Levítico 19:30 - CHUYA QELLQA La Biblia en Quechua de Ayacucho 2012

³⁰ Samana punchawniykunapim saman-kichik, santuarioytapas respetankichikmi. Ñoqaqa Tayta Diosmi kani.

Quechua Ayacucho Bible 1987

³⁰ Samana punchawniykunapim samankichik hinaspam santuarioytapas respetankichik. Ñoqa Tayta Diosmi chaynata nini.

Chuya Qellqa 1992

³⁰ Samana punchawniykunapim samankichik, santuarioytapas respetankichikmi. Ñoqaqa Tayta Diosmi kani.

Levítico 19:30 Iomraidhean Croise

2~Crónicas 33:7

Tayta Diospa templonpipas kikinpa ruwasqan idolotam churarurqa. Chay templomantam Davidmanwan churin Salomonman Tayta Dios kaynata nirqa: Israelpi llapallan ayllukunamanta akllasqay Jerusalén llaqtapi kaq temploypim sutiyta wiñaypaq churasaq,

2~Crónicas 36:14

Judapi kamachikuqkunawan llapa sacerdotekunapa kamachiqninkuna hinaspa llapa runakunapas huchamanmi qokururqaku. Wakin llaqtakunata qatipakuspankum Jerusalenpi Tayta Diospa chuyanchasqan templontapas pasaypaqta qachacharurqaku.

Éxodo 20:8

Samana punchawtaqa amam qonqankichu ñoqapaq sapaqchasqa kasqanrayku.

Eclesiastés 5:1

Diospa templonman rispaykiqa qasillalla kaspayá yachachikuyta allinta uyariy, amayá mana yachayniyuq runakunapa sacrificasqanta hina ofrecenaykipaqchu, paykunaqa manam yachankuchu mana allin ruwasqankutaqa.

Ezequiel 9:6

Ama hukllatapas puchuykuspam yuyaqkunatapas, jovenkunatapas, sipaskunatapas, wawakunatapas hinaspa warmikunatapas wañuchimunkichik; urkunpi señalniyuq kaqkunatam ichaqa ama imanankichikchu. Temploypi kaqkunamantam wañuchiytaqa qallaykunkichik, nispa. Chaymi templopa ñawpaqninpi kaq ancianokunamanta wañuchiyta qallay-kurqaku.

Levítico 10:3

Hinaptinmi Tayta Diospa imam nisqanta Aaronman Moisés kaynata nirqa: Pipas asuykamuwaqniymanqa chuya kasqaytam qawachisaq, llapallan runakunapa qayllanpitaqmi yupaychasqa kasaq, nispa. Chaymi Aaronqa upallalla karqa.

Levítico 15:31

Chaynatam Israelpa mirayninkunata tukuy millakuypaq kaqninkunamanta chuyanchankichik, chaynataqa ruwankichik paykunapa chawpinpi yachanay carpata millakuypaqta ruwaruspa ama wañurunankupaqmi.

Levítico 16:2

Wawqeki Aaronta niy, carpapi “Chuyay-chuyay” lugarmanta “Chuya” lugarta rakinaq velopa qepanmanqa otaq Arcapa tapanpa ñawpaqninmanqa ama sapa kutilla yaykunanpaq, chaynapi ama wañurunanpaq. Ñoqam Arcapa tapanpa hawanpi puyupi sutillata rikurisaq.

Levítico 19:3

Tayta-mamaykichikta sapakama kasukuychik. Samana punchawkunapipas samankichikmi. Ñoqaqa Tayta Diosmi kani.

Levítico 26:2

Samana punchawniykunapiqa samankichikpunim, santuarioytapas respetankichiktaqmi. Ñoqaqa Tayta Diosmi kani.

Mateo 21:13

Hinaspam nirqa: Chuya Qellqapim nichkan: “Temployqa mañakuna wasiwan sutichasqam kanqa”, nispa; qamkunam ichaqa suwakunapa machayninta hinaña ruwarunkichik, nispa.

2~Corintios 6:16

Diospa templonwan idolokunapa templonqa manam kaqkamallaqa kanmanchu. Ñoqanchikqa kawsaq Diospa templonmi kanchik, kikin Diosmi nirqa: “Paykuna ukupim yachasaq, paykuna ukupim purisaq, paykunapa Diosninmi kasaq, paykunañataqmi llaqtay kanqaku”, nispa.

1~Pedro 4:17

Ñam chayaramunña Diospi iñiqkunata juzganan punchaw, ñoqanchikwan juicio qallariptinqa, ¿imaynaraq kanqa Diospa allin notician mana kasukuqkunaqa?