Levítico 19:10 - CHUYA QELLQA La Biblia en Quechua de Ayacucho 2012

¹⁰ Uvasta pallachispapas amam maskapachinkichu nitaqmi wichisqankunatapas pallapankichu, chaykunataqa wakcha-kunapaqwan huklaw llaqtayuqkunapaqmi saqenki. Ñoqa Tayta Diosmi Diosnikichik kani.

Quechua Ayacucho Bible 1987

¹⁰ Uvasnikita pallachispapas amam maskapachinkichu nitaqmi wichisqankunatapas pallapankichu, chaykunataqa wakchakunapaqwan forasterokunapaqmi saqenki. Ñoqaqa yupaychasqaykichik Tayta Diosmi kani.

Chuya Qellqa 1992

¹⁰ Uvasta pallachispapas amam maskapachinkichu nitaqmi wichisqankunatapas pallapankichu, chaykunataqa wakchakunapaqwan huklaw llaqtayuqkunapaqmi saqenki. Ñoqa Tayta Diosmi Diosnikichik kani.

Levítico 19:10 Iomraidhean Croise

Isaías 17:6

Imaynam aceitunata pallaruptinku iskay-kimsa rurullaña qeparun, otaq allin ruruq kallmapi tawa pichqallaña puchurun, chayman rikchakuqmi kanqa. Israelpa yupaychasqan Tayta Diosmi chaynata nin.

Isaías 24:13

Kay pachapi nacionkunam kayna kanqa: Imaynam aceitunasta waqtapaspa cosecharusqanku hinam kanqa, otaq uvas cosechayta tukuruptinku maskaparusqanku hinam kanqa.

Jeremías 49:9

Uvasta cosechaspaqa maskapakunankupaqmi puchunku, suwakunapas tuta hamuspankuqa kamallatam apakunku.

Levítico 11:44

Ñoqa Tayta Diosmi Diosnikichik kani. Ñoqa chuya kasqayraykuyá qamkunapas sapaqchakuspa chuyanchakuychik. Amayá pampan puriq animalkunata llapchaspaqa millakuypaqta ruwakuychikchu.

Levítico 19:11

Amam suwakunkichikchu, amam engañankichikchu, amataqmi llullakunkichikchu.

Levítico 19:25

Pichqa kaq watanpiñam chay sachapa rurunkunataqa mikunkichik. Chaynapim chay sachaykichik astawan rurupusunkichik. Ñoqa Tayta Diosmi Diosnikichik kani.

Levítico 19:9

Chakraykipi imatapas cosechaspaykiqa amam patankamaqa rutunkichu nitaqmi wichisqankunatapas pallapankichu.

Levítico 23:22

Chakraykichikpi rutuspaykichikqa amam kuchun-kuchunqa rutunkichikchu, nitaqmi puchuqkunatapas pallapankichikchu, chaykunataqa wakchakunapaqwan huklaw llaqtayuqkunapaqmi saqenkichik. Ñoqa Tayta Diosmi Diosnikichikqa kani, nispa.

Levítico 25:6

Samasqan watapi allpapa rurunkunaqa haypanqam mikunaykichikpaq, haypanqataqmi serviqnikichikkunapaqpas, llamkapakuq runakunapaqpas chaynataq qamkunawan yachaq huklaw llaqtayuqkunapaqpas;

Abdías 1:5

Suwakunaña tutan hamususpaykipas, ¿manachum paykunaqa munasqan kaqllata apanmanku? Uvas pallaqkunaña yaykumususpaykipas, ¿manachum asllatapas maskapakunapaq puchuykunmanku? Qamtam ichaqa enemigoykikuna pasaypaqta tuñirachisunki.

Miqueas 7:1

¡Ay, imallapiraq rikukuni! Cosecharuptinku pallapakuq hinam rikuriruni, uvasta pallaparuptinku, mikuykuyta munaspa chulla rurullatapas mana tariq hinam rikuriruni.

Deuteronomio 24:19

Kawsaynikikunata rutuspa hukkaqnin gavillata chakrapi qonqaruspaqa amañam hoqariqqa kutinkiñachu. Chaytaqa huklaw llaqtayuqkunapaqwan mana tayta-mamayuqkunapaq chaynataq viudakunapaqmi saqenki. Chaynapim Señornikichik Tayta Dios tukuy ruwasqaykipi bendecisunki.

Deuteronomio 24:20

Aceitunasta pallaspaqa amañam pallapankichu. Puchuqkunataqa huklaw llaqtayuqkunawan mana tayta-mamayuqkuna chaynataq viudakuna pallapakunanpaqmi saqenki.

Deuteronomio 24:21

Uvasnikita pallaspaqa amañam pallapankichu. Puchuqkunataqa huklaw llaqtayuqkunawan mana tayta-mamayuqkuna chaynataq viudakuna pallapakunanpaqmi saqenki.

Jueces 8:2

Chaymi Gedeón nirqa: Qamkunapa ruwasqaykichikmantaqa ñoqaqa asllatam ruwaruni, qamkunapa ruwasqaykichikqa aslla kaspapas ñoqaykupa ruwasqaykumantaqa aswan masraqmi.

Rutwan Sutichasqa Libro 2:2

Huk punchawmi Noemiyta Rut nirqa: Mañakuykim chakraman rirunaypaq, pipas chaskiykuwaqniypa chakranpi cebadata pallapakaramunaypaq, nispa. Chaymi Noemí nirqa: Riruyá wawalláy, nispa.