Levítico 23:27 - CHUYA QELLQA La Biblia en Quechua de Ayacucho 2012

²⁷ Qanchis kaq killapa chunka pun-chawninpim huchaykichik pampachanay punchaw kanqa. Chay punchawpiqa ñoqallapaqña huñunakuyta ruwaspam ayunankichik, hinaspam kañasqa ofrendata ofrecemuwankichik.

Quechua Ayacucho Bible 1987

²⁷ —Qanchis kaq killapa chunka punchawninpim huchaykichik pampachanay punchaw kanqa. Chay punchawpiqa ñoqallapaqña huñunakuyta ruraspam ayunankichik hinaspam kañasqa ofrendata presentamuwankichik.

Chuya Qellqa 1992

²⁷ Qanchis kaq killapa chunka punchawninpim huchaykichik pampachanay punchaw kanqa. Chay punchawpiqa ñoqallapaqña huñunakuyta ruwaspam ayunankichik, hinaspam kañasqa ofrendata ofrecemuwankichik.

Levítico 23:27 Iomraidhean Croise

Esdras 8:21

Chaymantam Ahava mayupa patanpi ayunanaykupaq kamachikurqani, Tayta Diospa qayllanpi uchuychakuspa payta mañakunaykupaq, chaynapi ñoqaykupas, warmaykupas chaynataq llapa kapuqniykupas ñanta allinlla rinaykupaq.

Éxodo 30:10

Aaronmi watapi huk kutita altarpa tawan esquinanpi waqrachankunata yawarwan llusinqa. Chaynataqa ruwanqa hucha pampachanapaq wañuchisqanku animalpa yawarninwanmi; chay altarqa ñoqallapaqña sapaqchasqam kanqa.

Isaías 58:5

Qamkunaqa tanteankichik ayunoqa ñakarispa totora hina kumurayana kasqantam, qachqa pachawan pachakuruspa chay punchaw uchpapi wischurayana kasqantam. ¿Chaykuna ruwaytachu qamkuna ayunom ninkichik? ¿Chaykunata ruwaspachu Tayta Diospa agradoypaq ayuno punchawmi ninkichik?

Levítico 16:11

Aaronmi huk malta torota kikinpa huchanmantawan ayllunpa huchankunamanta ofrecewanqa, huchanku-namanta ofrenda kasqanrayku, chaynapi huchankumanta pampachanaypaq.

Levítico 16:15

Chaymantam chivatota wañuchinqa llaqtapa huchankunamanta ofrecewananpaq, yawarnintañataqmi carpapi velopa qepanman apaykunqa, hinaspam tapapa hawanman chaynataq tapapa ñawpaqninman challanqa, imaynam malta toropa yawarninwan ruwasqanta hina.

Levítico 16:16

Chaynatam Diosman asuykuna carpata chuyanchanqa Israelpa mirayninkunapa millakuypaq kayninkumanta, mana kasukusqankumanta hinaspa llapa huchankumanta. Hina chaynallatam santuariotapas chuyanchanqa, millakuypaq chawpinkupi kasqanrayku.

Levítico 16:24

Hinaspam carpapi bañakuspan pachakunqa, chaymantañam asuykamuwanqa. Lloqsimuspanñataqmi kikinmantawan llaqtanmanta lliw kañana animalta ofrecemuwanqa chaynataq hucharayku ofrendatapas. Chaynapim huchankuta pampachasaq.

Levítico 23:26

Moisestam Tayta Dios nirqa:

Levítico 23:28

Amam chay punchawpiqa imapipas llamkankichikchu. Chay punchawqa hucha pampachana punchawmi, ñoqa Tayta Diosmi chay punchawpi huchaykichikta pampachasaq.

Levítico 25:9

Qanchis kaq killapa chunka punchawninpim otaq hucha pampachana punchawpim cornetata tocankichik. Chaytaqa nacionnikichikpim kuchun-kuchun ruwankichik.

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Hechos 27:9

Llumpaytaña unaruptiykum, ayuno fiesta pasaruptin lamar qochanta rinapaq llumpay sasaña kasqanrayku Pablo nirqa:

Santiago 4:9

Llakikuychik, waqakuy-chik hinaspa qaparkachaychik. Asi-kuynikichiktapas waqakuymanñayá tikraychik, kusikuynikichiktapas llakikuymanñayá tikraychik.