Levítico 21:1 - CHUYA QELLQA La Biblia en Quechua de Ayacucho 2012

¹ Moisestam Tayta Dios nirqa: Aaronpa miraynin sacerdotekunata nimuy, ayllunkumanta pipas wañuruptinqa ama asuykunankupaq. Chaynata ruwaspaqa millakuypaqmi kanmanku.

Quechua Ayacucho Bible 1987

¹ Tayta Diosmi nirqa Moisesta: —Aaronpa miraynin sacerdotekunatayá niy ayllunkumanta pipas wañuruptinqa ama asuykunankupaq. Chaynata ruraspaqa manam asuykuwanmankuchu.

Chuya Qellqa 1992

¹ Moisestam Tayta Dios nirqa: Aaronpa miraynin sacerdotekunata nimuy, ayllunkumanta pipas wañuruptinqa ama asuykunankupaq. Chaynata ruwaspaqa millakuypaqmi kanmanku.

Levítico 21:1 Iomraidhean Croise

Ezequiel 44:25

Wañusqapa ayanmanqa amam asuykunqakuchu, chaynapi ama qacha-chakurunankupaq. Asuykuspaqa asuy-kunqaku tayta-maman, qari churin otaq warmi churin, wawqen otaq manaraq qari reqsiq panin wañukuptillanmi.

Oseas 5:1

Sacerdotekuna kayta uyariychik, Israelpa mirayninkuna chaylla uyariychik, reypa mirayninkuna uyariychik: Mizpa lawpi tranpa churasqa hina, chaynataq Tabor orqopi challwanapaq malla hina kasqaykichikmantam juzgasqa kankichik.

Levítico 19:28

Pipas wañuruptinqa amam aychaykita kuchupakunkichu, amataqmi mana chinkaq marcakunataqa aychaykipipas ruwachikunkichu. Ñoqaqa Tayta Diosmi kani.

Levítico 21:11

Ayapa kasqanmanqa, taytanña otaq mamanña wañuruptinpas amam yaykunqachu, millakuypaqmi rikurirunman.

Malaquías 2:1

Chaynaqa, Sacerdotekuna, kay kamachikuymi qamkunapaq:

Malaquías 2:4

Chaynapim kay kamachikuytaqa ñoqapuni qomusqayta yachankichik, chaynapi Leviywan pacto ruwasqay takyananpaq. Tukuy Atiyniyuq Tayta Diosmi chaynata nin.

Números 19:11

Wañusqa runapa ayanta llapchaq runaqa qanchis punchawmi millakuypaq kanqa.

Números 19:14

Pipas carpallanpi wañuruptinqa kay kamachikuyman hinam ruwankichik: Wañuqpa kasqan carpapi tarikuqkunapas chaynataq yaykuqkunapas qanchis punchawpunim millakuypaq kanqaku.

Números 19:16

Pipas chaychaypi kachkaspan, espadawan wañuchisqa runapa ayanta, kikillanmanta wañuruqpa ayanta, ayapa tullunta otaq sepulturanta llapcharuq runaqa qanchis punchawmi millakuypaq kanqa.

Números 5:2

Israelpa mirayninkunata kamachiy, leprawan onqoqkunata, qeya ispaywan onqoq qarikunata, wañuqpa ayan llapcharuqkunata campamentomanta qarqonankupaq.

Números 6:6

Ñoqa Tayta Diospaq rakisqa kasqan punchawkamataqmi wañuqpa ayanmanpas ama asuykunqachu.