Levítico 20:26 - CHUYA QELLQA La Biblia en Quechua de Ayacucho 2012

²⁶ Qamkunaqa chuyayá kaychik ñoqa Tayta Diospas chuya kasqayrayku, ñoqam wakin nacionkunamanta sapaqcharqaykichik ñoqallapaqña kanaykichikpaq.

Quechua Ayacucho Bible 1987

²⁶ Qamkunaqa chuyayá kaychik ñoqa Tayta Diospas chuya kasqayrayku. Ñoqam rakirqaykichik wakin nacionkunamanta runaykunaña kanaykichikpaq.

Chuya Qellqa 1992

²⁶ Qamkunaqa chuyayá kaychik ñoqa Tayta Diospas chuya kasqayrayku, ñoqam wakin nacionkunamanta sapaqcharqaykichik ñoqallapaqña kanaykichikpaq.

Levítico 20:26 Iomraidhean Croise

Nehemías 10:29

wawqenkunaman chaynataq kamachiqninkunaman hukllawakuspanku tukuy sonqonkuwan jurarqaku. Moisesnintakama Tayta Diospa qosqan kamachikuykunaman hina kawsanankupaq. Prometekurqakutaqmi Tayta Diospa kamachikuyninkunata, reglamentonkunata hinaspa decretonkunata cumplinankupaqpas.

Éxodo 33:16

Ñoqaykuwan mana riptikiqa, ¿imay-nataq yachasaqku llaqtaykita chaynataq ñoqatapas yanapawasqaykikutaqa? ¿Imapitaq ñoqapas hinaspa runaykikunapas kay pachapi runakunamanta rakisqa kasaqku? nispa.

Isaías 30:11

Chay ñanta saqeychik, allin ruwaymanta rakikuychik, amaña Israelpa Chuya Diosninwan uyapurachiwaykuchu, nispanku.

Isaías 6:3

Paykunam qaparispa ninakurqaku: Chuyam, chuyam, chuyam Tukuy Atiyniyuq Tayta Diosqa. Llapallan kay pachapas atiyninwan huntasqam kachkan, nispanku.

Levítico 11:44

Ñoqa Tayta Diosmi Diosnikichik kani. Ñoqa chuya kasqayraykuyá qamkunapas sapaqchakuspa chuyanchakuychik. Amayá pampan puriq animalkunata llapchaspaqa millakuypaqta ruwakuychikchu.

Levítico 20:24

Chayraykum nikichik: Qamkunam paykunapa allpanpi munaychakunkichik, kikiypunim qosqaykichik tukuy imakunapapas kasqan allpata. Ñoqam wakin nacionkunamanta rakiqnikichik Tayta Dios kani, nispa.

Levítico 20:7

Chuyanchakuspayá ñoqallapaqña sapaqchakuychik, ñoqa Tayta Diosmi Diosnikichik kani.

Levítico 20:8

Kasukuspayá kamachikuyniykunata ruwayman churaychik, ñoqa Tayta Diosmi qamkunata ñoqapaq sapaqcharqaykichik.

Deuteronomio 14:2

Qamkunaqa Señornikichik Tayta Diospa chuya llaqtanmi kankichik. Kay pachapi llaqtakunamantam payllapaqña kanaykichikpaq akllasurqankichik.

Deuteronomio 7:6

Qamkunaqa Señornikichik Tayta Diospa sapaqchakusqan llaqtanmi kankichik. Tayta Diosmi kay pachapi llaqtakunamanta akllasurqankichik paypa kuyasqan llaqta kanaykichikpaq.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Josué 24:19

Hinaptinmi paykunata Josué nirqa: Tayta Diosta serviytaqa manam atiwaqchikchu, payqa Chuya hinaspa celoso Diosmi, manam pampachasunkichikmanchu mana kasukuynikichiktawan huchallikuynikichiktaqa.

Apocalipsis 3:7

Filadelfia llaqtapi iglesiapa angelninman kaynata qellqay: Chuya kaqmi, Cheqap kaqmi, Davidpa llaven hatalliqmi chaynataq kichaptiyqa manam pipas wichqanmanchu, wichqaptiyqa manam pipas kichanmanchu niqmi, kaynata nin:

Apocalipsis 4:8

Chay tawantin kawsaqkunaqa kasqa soqta raprayuqkamam, raprankunañataqmi kasqa hawanpipas ukunpipas ñawikunawan huntasqa, paykunam tuta punchaw mana samaykuspa nirqaku: “¡Chuyam, chuyam, chuyam Tukuy Atiyniyuq Señor Diosqa, payllam ñawpaq kaqpas, kunan kaqpas chaynataq hamuq kaqpas!” nispanku.