Levítico 18:21 - CHUYA QELLQA La Biblia en Quechua de Ayacucho 2012

²¹ Moloc idolopaqqa amam churikitaqa ninapi kañankichu. Chaynata ruwaspaqa ñoqapa sutiytam penqayman churawaq. Ñoqa Tayta Diosmi chaynata nini.

Quechua Ayacucho Bible 1987

²¹ —Amam churikita ninapi kañankichu Moloc sutiyoq taytachapaq. Chaynata ruraspaqa ñoqapa sutiytam penqayman churawaq. Ñoqa Tayta Diosmi chaynata nini.

Chuya Qellqa 1992

²¹ Moloc idolopaqqa amam churikitaqa ninapi kañankichu. Chaynata ruwaspaqa ñoqapa sutiytam penqayman churawaq. Ñoqa Tayta Diosmi chaynata nini.

Levítico 18:21 Iomraidhean Croise

1~Reyes 11:33

Chaynataqa ruwasaq qepanchakuruwaspan Sidón llaqtayuq runakunapa yupaychasqan Astoret idolotawan, moabitakunapa yupaychasqan Quemos idolota chaynataq amonitakunapa yupaychasqan Moloc idolotaña yupaychasqanraykum. Payqa manam taytan David hinachu munasqayman hina kawsaspa kamachikuykuna yachachikuykuna qosqayta kasukurqa.

1~Reyes 11:7

Hinaspanmi Jerusalenpa chimpan moqopi huk capillata ruwarachirqa Moab castakunapa yupaychanan millakuypaq Quemos idolopaq chaynataq Amonpa yupaychasqan millakuypaq Moloc idolopaqpas.

2~Reyes 16:3

Aswanqa Israel nacionpi reykunapa kawsasqanta hinam kawsarqa. Israelpa mirayninkunapa qayllanmanta Tayta Diospa qarqosqan runakunapa millakuypaq ruwasqankuta hina ruwaspam paypas churinta sacrificarqa.

2~Reyes 17:31

Ava lawmanta kaqkunam Nibhaz idolotawan Tartac idolota ruwakururqaku. Sefarvaim llaqtamanta kaqkunañataqmi Adramelec idolotawan Anamelec idolota ruwakuruspanku yupaychanankupaq churinkuta kañapuqku.

2~Reyes 21:6

Churintapas idolokunapaqmi kañapurqa. Layqayayman qokuruspanmi kikinpuni hatarichirqa qatipaqkunatawan alma qayaqkunata. Chay millakuypaq mana allin kaqkunata ruwaspanmi Tayta Diosta piñachirqa.

2~Reyes 23:10

Rey Josiasqa, Hinom qechwapi churinku kañananku Tofettapas milla-kuypaqtam ruwarurqa, chaynapi manaña pipas churinta Moloc idoloman kaña-nankupaq.

2~Crónicas 28:3

Ben-hinom wayqopipas inciensota kañaspanmi churinkunatapas sacrificaspa kañarqa, chaynataqa ruwarqa, Israelpa qayllanmanta Tayta Diospa qarqosqan nacionkunapa millakuypaq costumbrenkunata qatipakuspanmi.

Jeremías 19:5

Qamkunam Baal idolokunapaq altarkunata ruwarqankichik, chay altarkunapim churikichikkunata kañaspa Baalman ofrecerqankichik. Chaykuna ruwaytaqa manam kamachirqaykichikchu, nitaqmi piensarqanichu.

Jeremías 32:35

Ben-hinom wayqopipas Baal idolopaqmi altarkunata ruwapurqaku, chaypim churinkuta qaritapas warmitapas Moloc sutiyuq idoloman kañapurqaku. Chaynata ruwaspankum Judá nacionpi runakunata huchallichirqaku. Chay millakuypaq ruwasqankutaqa manam kamachirqanichu nitaqmi piensayllapas piensarqanichu, nispa.

Jeremías 7:31

Ben-hinom qechwapim Tofet sutiyuq altarta hatarichinku wawa-churinkuta kañanankupaq. Chaykuna ruwanankupaqqa manam kamachirqanichu nitaqmi piensarqanipaschu.

Ezequiel 20:26

Llapa idolonkuman ofrendakunata apaspa chaynataq piwi churinkuta sacrificaspa qachachakunankutam saqeykurqani. Chaytaqa ruwarqani paykunaman manchakuy huntaykuptin ñoqa Tayta Dios kasqayta yachanankupaqmi.

