Levítico 20:9 - CHUYA QELLQA La Biblia en Quechua de Ayacucho 2012

⁹ Pipas tayta-maman ñakaqqa wañuchisqam kanqa. Tayta-maman ñakasqanmanta wañuspanqa kikinmi huchayuq kanqa.

Quechua Ayacucho Bible 1987

⁹ —Pipas tayta-maman ñakaqtaqa wañuchinkichikpunim. Tayta-maman ñakasqanmanta wañuspanqa kikinmi huchayoq kanqa.

Chuya Qellqa 1992

⁹ Pipas tayta-maman ñakaqqa wañuchisqam kanqa. Tayta-maman ñakasqanmanta wañuspanqa kikinmi huchayuq kanqa.

Levítico 20:9 Iomraidhean Croise

2~Samuel 1:16

Wañunan-paq kachkaptinmi David nirqa: Wañuchisqaykimantam qamqa huchayuq kanki, qampunim nirqanki: “Tayta Diospa akllasqan reytam wañurachimuni”, nispayki.

1~Reyes 2:32

Tayta Diosmi runakuna wañuchisqanmanta castiganqa, Joabqa taytay Davidpa mana yachasqantam allin sonqoyuq runakunata, Israelpa tropankuna kamachiq Nerpa churin Abnertawan Judapa tropankuna kamachiq Jeterpa churin Amasatapas wañurachirqa.

Éxodo 21:17

Pipas taytanta otaq mamanta ñakaqqa wañuchisqam kanqa.

Proverbios 20:20

Tayta-maman ñakaq runaqa manchakuypaq tutayaypim wañunqa.

Proverbios 30:11

Kanmi taytanta ñakaq miraykuna, kantaqmi mamanta mana bendiceq miraykunapas.

Proverbios 30:17

Taytanta burlakuq runataqa, mamanta mana kasukuq runataqa, cuervokunayá ñawinta hurqoruchun, ankakunayá mikuruchun.

Ezequiel 18:13

qollqetapas mirayniyuqllapaq prestaq, qollqe prestasqanpa mirayninta mañaq, chayna runaqa manam kawsanqachu. Tukuy chay millakusqay kaqkuna ruwasqanmantaqa wañunqapunim, wañusqanmantaqa kikinmi huchayuq kanqa.

Ezequiel 22:7

Jerusalén llaqta, runaykikunaqa taytankutawan mamankutapas mana kaqpaqmi hapinku, huklaw llaqtayuqkunatawan mana tayta-mamayuqkunata hinaspa viudakunatapas ñakarichinkum.

Levítico 20:16

Pi warmipas qariwan hina animalwan qachakuqqa wañuchisqam kanqa, animaltapas wañuchinkichikmi; wañuspankuqa kikinkum huchayuq kanqaku.

Levítico 20:27

Qaripas warmipas wañuqkunapa almanta qayaq kaptinqa otaq qatipaq kaptinqa rumiwan chamqapaspam wañuchinqaku, wañuspankuqa kikinkum huchayuq kanqaku, nispa.

Mateo 15:4

Diosmi nirqa: “Tayta-mamaykita respetay, pipas tayta-mamanta ñakaqqa wañunqam”, nispa.

Mateo 27:25

Hinaptinmi llapallan runakuna nirqaku: ¡Paypa wañusqanmantaqa ñoqaykum mirayniykupiwan huchayuq kasaqku! nispanku.

Marcos 7:10

Moisesqa kaynatam yachachirqa: “Tayta-mamaykita respetay, pipas tayta-mamanta ñakaqqa wañunqapunim”, nispan.

Deuteronomio 27:16

¡Tayta-mamanta usuchiq runaqa ñakasqayá kachun! nispanku. Hinaptinmi llapa runakunañataq ninqaku: ¡Amén! nispanku.

Josué 2:19

Pipas wasikimanta hawaman lloqsispa wañuruspaqa, kikinmi wañusqanmanta huchayuq kanqa. Hina wasiki ukupi kachkaptin pipas wañurachiptinmi ichaqa ñoqayku huchayuq kasaqku.

Jueces 9:24

Chaynataqa ruwarqa, Jerobaalpa qanchis chunka qari churinkunata wañurachisqanmanta Abimelecmanta vengakunanpaqmi chaynataq Siquem llaqtapi yachaqkunamantapas wañuchiypi Abimelecta yanapasqankumanta vengakunanpaqmi.