Levítico 23:1 - CHUYA QELLQA La Biblia en Quechua de Ayacucho 2012

^1-2 Israelpa mirayninkunaman ninanpaqmi Moisesta Tayta Dios kaynata nirqa: Ñoqa Tayta Diospaq sapaqchasqa fiestaykunata ruwanaykichikpaqmi runakunata qayankichik.

Quechua Ayacucho Bible 1987

^1-2 Israelpa mirayninkunaman ninanpaqmi Moisesta Tayta Dios nirqa kaynata: —Ñoqa Tayta Diospaq sapaqchaspa fiestaykunata ruranaykichikpaqmi runakunata qayankichik.

Chuya Qellqa 1992

^1-2 Israelpa mirayninkunaman ninanpaqmi Moisesta Tayta Dios kaynata nirqa: Ñoqa Tayta Diospaq sapaqchasqa fiestaykunata ruwanaykichikpaqmi runakunata qayankichik.

Levítico 23:1 Iomraidhean Croise

1~Crónicas 23:31

chaynallataq sapa samana punchawpi, musoq killapi hinaspa huk fiestakunapipas Tayta Diosman lliw kañana sacrificiota ofrecenankupaq. Chaytaqa mana tipiytam Tayta Diospa qayllanpi ruwaqku, chaypaq akllasqa kasqankuman hina hinaspa haykam kasqankuman hina.

2~Crónicas 2:4

Ñoqam yupaychasqay Tayta Diospa templonta ruwasaq, miski asnaq inciensota paypa qayllanpi kañanaypaq, patanasqa tantatapas sapa kutilla ofrecenaypaq, sapa achikyayta, sapa tardeykuyta, samana punchawkunapi, musoq killakunapi, Diospa fiestankunapi Tayta Diosman lliw kañana sacrificiota ofrecenaypaq. Chaykunaqa wiña-wiñaypaqmi Israel nacionpi ruwasqa kanqa.

2~Crónicas 8:13

Payqa ofreceq Moisespa kamachisqanman hinam chaypaq akllasqa punchawkunapi, samana punchawkunapi, musoq killa fiestakunapi, watapi kimsa hatun fiestakunapi. Chay fiestakunam karqa: Mana levadurayuq tanta fiesta, semanakunapa tukuynin fiesta hinaspa ramada ruway fiesta.

Isaías 1:13

Mana valeq ofrendakunataqa amaña apamuwaychikchu, chay ofrendakunapa qosnintapas millakuruniñam. Musoq killakunapi, samana punchawkunapi fiestakunapaq huñunakuynikichiktapas manam munaniñachu. Huchallikuq runakunapa fiestankunataqa amiruniñam.

Ezequiel 44:24

Quejakuna kaptinpas paykunam juezkuna hina kamachikuyniykunaman hina allin arreglota ruwanqaku. Kamachikuyniykunata ruwayman churaspankum fiestaykunapaq qosqay yachachikuykunatapas kasukunqaku, samana punchawniykunatapas waqaychanqakum.

Ezequiel 45:17

Chay kamachikuqñataqmi musoq killa fiestapi, samana punchawkunapi chaynataq Israelpa hatun fiestankunapi lliw kañana sacrificiotapas animalkunata qonqa, kawsaykunamanta ofrendapaq hinaspa tallinanku vinotapas. Paytaqmi hucharayku sacrificiotapas, kawsaykunamanta ofrendatapas, ñoqawan allinlla kasqaykichikmanta ofrendatapas hinaspa lliw kañana sacrificiota ofrecewanqa, chaynapi Israelpa huchankuna pampachasqa kananpaq.

Ezequiel 46:11

Sapa fiestapi malta torota ofrecewasqanmanmi yapanqa iskay chunka kilo kawsay ofrendakunata, hina chaynatataqmi yapanqa carnerota ofrecewaspanpas; malta carnerokuna ofrecewasqanmanmi ichaqa munasqanman hina yapanqa. Iskay chunka kilo kawsay ofrendakunatawan kuskatam kimsa litro parten aceiteta ofrecewanqa.

Levítico 22:33

Ñoqam Egipto nacionmanta hurqomurqaykichik Diosnikichik kanaypaq. Ñoqaqa Tayta Diosmi kani, nispa.

Levítico 23:44

Chaynatam Israelpa mirayninkunaman Moisés willarqa, Tayta Diospaq hatun fiestakunata ruwanankupaq.

Números 15:3

torokunata otaq ovejatam lliw kañana sacrificiota ofrecemuwankichik. Chaykunaqa kanmanmi prometewasqaykichik ofrendakunapas, kikikichikmanta qosqaykichik ofrendakunapas, otaq fiestakunapi ofrecewanaykichik ofrendakunapas. Chaykunam kanqa ñoqa Tayta Diospaq miskillaña asnaq ofrendakuna.

Gálatas 4:10

Qamkunaqa hina-llaraqmi waqaychachkankichik punchaw-kunata, killakunata, tiempokunata hinaspa watakunata.

Colosenses 2:16

Chaynaqa, amayá pipas rimaku-sunkichikchu: Imam mikusqaykichikmanta, tomasqaykichikmanta, fiestakuna ruwaymanta, watanpi otaq killanpi fiestakuna ruwaymanta, samana punchawpi samanamanta.