Ezequiel 20:31

Qamkunaqa ofrendata qonaykichikpaq piwi churikichikta ofrecespam chay idoloykichikkunawan hinalla qachachakuchkankichik. Israelpa mirayninkuna ¿chaykunata ruwachkaspachum tapuwaytaraq munachkankichik? Ñoqa Tayta Diosqa manam tapuwaptikichikpas contestasqaykichikchu.

Ezequiel 23:37

Paykunaqa pierdekuspam huchallikurqaku, runa wañuchisqankumantam yawar makintin kachkanku. Paykunaqa qepancharuwaspankum idolokunataña yupaycharqaku. Ñoqapaq wachakusqanku wawankunatapas idolokunamanñam ofrecespanku kañapurqaku.

Levítico 19:12

Sutiypiqa amam yanqaqa jurankichu, chayta ruwaspaqa ñoqa Diosnikipa sutiytam yanqachawaq. Ñoqaqa Tayta Diosmi kani.

Levítico 21:6

Paykunaqa ñoqallapaqña sapaqchasqam kanqaku, chayraykum sutiytapas penqaymanqa ama churanqakuchu. Paykunaqa ñoqa Tayta Diospa kañasqa ofrendaykunatawan tantatam ofrecewanku. Chaynaqa, ñoqallapaqña sapaqchasqam kanqaku.

Levítico 22:32

Chuya sutiytaqa amam penqaymanqa churankichikchu, chaynapim Israelpa mirayninkunapi chuya kasqayta yachankichik. Ñoqaqa chuyanchaqnikichik Tayta Diosmi kani.

Levítico 24:15

Chaymantam Israelpa mirayninkunata ninki: Pipas Tayta Diospa sutinta ñakaqqa wañuchisqam kanqa.

Amós 2:7

Mana piniyuqkunatam usuchinku, wakchakunatapas yanqamanta cargochaspam pantachinku. Taytakunapas churintinmi huk warmillawan qanrakunku, hinaspam chuya sutiyta penqayman churanku.

Amós 5:26

Aswanraqmi Moloc chaynataq Quiún sutiyuq idoloykichikkunata chaskakunaman rikchaykachispa “diosmi” nispa ruwasqaykichikta qepirikuspa apaykacharqankichik.

Miqueas 6:7

¿Waranqa carnerokunataña otaq chunka waranqa mayukunata hinaña aceiteta qoptiypas, yaqachum Tayta Diosqa kusikunman? ¿Piwi churiytachu mana kasukuq kasqaymanta qoykusaq? ¿Qari churiytachu huchaymanta qoykusaq?

Malaquías 1:12

Qamkunam ichaqa piñachiwachkankichik, Tayta Diospa mesanqa millakuypaqmi, millakuypaqtaqmi mikuyninpas, nispaykichik.

Hechos 7:43

Aswanraqmi Moloc idolotawan chaskakunaman rikchakuq ruwasqaykichik Refán idoloykichikta apaykacharqankichik. Chay idolokunatam yupaychanaykichikpaq ruwarqankichik, chayraykum Babilonia llaqtapa waklawninkunaman qarqorqaykichik”, nispa.

Romanos 1:23

Wiñay kawsaq Tukuy Atiyniyuq Dios yupaychaytam tikrarunku, hinaspam wañuq runakunapa rikchaynintaña chaynataq alton pawaqkunapa, tawa chakiyuq animalkunapa, pampan puriq urukunapa rikchaynintaña yupaychanku.

Romanos 2:24

Chuya Qellqaqa allintam nin: “Qamkunapa huchaykichikmantam mana judío kaqkuna Diosta kaminku”, nispa.

Deuteronomio 12:31

Señornikichik Tayta Diostaqa amam paykunapa yupaychasqanman hinaqa yupaychankichikchu. Chay nacionniyuq runakunaqa idolonkuta yupaychanankupaqmi Señornikichik Tayta Diospa millakusqanta hinaspa cheqnisqanta ruwanku, paykunaqa churinkutapas chay idolonkumanmi kañapunku.

Deuteronomio 18:10

Yanqañataq churikichikta kañaspa sacrificawaqchik. Qamkuna ukupiqa amam kanqachu qatipaqkunapas, qawaqkunapas, layqakunapas,