Levítico 21:22 - CHUYA QELLQA La Biblia en Quechua de Ayacucho 2012

²² Sacerdotekunapa ofrecewasqanku mikuytawan ñoqallapaqña sapaqchasqa ofrendakunataqa mikunmanmi.

Quechua Ayacucho Bible 1987

²² Sacerdotekunapa presentamuwasqanku mikuytaqa mikunmanmi, mikunmantaqmi ñoqallapaqña sapaqchasqa ofrendakunatapas.

Chuya Qellqa 1992

²² Sacerdotekunapa ofrecewasqanku mikuytawan ñoqallapaqña sapaqchasqa ofrendakunataqa mikunmanmi.

Levítico 21:22 Iomraidhean Croise

Levítico 10:12

Aarontawan iskaynin puchuq churin Eleazartawan Itamartam Moisés kaynata nirqa: Tayta Diospaq kañasqa kawsay ofrendapa puchunta mana levadurayuqta altarpa waqtanpi mikuychik. Chay ofrendaqa Tayta Diosllapaqña sapaqchasqa ofrendam.

Levítico 10:17

¿Imanasqataq chay hucharayku ofrenda chivatotaqa mana mikurqankichikchu? chaytaqa mikuwaqchik karqa chaypaq sapaqchasqa sitiopim. Chayqa Tayta Diospaq sapaqchasqa ofrendam. Tayta Diosmi chay ofrendata qamkunaman qosurqankichik runakunapa huchankuna paypa qayllanpi pampachasqa kananpaq.

Levítico 14:13

Chay malta carnerotaqa sacerdotem wañuchinqa, hucharayku ofrendatawan lliw kañapuwananku ofrendata wañuchinanku sitiopi. Culparayku ofrecewasqanku ofrendaqa sacerdotepaqmi kanqa imaynam hucharayku ofrenda hina, chayqa ñoqallapaqña sapaqchasqam.

Levítico 2:10

Chay ofrendamanta puchuqñataqmi Tayta Diosman ofrecesqa kaspa chuya kasqanrayku Aaronpaqwan mirayninkunapaq kanqa.

Levítico 2:3

Chay ofrendamanta puchuqñataqmi Aaronpaqwan mirayninkunapaq kanqa. Chay ofrendaqa kañasqa ofrendakunamanta ñoqallapaqña chuya ofrendam.

Levítico 21:23

Chuyay-chuyay lugarmanmi ichaqa ama yay-kunqachu, nitaqmi altarmanpas asuykunqachu, mana sano kasqanrayku. Chaynata ruwaspanqa santuarioytam qachachanman. Ñoqa Tayta Diosmi sacerdotekunataqa sapaqcharqani, nispa.

Levítico 22:25

Huklaw llaqtayuq runakunamantapas chayna animalkunataqa amam chaskinkichikchu, Diosnikichikpa mikuynin kananpaqqa, chaykunataqa mana sano animalkuna kasqanraykum mana chaskisqaykichikchu, nispa.

Levítico 22:7

Inti seqaykuptinñam chuya kanqa, chayñam ñoqapaq sapaqchasqa kaqkunata mikunqa, chaykuna paypa mikuynin kasqanrayku.

Levítico 27:28

Sichum pipas kapuqninkunamanta ñoqa Tayta Diosllapaqña rakipuwan-man runata, animalta, otaq heren-cia allpanta, hinaspaqa manam chay-kunataqa rantikunmanchu, nitaqmi kutiykachikunmanchu, tukuy sapaqchasqa kaqkunaqa ñoqa Tayta Diosllapaqñam kanqa.

Levítico 6:10

Sacerdotem linomanta pachawan pachakunqa, churakunqataqmi linomanta calzoncillowanpas. Lliw kañana animal ofrecesqanku rupayta tukuruptinñataqmi uchpanta hoqarispan altarpa waqtanman churanqa.

Levítico 6:29

Chay ofrendataqa llapallan sacerdotekunallam mikunqaku, chayqa ñoqa-llapaqña sapaqchasqa ofrendam.

Levítico 7:1

Culparayku ofrendakunaqa ñoqa-llapaqña sapaqchasqam kanqa, kaymi culparayku ofrendamanta kamachikuy:

Levítico 7:6

Chay ofrendataqa sacerdotekunallam mikunqaku chaypaq sapaqchasqanku sitiopi. Chayqa ñoqallapaqña sapaqchasqa ofrendam.

Números 18:19

Israelpa mirayninkuna ñoqa Tayta Diospaq sapaqchapuwasqan ofrendakunatam qanman qoyki chaynataq qanwan yachaq qari-warmi churikikunamanpas. Chayqa wiñaypaq kamachikuymi kanqa. Chaymi wiñaypaq pactoy kanqa, qampaqpas chaynataq miraynikikunapaqpas, nispa.

1~Corintios 9:13

Qamkunaqa yachan-kichikmi Diospa templonpi llamkaqkunaqa ofrendakunamanta mikusqankuta, altarpi llamkaqkunañataqmi altarman ofrenda apamusqankumanta mikunku.