Levítico 18:25 - CHUYA QELLQA La Biblia en Quechua de Ayacucho 2012

²⁵ Chayna ruwayku-nawanmi allpapas millakuypaqña rikurirurqa, chayraykum chay mana allinkuna ruwasqankumanta castigarqani, allpapas chay runakunataqa atqochkaq hinam atqorurqa.

Quechua Ayacucho Bible 1987

²⁵ Chayna ruraykunawanmi allpapas millarikuypaqña rikurirurqa hinaptinmi allpataqa castigarqani runakuna mana allin rurasqankumanta. Chayraykum allpapas chay runakunata vomitachkaq hina wischuchkan.

Chuya Qellqa 1992

²⁵ Chayna ruwaykunawanmi allpapas millakuypaqña rikurirurqa, chayraykum chay mana allinkuna ruwasqankumanta castigarqani, allpapas chay runakunataqa atqochkaq hinam atqorurqa.

Levítico 18:25 Iomraidhean Croise

1~Reyes 21:26

Idolokunata qatispam millakuypaq huchakunata ruwarqa, amorreokunapa ruwasqanta hinam ruwarqa. Paykunatam Israelpa mirayninkunapa qayllanmanta Tayta Dios wischururqa.

Esdras 9:11

Profetaykikunawanmi kaynata nichiwarqankiku: “Munaychakunaykichikpaq yaykusqaykichik allpaqa, chaypi yachaq runakunapa qachachasqanmi kachkan, paykunaqa millakuypaq ruwasqankuwanmi kuchun-kuchun qachacharunku.

Isaías 24:5

Kay pachatam llapa runa millakuypaqta ruwarunku, kamachikuykunata mana kasukuspanku, allin ruwayta saqeruspanku, wiña-wiñaypaq pacto ruwasqankuta saqeruspanku.

Isaías 26:21

Tayta Diosqa maypim kasqanmantam lloqsimunqa, paypa contranpi huchallikusqankuraykum kay pachapi yachaqkunata castigananpaq hamunqa; kay allpaqa manañam wañusqakunapa yawarninta pakanqañachu, wañusqakunatapas manañam pakanqañachu.

Jeremías 14:10

Tayta Diosmi kay llaqtamanta kaynata nin: Paykunaqa kayman chayman kallpakachayllatam gustanku, chakinkutapas manam samaykachinkuchu. Chayraykum paykunataqa mana chaskisaqchu. Kunanmi mana allin ruwasqankuta yuyarispa huchankumanta cuentata mañasaq, nispa.

Jeremías 16:18

Puntataqa mana allinkunata ruwaspa huchallikusqankumantam mirayniyuqta pagapusaq. Paykunaqa wañusqa idolokunawanmi allpayta millakuypaqta ruwarunku, millakuypaqta huchallikusqankuwanmi herenciankupaq qosqay allpata qanracharunku, nispay.

Jeremías 2:7

Tukuy imakunapa wiñanan allpamanmi pusamurqaykichik, chay allpapa allinnin rurunta mikukunaykichikpaqmi pusamurqaykichik; qamkunam ichaqa yaykuruspa qachacharunkichik, allpaytam millakuypaqta ruwarunkichik.

Jeremías 23:2

Chayraykum llaqtay michiqkunata Israelpa yupaychasqan Tayta Dios kaynata nin: Qamkunam ovejaykunata cheqerachispa ayqerachinkichik. Manam nanachikurqankichikchu. Chayraykum mana allinkuna ruwasqaykichikmanta castigasqaykichik. Ñoqa Tayta Diosmi chaynata nini.

Jeremías 5:29

¿Manachu chaykuna ruwasqankumanta castigasaq? ¿Manachu chayna nacionmanta vengakusaq? Ñoqa Tayta Diosmi chaynata nini.

Jeremías 5:9

Tayta Diosmi kaynata nin: ¿Manachu chaykuna ruwasqanmanta castigasaq? ¿Manachu chayna llaqtaman merecesqanta qopusaq?

Jeremías 9:9

Chaykuna ruwasqankumantaqa ¿manachu paykunata castigasaq? Chayna ruwasqankumantaqa ¿manachu paykunata vengakusaq? Ñoqa Tayta Diosmi chaynata nini.

Oseas 2:13

Ñoqata qonqaruwaspam anillokunawan collarkunawan churakuykuspa kuyaqninkunata qatikurqa, hinaspam Baal idoloman inciensota kañapurqa, chaykunamantam payta ñakarichisaq. Tayta Diosmi chaynata nin.

Oseas 8:13

Aychata mikunankuraykum ofrendatawan sacrificiota kañapuwanku, ichaqa ñoqa Tayta Diosmi chaytaqa mana chaskinichu. Ñoqam llumpay hucha ruwasqankuta qawachkani, chayraykum paykunataqa ñakarichisaq, Egipto nacionmanmi esclavo kanankupaq kutichisaq.

Oseas 9:9

Gabaa llaqtapi ruwasqankuta hinaraqmi llumpayta huchallikurunkichik; Tayta Diosmi ichaqa mana allin ruwaynikichikta yuyaykuspan ñakarichisunkichik.

Levítico 18:26

Israel casta runakuna, kamachikuyniykunatawan yachachikuyniykunata kasukuychik chaynataq qamkunawan yachaq huklaw llaqtayuqkunapas; hinaspayá kay millarikuypaq kaqkunataqa ama ruwaychikchu.

Levítico 18:28

Millakuypaq kaqkunata ruwaptikichikqa yanqañataq qamkunatapas atqochkaq hina chay allpa wischurusunkichikman, chaynatam chay allpapi puntata yachaq runakunatapas wischururqa.

Romanos 8:22

Yachasqanchikpi hinam Diospa tukuy ima unanchasqankunaqa kunankama ñakarichkan, yaqa wachakuywan ñakarichkaq warmi hina.

Deuteronomio 18:12

Chaykuna ruwaqtaqa Tayta Diosmi millakun. Chay nacionkunataqa chayna millakuypaq kaqkunata ruwasqankuraykum qayllaykichikmanta Señornikichik Tayta Dios wischunqa.

Deuteronomio 21:23

amam chaypiqa tukuy tutaqa cuerponta saqerunkichikchu, aswanqa chay punchawllam pamparunkichik. Sachapi warkusqa wañuq runaqa Diospa ñakasqanmi. Señornikichik Tayta Diospa qosusqaykichik allpataqa amam millakuypaqtaqa ruwankichikchu.

Deuteronomio 9:5

Manam allin ruwaq runakuna otaq allin sonqoyuq kasqaykichikraykuchu paykunapa allpanmanqa pusasunkichik. Aswanqa Señornikichik Tayta Diosmi chay runakunataqa mana allinkuna ruwasqankumanta qarqonqa, chaynata ñawpaq taytaykichik Abrahamman, Isaacman hinaspa Jacobman jurasqanta cumplinanpaq.