Levítico 22:32 - CHUYA QELLQA La Biblia en Quechua de Ayacucho 2012

³² Chuya sutiytaqa amam penqaymanqa churankichikchu, chaynapim Israelpa mirayninkunapi chuya kasqayta yachankichik. Ñoqaqa chuyanchaqnikichik Tayta Diosmi kani.

Quechua Ayacucho Bible 1987

³² —Chuya sutiytaqa amam penqayman churankichikchu chaynapim Israelpa mirayninkunapi chuya kasqayta yachankichik. Ñoqa Tayta Diosmi chaynata nini.

Chuya Qellqa 1992

³² Chuya sutiytaqa amam penqaymanqa churankichikchu, chaynapim Israelpa mirayninkunapi chuya kasqayta yachankichik. Ñoqaqa chuyanchaqnikichik Tayta Diosmi kani.

Levítico 22:32 Iomraidhean Croise

Isaías 5:16

Tukuy Atiyniyuq Tayta Diosmi ichaqa allin arreglo ruwasqanmanta hatunchasqa kanqa. Chuya Diosmi allinkuna ruwasqanwan chuya kasqanta reqsichikunqa.

Isaías 8:13

Tukuy Atiyniyuq Tayta Diosllata chuyapaqqa hapiychik, payllata kasukuspa hatunchaychikpas.

Levítico 10:3

Hinaptinmi Tayta Diospa imam nisqanta Aaronman Moisés kaynata nirqa: Pipas asuykamuwaqniymanqa chuya kasqaytam qawachisaq, llapallan runakunapa qayllanpitaqmi yupaychasqa kasaq, nispa. Chaymi Aaronqa upallalla karqa.

Levítico 18:21

Moloc idolopaqqa amam churikitaqa ninapi kañankichu. Chaynata ruwaspaqa ñoqapa sutiytam penqayman churawaq. Ñoqa Tayta Diosmi chaynata nini.

Levítico 20:8

Kasukuspayá kamachikuyniykunata ruwayman churaychik, ñoqa Tayta Diosmi qamkunata ñoqapaq sapaqcharqaykichik.

Levítico 21:15

Chaynataqa ruwanqa mirayninkunapas chaynataq llaqtamasikunapas mana penqayman churasqa kananpaqmi. Ñoqa Tayta Diosmi paytaqa ñoqallapaqña sapaqchani, nispa.

Levítico 21:8

Chaynaqa, ñoqallapaqña sapaqchay, paykunaqa ñoqa Diosmanmi tantata ofrecewanku, paykunataqa chuyapaqmi hapinki, chaynataqa ruwanki qamkunata chuyanchaq ñoqa Tayta Diospas chuya kasqayraykum.

Levítico 22:16

Chaynata ruwaspankuqa kikillankum huchata qepikuchkanku. Ñoqa Tayta Diosmi chaykunataqa kikiypaq sapaqchani, nispa.

Levítico 22:31

Kamachikuyniykunata kasukuspa ruwayman churaychik. Ñoqaqa Tayta Diosmi kani.

Levítico 22:33

Ñoqam Egipto nacionmanta hurqomurqaykichik Diosnikichik kanaypaq. Ñoqaqa Tayta Diosmi kani, nispa.

Mateo 6:9

Qamkunaqa kay-natayá mañakuychik: Hanaq pachapi kaq Taytayku, sutiki hatunchasqa kachun,

Lucas 11:2

Chaymi Jesusñataq nirqa: Diosta mañakuspaqa kaynatam ninkichik: Hanaq pachapi kaq Taytayku, sutiki hatunchasqa kachun, munaychakuyniki hamuchun, munasqayki ruwasqa kachun, kay pachapi chaynataq hanaq pachapipas.

Juan 17:17

Cheqap kaynikiwanyá chuyanchay, palabraykiqa cheqapmi.

1~Corintios 1:2

Corinto llaqtapi iglesiaman kay cartata qellqamuykichik, qamkunaqa kankichik Cristo Jesuspi Diospa akllasqankunam. Diosmi qayasurqankichik Señor Jesucristota maypipas yupaychaqkunawan kuska akllasqakuna hina kawsanaykichikpaq. Jesusmi, paykunapapas ñoqanchikpapas Señorninchikqa.