Levítico 2:10 - CHUYA QELLQA La Biblia en Quechua de Ayacucho 2012

¹⁰ Chay ofrendamanta puchuqñataqmi Tayta Diosman ofrecesqa kaspa chuya kasqanrayku Aaronpaqwan mirayninkunapaq kanqa.

Quechua Ayacucho Bible 1987

¹⁰ Chay ofrendamanta puchuqqa kanqa Aaronpaqwan mirayninkunapaqmi, chay ofrendaqa yuyarinapaq asnin ofrendallam hinaspapas miskillaña asnariq kañanapaq ofrendam.

Chuya Qellqa 1992

¹⁰ Chay ofrendamanta puchuqñataqmi Tayta Diosman ofrecesqa kaspa chuya kasqanrayku Aaronpaqwan mirayninkunapaq kanqa.

Levítico 2:10 Iomraidhean Croise

2~Crónicas 31:14

Leví ayllumanta kaq Imnapa churin Coreyñataqmi intipa qespimunan lawpi kaq punku waqaychaq karqa, paymi nanachikurqa Diospaq kikinkumanta apamusqanku ofrendakunata, hina paytaqmi rakinarqa Tayta Diospaq apamusqanku ofrendakunatawan Diosllapaqña sapaqchasqa kaqkunatapas.

Esdras 2:63

Chayraykum paykunata kamachikuqkuna nirqaku: Amam mikunkichikraqchu Diospaq sapaqchasqa mikuykunataqa, Urimtawan Tumimta choqaspa Tayta Diosta sacerdote tapunankama, nispanku.

Ezequiel 44:29

Paykunaqa Israel miraykunapa ofrecewasqanku kawsaykunatam mikunqaku, mikunqakutaqmi hucharayku chaynataq culparayku ofrecemuwasqanku animalpa aychantapas. Israelpa mirayninkunapa ñoqapaq sapaqchasqankupas paykunapaqmi kanqa.

Ezequiel 46:20

Hinaspam niwarqa: Kaypim sacerdotekuna culparayku hinaspa hucharayku ofrecewasqanku animalkunapa aychanta yanunqaku; chaypitaqmi kawsay ofrendakunatapas yanunqaku. Chaynapim imapas ofrecewasqankutaqa mana hawa patiomanqa hurqonqakuchu, llapa runakunapas manataqmi ñoqapaq sapaqchasqa kaqkutaqa llapchanqakuchu, nispa.

Levítico 10:12

Aarontawan iskaynin puchuq churin Eleazartawan Itamartam Moisés kaynata nirqa: Tayta Diospaq kañasqa kawsay ofrendapa puchunta mana levadurayuqta altarpa waqtanpi mikuychik. Chay ofrendaqa Tayta Diosllapaqña sapaqchasqa ofrendam.

Levítico 14:13

Chay malta carnerotaqa sacerdotem wañuchinqa, hucharayku ofrendatawan lliw kañapuwananku ofrendata wañuchinanku sitiopi. Culparayku ofrecewasqanku ofrendaqa sacerdotepaqmi kanqa imaynam hucharayku ofrenda hina, chayqa ñoqallapaqña sapaqchasqam.

Levítico 2:3

Chay ofrendamanta puchuqñataqmi Aaronpaqwan mirayninkunapaq kanqa. Chay ofrendaqa kañasqa ofrendakunamanta ñoqallapaqña chuya ofrendam.

Levítico 21:22

Sacerdotekunapa ofrecewasqanku mikuytawan ñoqallapaqña sapaqchasqa ofrendakunataqa mikunmanmi.

Levítico 5:13

Chaynatam sacerdote ruwanqa huchallikuq runapa ima huchanpas pampachasqa kananpaq, chaynapim huchan pampachasqa kanqa, puchuqnin harinañataqmi sacerdotepaq kanqa, kawsaykunamanta ofrenda hina, nispa.

Levítico 6:16

Chay ofrendamanta puchuq harinatañataqmi Aaronpiwan mirayninkuna mana levadurayuqta mikunqaku, Diosman asuykuna carpapa ñawpaqninpi, chaypaq akllasqa sitiopi.

Levítico 6:23

Sacerdotekunapa kawsaykunamanta llapallan ofrendankum tukunankama kañasqa kanqa. Chaytaqa amam pipas mikunqachu, nispa.

Levítico 6:9

Lliw kañana animalkunamanta, Aarontawan churinkunata kaynata kamachiy: Lliw kañana animalqa tukuy tutam altarpi uchpayanankama rupanqa.

Levítico 7:7

Culpamanta ofrendakunaqa huchamanta ofrenda hinam, yachachikuyniypas hina chayllam iskayninpaq. Hucha pampachanapaq ofrecewasqanku animalpa aychanqa chay ofrecewaqniy sacerdotepaqmi kanqa.

Números 18:9

Ñoqapaq kañananku ofrendakunamantam qampaq kanqa: Kawsaykunamanta ofrendakuna, Israel miraykunapa huchamanta otaq culpamanta animal wañuchisqanku ofrendakuna; chaynaqa ñoqaman ofrecewasqanku ofrendakunam qampaq chaynataq churikikunapaq sapaqchasqa kanqa.

1~Samuel 2:28

Chaymi Israelpi llapallan ayllukunamanta ñawpaq taytayki Aaronpa castankunata akllarqani sacerdoteykunaña kanankupaq, chaynapi animalkunata altarniypa hawanpi chaynataq inciensotapas kañapuwanankupaq hinaspa efodwan churakuspa ñawpaqniypi serviwanankupaq. Qorqanitaqmi Israelpa mirayninkunapa kañasqan ofrendakunatapas.