Levítico 23:3 - CHUYA QELLQA La Biblia en Quechua de Ayacucho 2012

³ Soqta punchaw llamkaspam qanchis kaq punchawpiñataq samaspaykichik ñoqallapaqña huñunakunkichik, amam chay punchawpiqa llamkankichikchu, chay punchawqa ñoqa Tayta Diospaq samana punchawmi kanqa maypiña yachaptikichikpas.

Quechua Ayacucho Bible 1987

³ —Soqta punchaw llamkaspam qanchis kaq punchawpiqa samankichik, chay punchawpiqa ñoqallapaqñam huñunakunkichik. Amam chay punchawpiqa llamkankichikchu. Chay punchawqa ñoqa Tayta Diospaq samana punchawmi kanqa maypiña *f**yachaptikichikpas.

Chuya Qellqa 1992

³ Soqta punchaw llamkaspam qanchis kaq punchawpiñataq samaspaykichik ñoqallapaqña huñunakunkichik, amam chay punchawpiqa llamkankichikchu, chay punchawqa ñoqa Tayta Diospaq samana punchawmi kanqa maypiña yachaptikichikpas.

Levítico 23:3 Iomraidhean Croise

Éxodo 16:23

Chaymi paykunata Moisés nirqa: Kaymi Tayta Diospa nisqan: “Paqarinmi ñoqa Tayta Diospaq sapaqchasqa samana punchaw. Yanunayki-chiktapas kunan yanuychik, timpuchinaykichiktapas kunan timpuchiy-chik, puchuqtañataq paqarinpaq waqay-chaychik”, nispa.

Éxodo 16:29

Amam qon-qankichikchu, ñoqam qoykichik samana punchawta, chayraykum soqta kaq pun-chawpiqa mikuytapas iskay punchawpaq qoykichik. Qanchis kaq punchawpiqa, sapakamam hinallapi kankichik, amam pipas maymi kasqanmanta lloqsinqachu, nispa.

Éxodo 16:30

Chaymi runakuna qanchis kaq punchawpi samarqaku.

Éxodo 23:12

Soqta punchawmi ruwaynikita ruwanki, qanchis kaq punchawpiñataqmi samanki, chaynapi toroykipas asnoykipas samananpaq. Chaynataq criadoykipas, wasikipi samapakuqpas kallpata hapinanpaq.

Éxodo 34:21

Soqta punchawmi llamkankichik, qanchis kaq punchawpim ichaqa samankichik, tarpuy kaptin otaq cosecha kaptinpas samankichikmi.

Isaías 56:2

Mayna kusisqam kamachisqaykunata mana iskayrayaspa kasukuq runaqa, samana punchawta mana sarutyaq runaqa, mana allin ruwaymanta rakikuq runaqa.

Isaías 56:6

Sichu huklaw llaqtayuq runakunapa churinkuna ñoqa Tayta Diosman serviwananpaq hapipakuptinkuqa, ñoqapa sutiyta kuyaspa serviqniyña rikuriruptinkuqa, chaynataq kasuwaspa samana punchawpi samaptinkuqa, hinaspa pacto ruwasqaytapas kasukuptinkuqa,

Isaías 58:13

Sichum samana punchawniypi samaspaykiqa ruwaynikikunata samana punchawniypi mana ruwaspaykiqa, chay punchawta “kusikuna punchaw, Diospaq sapaqchasqa punchaw, kasukuna punchaw” nispa sutichaspaykiqa, manaña munasqaykipi purispa kasukuspaykiqa, nitaq munasqaykita maskaspa yanqakunapi mana purispaykiqa,

Levítico 19:3

Tayta-mamaykichikta sapakama kasukuychik. Samana punchawkunapipas samankichikmi. Ñoqaqa Tayta Diosmi kani.

Lucas 13:14

Si-nagogapi kamachikuqñataqmi samana punchawpi Jesuspa sanoyachisqanwan piñakuruspan runakunata nirqa: Soqta punchawmi llamkanapaqqa kachkan. Sanoyachisqa kayta munaspaqa chay punchawkunapiyá hamuychik, amayá samana punchawpichu, nispa.

Lucas 23:56

Chaymi wasiman kutiruspanku, Jesuspa cuerponta llusimunankupaq perfumekunatawan miski asnaq pomadakunata prepararqaku. Ichaqa samana punchaw kasqanraykum samarqaku, Moisespa kamachikuyninman hina.

Hechos 15:21

Ñawpaq tiempokunamantaraqmi, Moisespa leynintaqa sapa llaqtapi yachachinku, chaytaqa sinagogakunapi sapa samana punchawpi huñunakuspankum leenku, nispa.

Apocalipsis 1:10

Señorpa punchawninpi, Chuya Espiritupa atiyninwan kachkaspaymi, qepaypi trompetapa nisyu qapariyninta hina uyarirqani