corintios 6:8

Qamkunaraqmi iñiqmasikichiktaqa mana allinkunata ruwaspa engañankichik.

Jueces 4:3

Chaymi Israelpa mirayninkuna qaparispa Tayta Diosta mañakurqaku. Jabinpam isqon pachak fierromanta guerrapaq carretankuna karqa. Iskay chunka watam Israelpa mirayninkunata llumpayta ñakarichirqa.