Levítico 19:31 - CHUYA QELLQA La Biblia en Quechua de Ayacucho 2012

³¹ Alma qayaqkunamanwan qatipaq-kunamanqa amam rinkichikchu, chay-kuna ruwaqta maskaspaqa millakuypaqmi kawaqchik. Ñoqa Tayta Diosmi Diosnikichik kani.

Quechua Ayacucho Bible 1987

³¹ —Amam rinkichikchu espiritistakunamanqa nitaq qayaqkunamanpas. Chaykuna ruraqta maskaspaqa millakuypaqmi kawaqchik. Ñoqaqa yupaychasqaykichik Tayta Diosmi kani.

Chuya Qellqa 1992

³¹ Alma qayaqkunamanwan qatipaqkunamanqa amam rinkichikchu, chaykuna ruwaqta maskaspaqa millakuypaqmi kawaqchik. Ñoqa Tayta Diosmi Diosnikichik kani.

Levítico 19:31 Iomraidhean Croise

2~Reyes 17:17

Churinkutam qaritapas warmitapas idolokunaman ofrecerqaku, qatipaqkunamanwan layqakunamanmi qokururqaku. Tukuy mana allin ruwaykunaman qokuruspankum Tayta Diosta piñachirqaku.

2~Reyes 21:6

Churintapas idolokunapaqmi kañapurqa. Layqayayman qokuruspanmi kikinpuni hatarichirqa qatipaqkunatawan alma qayaqkunata. Chay millakuypaq mana allin kaqkunata ruwaspanmi Tayta Diosta piñachirqa.

2~Reyes 23:24

Rey Josiasqa qatipaqkunatapas, layqakunatapas, qayaqkunatapas, rik-chaqmana idolokunatapas chaynataq wasikunapi idolokunatapas, idolo-kuna yupaychanankupaq ruwasqanku millakuypaq kaqkunatapas Judá nacionmantawan Jerusalenmantam chinkarachirqa. Chaytaqa ruwarqa templopi sacerdote Hilciaspa tarisqan libropi Tayta Diospa yachachikuyninta cumplinanpaqmi.

1~Crónicas 10:13

Chaynatam Saúl wañurqa Tayta Diospa contranpi huchallikuspan kamachisqankunatapas mana kasukusqanrayku chaynataq layqa warmita tapukuspan

2~Crónicas 33:6

Churinkunatapas Ben-hinom way-qopim sacrificarqa, layqa kayman qokuruspanmi alma qayaqkunatawan qatipaqkunatapas kikinpuni hatarichirqa. Chay millakuypaq mana allin kaqkunata ruwaspanmi tayta Diosta piñachirqa.

Éxodo 22:18

Layqa warmitaqa wañuchinkichikmi.

Isaías 29:4

Chaynapim allpaman wichichisqa kanki, qamqa allpamantam rimarimunki, qaparimusqaykipas allpa ukumantam uyarikamunqa, rimasqaykipas wachachachay hinam uyarikunqa.

Isaías 47:13

Umachasuqnikikunaqa aminaykikamam achkallaña karqa. Kunanyá qatipaqkuna hamuchunku, cielokunatawan chaskakunata qawaspa salvasunaykipaq, imam pasakunanmanta killan-killan willasunaykipaq.

Isaías 8:19

Sichum runakuna nisunkichik: Espiritistakunata qayakuychik, wachachachaspa upallallamanta rimaq espirituyuqkunata qayakuychik, ¿runakunaqa manachum diosninkuta tapukunmanku? ¿Kawsaqkunaqa manachum wañuqkunapa almanta tapukunmanku? nispanku.

Levítico 19:26

Ima aychatapas yawarnintintaqa amam mikunkichikchu. Amataqmi qatipaqkunapas nitaq layqakunapas kankichikchu.

Levítico 19:3

Tayta-mamaykichikta sapakama kasukuychik. Samana punchawkunapipas samankichikmi. Ñoqaqa Tayta Diosmi kani.

Levítico 20:27

Qaripas warmipas wañuqkunapa almanta qayaq kaptinqa otaq qatipaq kaptinqa rumiwan chamqapaspam wañuchinqaku, wañuspankuqa kikinkum huchayuq kanqaku, nispa.

Hechos 8:11

Paytam kasukuqku, layqakuyninwan unayña paykunata engañasqanrayku.

Gálatas 5:20

ídolo yupaychaykuna, layqanakuykuna, cheqninakuykuna, liryanakuykuna, envidiakuykuna, piñakuykuna, kikillanpaq imapas munaykuna, rakinakuy hatarichiykuna, pantaywan apachikuykuna,

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.

1~Samuel 28:3

Samuelmi wañukurqaña, Israel runakunapas paymanta llumpayta waqaspankum Ramá llaqtanpi pamparamurqaku. Saulñataqmi qatipaqkunata chaynataq wañuqpa alman qayaqkunata Israel nacionmanta wischururqa.