Levítico 20:8 - CHUYA QELLQA La Biblia en Quechua de Ayacucho 2012

⁸ Kasukuspayá kamachikuyniykunata ruwayman churaychik, ñoqa Tayta Diosmi qamkunata ñoqapaq sapaqcharqaykichik.

Quechua Ayacucho Bible 1987

⁸ Kasukuspayá cumpliychik decretoykunata. Ñoqa Tayta Diosmi qamkunataqa kikiypaq sapaqchaykichik.

Chuya Qellqa 1992

⁸ Kasukuspayá kamachikuyniykunata ruwayman churaychik, ñoqa Tayta Diosmi qamkunata ñoqapaq sapaqcharqaykichik.

Levítico 20:8 Iomraidhean Croise

Éxodo 31:13

Isrelpa mirayninkunata kaynata nimuy: Samana punchawniykunapiqa samankichikpunim, chaymi qamkunapaqpas chaynataq miraynikichikkunapaqpas señal kanqa ñoqa Tayta Diosllapaqña sapaqchasqa kasqaykichikmanta.

Ezequiel 20:12

Paykunamanmi samana punchawniykunata qorqani, chaymi huk señal karqa ñoqapaq chaynataq paykunapaqpas, chaynapi paykunata ñoqallapaqña sapaqchasqayta yuyanankupaq.

Ezequiel 37:28

Ñoqapa temploy paykunapa chawpinpi wiñaypaq kaptinmi, wakin nacionkunapas yachanqaku Israel nacionqa ñoqapa sapaqchakusqay kasqanta.

Levítico 19:19

Kamachikuyniykunatam kasukunki. Animalnikitaqa amam muyachinkichu huk rikchaq animalwanqa. Chakraykipipas amataqmi tarpunkichu iskay rikchaq muhutaqa. Tukuy rikchaq qaytuwan awasqa pachawanqa amataqmi churakunkichu.

Levítico 19:37

Llapallan kamachikuyniykunata hinaspa yachachikuyniykunata kasukuspa ruwayman churaychik. Ñoqaqa Tayta Diosmi kani, nispa.

Levítico 20:26

Qamkunaqa chuyayá kaychik ñoqa Tayta Diospas chuya kasqayrayku, ñoqam wakin nacionkunamanta sapaqcharqaykichik ñoqallapaqña kanaykichikpaq.

Levítico 21:8

Chaynaqa, ñoqallapaqña sapaqchay, paykunaqa ñoqa Diosmanmi tantata ofrecewanku, paykunataqa chuyapaqmi hapinki, chaynataqa ruwanki qamkunata chuyanchaq ñoqa Tayta Diospas chuya kasqayraykum.

Levítico 22:32

Chuya sutiytaqa amam penqaymanqa churankichikchu, chaynapim Israelpa mirayninkunapi chuya kasqayta yachankichik. Ñoqaqa chuyanchaqnikichik Tayta Diosmi kani.

Mateo 12:50

Pipas, hanaq pachapi kaq Taytaypa munasqan ruwaqmi wawqeyqa, paniypas chaynataq mamaypas, nispa.

Mateo 23:17

¡Mana yachayniyuq ñawsakuna! ¿Mayqantaq aswan allinqa: Qorichu icha Diospaq qorita sapaqchaq templochu?

Mateo 5:19

Chaynaqa, pipas kay kamachikuykunamanta taksallantapas mana kasukuqqa hinaspa runamasintapas kasukunanpaq mana yachachiqqa, Diospa munaychakuyninpim taksallapaq hapisqa kanqa. Pipas kasukuspa chaynataq runamasintapas kasukuyta yachachiqmi ichaqa, Diospa munaychakuyninpipas hatunpaq hapisqa kanqa.

Mateo 7:24

Pipas nisqaykunata uyarispan ruwayman churaqqa, taqrapa hawanpi wasichakuq allin yachayniyuq runamanmi rikchakun.

Juan 13:17

Kaykunata entienderuspa ruwaspaykichikqa kusisqam kankichik.

1~Corintios 1:30

Qamkunatam ichaqa Diospuni Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

1~Tesalonicenses 5:23

Hawkayay qokuq kikin Diosnin-chikyá espirituykichikta, almaykichik-ta hinaspa cuerpoykichikta lliwta chuyanchachun, mana huchayuqta-ñayá waqaychasunkichik Señorninchik Jesucristo hamunankama.

2~Tesalonicenses 2:13

Señorpa kuyakusqan wawqe-panillaykuna, ñoqaykuqa tukuy tiempom qamkunamanta Diosman graciasta qonayku. Ñawpaqmantaraqmi Diosqa Espiritupa chuyanchakuyninwan akllasurqankichik, chaynapi cheqap kaqta chaskispa salvakunaykichikpaq.

Santiago 1:22

Diospa palabranta ruwayman churaqyá kaychik, amayá uyariqllachu; chayna kaspaqa kikillaykichiktam engañakuchkankichik.

Apocalipsis 22:14

Mayna kusisqam pachankuna taqsakuqkunaqa, paykunaqa punkunta llaqtaman yaykuspam kawsay qokuq sacha-pa rurunta mikunqaku.