Levítico 23:28 - CHUYA QELLQA La Biblia en Quechua de Ayacucho 2012

²⁸ Amam chay punchawpiqa imapipas llamkankichikchu. Chay punchawqa hucha pampachana punchawmi, ñoqa Tayta Diosmi chay punchawpi huchaykichikta pampachasaq.

Quechua Ayacucho Bible 1987

²⁸ Amam chay punchawpiqa imapipas llamkankichikchu. Chay punchawqariki Hucha Pampachana Punchawmi. Chay punchawpim yupaychasqaykichik ñoqa Tayta Dios huchaykichikta pampachasaq.

Chuya Qellqa 1992

²⁸ Amam chay punchawpiqa imapipas llamkankichikchu. Chay punchawqa hucha pampachana punchawmi, ñoqa Tayta Diosmi chay punchawpi huchaykichikta pampachasaq.

Levítico 23:28 Iomraidhean Croise

Isaías 53:10

Tayta Diosmi sinchi nanaywan ñakarichirqa, huchanchikkunaraykum vidanta ofrendata hina wañuyman churaykurqa, ichaqa unay watakunam kawsakunqa, mirayninkunatam rikunqa, Tayta Diosmi paynintakama munasqanta ruwanqa.

Daniel 9:24

Qanchis chunka semanam tanteasqa kachkan nacionnikipaqpas chaynataq chuya llaqtaykipaqpas, mana kasukuyninkuwan huchallikuyninkupas tukunanpaq, huchapas puchukachisqa kananpaq, mana allin ruwayta pampachananpaq; allin ruwayta wiñaypaq takyachinanpaq, visionpas profeciapas cumplikunanpaq, Chuyay-chuyay lugarpas Diosllapaqña sapaqchasqa kananpaq.

Levítico 16:30

Chay punchawpim ñoqa Tayta Dios tukuy huchaykichikta pampachasaq, chaynapim chuyanchasqaña kankichik.

Levítico 16:33

Chuyanchanqataqmi ñoqaman asuykuwananku carpata, “Chuyay-chuyay” lugarta chaynataq altartapas. Sacerdotekunapa huchankunata chaynataq llaqtapa huchankunata pampachanaypaqmi hucharayku ofrendata ofrecewanqa.

Levítico 16:34

Kaymi qamkunapaq wiña-wiñaypaq kamachikuy kanqa. Watapim huk kutita kayta ruwankichik Israelpa mirayninkunapa huchanta pampachanaypaq, nispa. Chaymi Tayta Diospa imaynam kamachisqanman hina Moisés ruwarqa.

Levítico 23:27

Qanchis kaq killapa chunka pun-chawninpim huchaykichik pampachanay punchaw kanqa. Chay punchawpiqa ñoqallapaqña huñunakuyta ruwaspam ayunankichik, hinaspam kañasqa ofrendata ofrecemuwankichik.

Zacarías 3:9

Tukuy Atiyniyuq Tayta Diosmi nin: Ñoqam Josueypa ñawpaqninpi qanchis waqtayuq rumita churaruni, chay rumipim ñoqa qellqasaq. Hinaspam huk punchawllapi kay llaqtapa huchanta chinkarachisaq, nispa.

Hebreos 10:10

Jesucristom wiñaypaq huk kutillata cuerponta sacrificiopi ofrecespan Diospa munasqanta ruwarurqa, chaynapim sapaqchasqaña kachkanchik.

Hebreos 10:14

Chaynatam Cristoqa huk kutillata wañusqanwan wiñaypaq haykam Diospaq sapaqchasqa kaqkunata chuyancharun.

Hebreos 9:12

Cristom “Chuyay-chuyay” lugarman huk kutillata yaykurqa, payqa yaykurqa manam chivatokunapa nitaq malta torokunapa yawarninta ofrecenanpaqchu, aswanqa kikinpa yawarninta ofrece-nanpaqmi. Chaynata ruwaspanmi salvacionta wiñaypaq rantipuwarqanchik.

Hebreos 9:26

Chayna kanan kaptinqa kay pacha unanchasqa kasqanmantachiki Cristoqa achka kutita ñakarinman karqa. Kunanqa tiempokuna cumplikuruptinmi rikuriramuspa Cristoqa kikillanmanta huk kutillata wañurqa huchakunata chinkachinanpaq.

1~Juan 2:2

Paymi huchanchikrayku castigasqa kananchikmanta wañurqa, manataqmi ñoqallanchikpaqchu aswanqa kay pachapi llapallan runakunapaqwanmi.

1~Juan 4:10

Cheqap kuyakuyqa kaynam: Manam ñoqanchikchu Diostaqa kuyarqanchik, aswanqa paymi ñoqanchikta kuyawaspanchik sapallan Churinta kachamurqa rantinchikpi wañunanpaq, chaynapi huchanchikkuna pampachasqa kananpaq.

1~Juan 5:6

Jesucristo kay pachaman hamuspanqa yakuwanmi bautizachikurqa hinaspam wañuspan yawarninta chaqchurqa. Jesucristo pim kasqantaqa yachanchik manam bautizakusqallanwanchu, aswanqa wañusqanpiwanmi. Chaytaqa kikin Espiritum yachachiwanchik. Payqa manam llullakunchu.