Levítico 19:14 - CHUYA QELLQA La Biblia en Quechua de Ayacucho 2012

¹⁴ Mana uyarikuqkunataqa amam ñakankichu, ñawsapa purinanmanpas amataqmi trancata churankichu, aswanqa Diosnikitam kasukunki. Ñoqaqa Tayta Diosmi kani.

Quechua Ayacucho Bible 1987

¹⁴ —Amam ñakankichu mana uyarikuqkunataqa. —Ñawsapa purinanmanpas amataqmi churankichu trancataqa aswanqa Diosnikitam respetanki. Ñoqa Tayta Diosmi chaynata nini.

Chuya Qellqa 1992

¹⁴ Mana uyarikuqkunataqa amam ñakankichu, ñawsapa purinanmanpas amataqmi trancata churankichu, aswanqa Diosnikitam kasukunki. Ñoqaqa Tayta Diosmi kani.

Levítico 19:14 Iomraidhean Croise

Génesis 42:18

Kimsa punchawmantam paykunata José nirqa: Ñoqaqa Diostam kasukuni, kawsakuyta munaspaqa kaynata ruwaychik:

Nehemías 5:15

Ñoqamanta punta kaq gobernadorkunam ichaqa, mana allin kamachikuqkuna kaspanku, mikunankupaqwan vino tomanankupaq sapa punchaw yaqa parte kilo qollqeta cobrarqaku; paykunapa yanapaqninkunapas llaqtatam ñakarichirqaku. Ñoqam ichaqa Diosta manchakusqayrayku mana chaynatachu ruwarqani.

Levítico 19:15

Juez kaspaykiqa allinllatam arreglanki, wakchamanpas nitaq apumanpas amam sayapakunkichu, runamasikipa quejantaqa allintam arreglanki.

Levítico 19:32

Yuyaqkunapa qayllanpiqa sayarispam paykunata respetankichik, Diosnikitapas kasukunkitaqmi. Ñoqaqa Tayta Diosmi kani.

Levítico 25:17

Amam runamasikitaqa engañankichu, aswanqa Diosnikichiktam kasukunkichik. Ñoqa Tayta Diosmi Diosnikichik kani.

Romanos 12:14

Qatikachasuqnikichiktaqa bendeciychik, ama ñakaspa bendeciychik.

Romanos 14:13

Chaynaqa, amañayá kikinchikpuraqa juzganakusunchu, aswanqa tanteakuychik ama wawqe-panikichikta urmachinaykipaq hinaspa iñiyninpi ama wichichinaykichikpaq.

1~Corintios 10:32

Amayá judiokunatapas, mana judiokunatapas, nitaq Diospi iñiqkunatapas huchallichiychikchu.

Deuteronomio 27:18

¡Ñawsa runata purisqan ñanmanta pantarachiq runaqa ñakasqayá kachun! nispanku. Hinaptinmi llapa runakunañataq ninqaku: ¡Amén! nispanku.

1~Pedro 1:17

Sichum “Taytáy” ninkichik pimanpas mana sayapakuspa runakunapa ruwayninman hina juzgaq Diosta, hinaspaqa tukuy tiempo kasukuspayá huklaw llaqtayuq hina kawsaychik.

1~Pedro 2:17

Llapallantayá respetaychik, llapa iñiqmasikichiktapas kuyaychik, Diostapas hatunchaychik, reytapas kasukuychik.

Apocalipsis 2:14

Ichaqa kay aslla kaqkunam contraykipi kachkan: Hinallam hatallichkanki Balaampa yachachisqanman hina ruwaqkunata. Balaammi umacharqa Balacta Israelpa mirayninkunata huchallichinanpaq. Chaymi Israelpa mirayninkunaqa idolokunaman ofrecesqa aychata mikuspanku waqllikuspa huchallikurqaku.