Levítico 18:27 - CHUYA QELLQA La Biblia en Quechua de Ayacucho 2012

²⁷ Tukuy kay millarikuypaq kaqkunatam qamkunamanta chay allpapi punta yachaq runakuna ruwarqaku, hinaptinmi chay allpapas millarikuypaq karqa.

Quechua Ayacucho Bible 1987

²⁷ Tukuy kay millarikuypaq kaqkunataqa rurarqaku qamkunamanta chay allpapi punta yachaq runakunam hinaptinmi chay allpapas millarikuypaq karurqa.

Chuya Qellqa 1992

²⁷ Tukuy kay millarikuypaq kaqkunatam qamkunamanta chay allpapi punta yachaq runakuna ruwarqaku, hinaptinmi chay allpapas millarikuypaq karqa.

Levítico 18:27 Iomraidhean Croise

1~Reyes 14:24

Chay nacionpiqa qarikunapas qarimasillanwan qachakuspankum tukuy rikchaq idolokunataña yupaycharqaku, hinaspam ruwarqaku Israelpa mirayninkunapa qayllanmanta Tayta Diospa qarqosqan runakunapa millakuypaq huchankunataña.

2~Reyes 16:3

Aswanqa Israel nacionpi reykunapa kawsasqanta hinam kawsarqa. Israelpa mirayninkunapa qayllanmanta Tayta Diospa qarqosqan runakunapa millakuypaq ruwasqankuta hina ruwaspam paypas churinta sacrificarqa.

2~Reyes 21:2

Payqa Tayta Diospa qayllanpim mana allinkunata ruwarqa. Israelpa mirayninkunapa qayllanmanta Tayta Diospa qarqosqan runakunapa millakuypaq ruwasqankunata hina ruwaspam huchallikurqa.

2~Crónicas 36:14

Judapi kamachikuqkunawan llapa sacerdotekunapa kamachiqninkuna hinaspa llapa runakunapas huchamanmi qokururqaku. Wakin llaqtakunata qatipakuspankum Jerusalenpi Tayta Diospa chuyanchasqan templontapas pasaypaqta qachacharurqaku.

Ezequiel 16:50

Hatun tukuqllaña rikuriruspankum millakuypaq kaqkunataña qayllaypi ruwarqaku, chayraykum qawasqaykipi hinapas chinkarachirqani.

Ezequiel 22:11

Runamasinkupa warminkuwanmi waqllikunku, llumchuyllankuwanmi qanrakunku, taytankupa churillantam abusanku.

Oseas 9:10

Tayta Diosmi kaynata nin: Israel miraykunataqa chunniqpi uvasta hinam tarirqani; ñawpaq taytankutapas, higospa punta kaq rurunta hinam tarirqani. Paykunam ichaqa Baal-peorman chayaruspanku idolokunaman wischukuykuspa millakuypaq rikurirurqaku, yupaychasqanku idolokuna hina millakuypaqmi rikurirurqaku.

Levítico 18:24

Amam chaykunata ruwaspa millakuypaqtaqa ruwakunkichikchu. Chaykunata ruwaspam qayllaykichikmanta wischu-nay llapa nacionkunapas millakuypaqta qachachakurqaku.

Levítico 18:26

Israel casta runakuna, kamachikuyniykunatawan yachachikuyniykunata kasukuychik chaynataq qamkunawan yachaq huklaw llaqtayuqkunapas; hinaspayá kay millarikuypaq kaqkunataqa ama ruwaychikchu.

Levítico 18:28

Millakuypaq kaqkunata ruwaptikichikqa yanqañataq qamkunatapas atqochkaq hina chay allpa wischurusunkichikman, chaynatam chay allpapi puntata yachaq runakunatapas wischururqa.

Deuteronomio 20:18

chaynapi millakuypaq kaqkunata ruwaspanku idolonku yupaychayta mana yachachisunaykichikpaq. Chaynapi Señornikichik Tayta Diospa contranpi ama huchallikunaykichikpaq.

Deuteronomio 23:18

Chayna millakuypaq ruwasqanwan ganakamusqanmanta Tayta Diospa templonman apamunankutaqa amam munankichikchu. Chayqa Señornikichik Tayta Diospa qayllanpiqa hatun millakuypaqmi.

Deuteronomio 25:16

Señornikichik Tayta Diosqa millakunmi chayna mana allinkunata ruwaspa runamasinku engañaqkunataqa.

Deuteronomio 27:15

¡Llaqllaspan otaq metalta chulluchispan idolota ruwaruspan pakasqapi hatalliq runaqa ñakasqayá kachun, chaytaqa Tayta Diosqa millakunmi! nispanku. Hinaptinmi llapa runakunañataq ninqaku: ¡Amén! nispanku.