Levítico 22:9 - CHUYA QELLQA La Biblia en Quechua de Ayacucho 2012

⁹ Chaynaqa, kay kunasqaykunata kasukuchunku, chaynapi ama huchalli-kunankupaq hinaspa kay kunasqaykunata penqayman churaspa ama wañurunankupaq. Ñoqa Tayta Diosmi paykunataqa kikiypaq sapaqchani.

Quechua Ayacucho Bible 1987

⁹ —Chaynaqa kunasqaykunatayá kasukuchunku chaynapi ama huchallikunankupaq hinaspa chay kunasqaykunata penqayman churaspa ama wañurunankupaq. Ñoqa Tayta Diosmi paykunataqa kikiypaq sapaqchani.

Chuya Qellqa 1992

⁹ Chaynaqa, kay kunasqaykunata kasukuchunku, chaynapi ama huchallikunankupaq hinaspa kay kunasqaykunata penqayman churaspa ama wañurunankupaq. Ñoqa Tayta Diosmi paykunataqa kikiypaq sapaqchani.

Levítico 22:9 Iomraidhean Croise

Éxodo 28:43

Chaywan hinakuspam Aaronwan churinkuna ñoqaman asuykuna carpaman yaykunqaku, hina chayna pachasqallam kanqaku “Chuya” lugarpi kaq altarman serviwanankupaq asuykuspankupas, chaynapim paykunataqa huchankurayku mana wañuchisaqchu. Kayqa wiñaypaq decretom Aaronpaqwan mirayninkunapaqpas kanqa.

Levítico 16:13

Chay inciensotam ñoqa Tayta Diospa qayllaypi sansaman hinaykunqa. Chaypim inciensopa qosniynin chunkantin kamachikuykuna waqaychana Arcapa tapanta pampaykunqa, chaynapim Aaronqa mana wañunqachu.

Levítico 16:2

Wawqeki Aaronta niy, carpapi “Chuyay-chuyay” lugarmanta “Chuya” lugarta rakinaq velopa qepanmanqa otaq Arcapa tapanpa ñawpaqninmanqa ama sapa kutilla yaykunanpaq, chaynapi ama wañurunanpaq. Ñoqam Arcapa tapanpa hawanpi puyupi sutillata rikurisaq.

Levítico 18:30

Chaynaqa, kay kamachisqaykunatayá kasukuychik, amayá millakuypaq kaqkunataqa ruwaychikchu imaynam qamkunamanta ñawpaq runakuna hinaqa. Chaykunawanqa amayá millarikuypaqtaqa ruwakuychikchu. Ñoqa Tayta Diosmi, Diosnikichik kani, nispa.

Levítico 22:16

Chaynata ruwaspankuqa kikillankum huchata qepikuchkanku. Ñoqa Tayta Diosmi chaykunataqa kikiypaq sapaqchani, nispa.

Números 18:22

Israelpa mirayninkunamanta wakin runakunaqa amam carpamanqa asuykunqakuchu. Yaykuspankuqa huchallikuruspam wañurunmanku.

Números 18:32

Chay allinnin kaqkunata ñoqaman ofreceruwaspayki-chikqa, puchuqninta mikuspapas manañam huchallikunkichikñachu. Chaynata ruwaspaykichikmi Israelpa mirayninkunapa sapaqchapuwasqan kaqkunata mana qachachankichikchu, chaynapim mana wañunkichikchu, nispa.

Mateo 23:17

¡Mana yachayniyuq ñawsakuna! ¿Mayqantaq aswan allinqa: Qorichu icha Diospaq qorita sapaqchaq templochu?

Deuteronomio 11:1

Señornikichik Tayta Diostayá kuyaychik, hinaspayá kamachikuyninkunata, estatutonkunata, decretonkunata, yachachikuyninkunata tukuy tiempo kasukuychik.