Levítico 18:24 - CHUYA QELLQA La Biblia en Quechua de Ayacucho 2012

²⁴ Amam chaykunata ruwaspa millakuypaqtaqa ruwakunkichikchu. Chaykunata ruwaspam qayllaykichikmanta wischu-nay llapa nacionkunapas millakuypaqta qachachakurqaku.

Quechua Ayacucho Bible 1987

²⁴ —Chay ruraykunawanqa amam millakuypaqta rurakunkichikchu. Chaykunawanmi qayllaykichikmanta wischunay llapa nacionkunapas millakuypaqña rikurirunku.

Chuya Qellqa 1992

²⁴ Amam chaykunata ruwaspa millakuypaqtaqa ruwakunkichikchu. Chaykunata ruwaspam qayllaykichikmanta wischunay llapa nacionkunapas millakuypaqta qachachakurqaku.

Levítico 18:24 Iomraidhean Croise

Génesis 15:16

Tawa kaq miraynikikunam kay allpaman kutimunqaku, chaykamam Amor casta runakunata huchallapiña kachkaptinkupas manaraq chinkachisaqchu, nispa.

1~Reyes 9:7

ñoqam Israel nacionta maymi qosqay allpamanta qarqorusaq. Kay ñoqapaq sapaqchasqay templotapas chinkarachisaqmi, hinaptinmi Israelpa mirayninkunamanta wakin runakunapas penqaspa burlakunqaku.

2~Crónicas 33:2

Payqa Tayta Diospa qayllanpim mana allinkunata ruwarqa. Israelpa mirayninkunapa qayllanmanta Tayta Diospa qarqosqan runakunapa millakuypaq ruwasqankunatam ruwarqa.

Esdras 9:1

Chaykuna ruwayta tukuruptinkum, llapa kamachikuqkuna asuykamuwaspa niwarqaku: Israel runakunawan sacerdotekuna hinaspa levitakunaqa manam rakikunkuchu millakuypaq ruwaq cananeokunamanta, heteokunamanta, ferezeokunamanta, jebuseokunamanta, amonitakunamanta, moabitakunamanta, egipciokunamanta hinaspa amorreokunamantaqa, aswanqa paykunapa millakuypaq ruwasqankutam qatipakunku.

Jeremías 44:4

Serviqniy profetakunata kachamuspaymi ñataq-ñataq willachirqaykichik, ñoqapa cheqnisqay chaynataq millakusqay kaqkunata ama ruwanaykichikpaq.

Ezequiel 36:17

Runapa churin, Israelpa mirayninkuna allpankupi yachaspaqa mana allin kawsayninkuwan chaynataq mana allin ruwayninkuwanmi millakuypaqtaña ruwarurqaku; paykunapa kawsasqankuqa qayllaypim karqa, imaynam killanwan onqoq warmipa qachan hina.

Levítico 18:3

Egipto nacionpi runakunapa ruwas-qankuta hinaqa amam imatapas ruwan-kichikchu. Canaán nacionpi yachaspaykichikpas amam chay llaqtayuq runakunapa ruwas-qankutaqa ruwankichikchu, amataqmi costumbrenman hinaqa kawsankichikchu.

Levítico 18:30

Chaynaqa, kay kamachisqaykunatayá kasukuychik, amayá millakuypaq kaqkunataqa ruwaychikchu imaynam qamkunamanta ñawpaq runakuna hinaqa. Chaykunawanqa amayá millarikuypaqtaqa ruwakuychikchu. Ñoqa Tayta Diosmi, Diosnikichik kani, nispa.

Números 35:34

Yachanaykichikpaq allpataqa amam millakuypaqta ruwankichikchu, chay yachanaykichik allpapiqa ñoqapas yachasaqmi. Ñoqa Tayta Diosqa Israelpa mirayninkuna ukupim yachani, nispa.

1~Corintios 3:17

Sichum pipas Diospa templonta tuñichiqtaqa Diosmi paytapas tuñirachinqa, Diospa templonqa chuyam, chay temploqa qamkunam kankichik.

Deuteronomio 12:31

Señornikichik Tayta Diostaqa amam paykunapa yupaychasqanman hinaqa yupaychankichikchu. Chay nacionniyuq runakunaqa idolonkuta yupaychanankupaqmi Señornikichik Tayta Diospa millakusqanta hinaspa cheqnisqanta ruwanku, paykunaqa churinkutapas chay idolonkumanmi kañapunku.

Deuteronomio 18:12

Chaykuna ruwaqtaqa Tayta Diosmi millakun. Chay nacionkunataqa chayna millakuypaq kaqkunata ruwasqankuraykum qayllaykichikmanta Señornikichik Tayta Dios wischunqa.

Deuteronomio 9:4

Señornikichik Tayta Dios qayllaykichikmanta paykunata qarqoruptinqa, amam sonqoykichikpi ninkichikchu: “Allin runakuna kasqanchikraykum Tayta Diosqa kay allpata qoykuwanchik”, nispaqa. Chay nacionkunataqa Tayta Diosqa qarqonqa mana allin runakuna kasqankuraykum.

Deuteronomio 9:5

Manam allin ruwaq runakuna otaq allin sonqoyuq kasqaykichikraykuchu paykunapa allpanmanqa pusasunkichik. Aswanqa Señornikichik Tayta Diosmi chay runakunataqa mana allinkuna ruwasqankumanta qarqonqa, chaynata ñawpaq taytaykichik Abrahamman, Isaacman hinaspa Jacobman jurasqanta cumplinanpaq.

Jueces 20:10

Israelpa mirayninkunamantam raki-sunchik sapa pachakmanta chunka qarikunata, waranqamantañataqmi pa-chak qarikunata, chunka waranqaman-tañataqmi waranqa qarikunata; chay qarikunam tropakunapaq mikuyta apanqaku, wakinñataqmi Benjamín lawpi Gabaa llaqtaman rispa Israel nacionpi millakuypaq kaqta ruwasqankumanta vengakamunqaku, nispanku.

Jueces 20:5

Hinaptinmi Gabaa llaqtapi runakuna contraypi hatarispanku wañuchiwanankupaq wasita tuta muyururqaku, hinaspam wañuchinankukama warmiyta abusarurqaku.

Jueces 20:6

Chaymi warmiypa ayanta kuchuparuspay lliw Israel ayllukunaman aparachirqani, chaynapi chay mana allin ruwasqankumanta hinaspa Israel nacionpi millakuypaq kaqta ruwasqankumanta llapallaykichik yachanaykichikpaq.