Levítico 19:15 - CHUYA QELLQA La Biblia en Quechua de Ayacucho 2012

¹⁵ Juez kaspaykiqa allinllatam arreglanki, wakchamanpas nitaq apumanpas amam sayapakunkichu, runamasikipa quejantaqa allintam arreglanki.

Quechua Ayacucho Bible 1987

¹⁵ —Juez kaspaykiqa allinllatam arreglanki, amam sayapakunkichu wakchamanpas nitaq apumanpas. Derechonpim sumaqta arreglanki runamasikipa quejantaqa.

Chuya Qellqa 1992

¹⁵ Juez kaspaykiqa allinllatam arreglanki, wakchamanpas nitaq apumanpas amam sayapakunkichu, runamasikipa quejantaqa allintam arreglanki.

Levítico 19:15 Iomraidhean Croise

Jobwan Sutichasqa Libro 13:8

¿Diosman sayapakuytachu piensankichik? ¿Diosta nanachikuytachu munankichik?

Jobwan Sutichasqa Libro 32:21

Pimanpas manam sayapakusaqchu nitaqmi pitapas alabasaqchu.

Jobwan Sutichasqa Libro 34:19

Payqa kamachikuqkunamanpas manam sayapakunchu, wakchatapas manam desprecianchu, apumanpas manam sayapakunchu; lliw runakunaqa paypa unanchasqallanmi kanku.

Éxodo 18:21

Runakunamanta akllay chaypaq hina qarikunata, Dios respetaqkunata, cheqap rimaq qarikunata, qollqe kuyayta cheqniqkunata. Paykunatam churanki waranqa runakunapi, pachak runakunapi, pichqa chunka runakunapi chaynataq chunka runakunapi, kamachikuqkuna kanankupaq.

Proverbios 18:5

Manam allinchu mana allin ruwaqman sayapakuspa mana huchayuqta sentenciaruyqa.

Proverbios 24:23

Kaykunapas yachayniyuqkunapa rimarisqankunam: Juzgadopi hukkaqllanman sayapakuruyqa manam allinchu.

Proverbios 31:9

kallpawan rimarispayá justiciata ruway, wakchakunatawan mana piniyuqkunatayá nanachikuy.

Levítico 19:35

Juzgaspaykichikqa allinllatam arreglankichik, tupuspapas, pesaspapas hinaspa yupaspapas imam kaqllatataqmi qonakunkichik.

Juan 7:24

Amayá qawasqaykichikman hinallachu juzgaychikqa, aswanqa ama pimanpas sayapakuspayá allin arreglota ruwaychik, nispa.

Hechos 23:3

Pabloñataqmi nirqa: ¡Yaw iskay uya! Diosmi qamtapas laqechusunki, leyman hina juzgawanaykipaqmi chaypiqa tiyachkanki, ¿ima-nasqataq leyta mana kasukuspayki laqechuwanankupaq kamachinki? nispa.

Deuteronomio 1:17

Juzgaspaqa amam pimanpas sayapakunkichikchu. Ama manchakuspam wakchatapas aputapas, atiyniyuqta mana atiyniyuqtapas uyarinkichik. Allin arregloqa Tayta Diosmantam hamun. Mana arreglay atisqaykichikkunatam ichaqa arreglanaypaq ñoqaman apamuwankichik, nispa.

Deuteronomio 10:17

Señornikichik Tayta Diosqa dioskunapapas Diosninmi, señorkunapapas Señorninmi, Payqa hatun munayniyuqmi, Tukuy Atiyniyuqmi, kasukuna Diosmi. Manam pimanpas sayapakunchu nitaqmi sobornotapas chaskikunchu,

Deuteronomio 16:19

Allin arreglo ruwaytaqa amam qewirunkichikchu. Wakin runakunallamanqa amataqmi imaraykupas sayapakunkichikchu. Juez kaspaykichikqa amam sobornotaqa chaskikunkichikchu. Sobornoqa yachayniyuqkunatapas ñawsayachinmi, pantachintaqmi allin ruwaqkunapa rimaynintapas.

Deuteronomio 27:19

¡Huklaw llaqtayuqta, viudata, mana tayta-mamayuqta engañaq runaqa ñakasqayá kachun! nispanku. Hinaptinmi llapa runakunañataq ninqaku: ¡Amén! nispanku.